2025ལོའི་གོ་ལ་ཧྲིལ་པོའི་གྲངས་འཛིན་དཔལ་འབྱོར་ཚོགས་ཆེན་གྱི་ལྷ་སའི་མཐོ་རིམ་གླེང་སྟེགས་འགོ་ཚུགས་པ།
ཉེ་ཆར། ལྷ་ས་གྲོང་ཁྱེར་མི་དམས་སྲིད་གཞུང་གིས་གཙོ་གཉེར་བྱས་ཤིང་། ལྷ་ས་མཐོ་གསར་ཁུལ་དོ་དམ་ཨུ་ལྷན་དང་། ལྷ་ས་གྲོང་ཁྱེར་དཔལ་འབྱོར་དང་ཆ་འཕྲིན་ཅན་ཅུས། ལྷ་ས་གྲོང་ཁྱེར་མ་འཇོག་སྐུལ་སྤེལ་ཅུས་བཅས་ཀྱིས་གཉེར་འགན་ཁུར་བའི་2025ལོའི་གོ་ལ་ཧྲིལ་པོའི་གྲངས་འཛིན་དཔལ་འབྱོར་ཚོགས་ཆེན་གྱི་ལྷ་སའི་མཐོ་རིམ་གླེང་སྟེགས་འགོ་ཚུགས་པ་རེད། ཐེངས་འདིའི་གླེང་སྟེགས་ཀྱིས“གྲངས་འདུས་ལྷ་ས། མཐུན་སྦྱོར་འཕེལ་རྒྱས”བརྗོད་དོན་གཙོ་བོར་བྱས་ཤིང་། ཀྲུང་གོ་སྒུལ་འཕྲིན་དང་། ཀྲུང་གོ་གློག་འཕྲིན། ཤར་ཕྱོགས་རྒྱུ་ནོར། ཀྲུང་གོ་སྲོག་རྟེན་འགན་བཅོལ་སོགས་ལྗོངས་ཕྱི་ནང་གི་གྲངས་འཛིན་དཔལ་འབྱོར་གྱི་གཙོ་གནད་ཁེ་ལས་བརྒྱ་ལྷག་ཙམ་ས་མཐོར་ལྷན་དུ་འཛོམས་ཏེ། གྲངས་རིག་འབྱུང་འགྱུར་མཉམ་གླེང་དང་འཕེལ་རྒྱས་འཆར་གཞི་མཉམ་འགོད་བྱས་པ་རེད།
ཐེངས་འདིའི་གླེང་སྟེགས་བདེ་བླག་ངང་གཉེར་བ་ལས། སྲིད་གཞུང་དང་ཁེ་ལས་དབར་སྤེལ་རེས་བྱེད་པར་རྩེར་སོན་གྱི་ལས་སྟེགས་ཤིག་བསྐྲུན་པ་ཙམ་མ་ཟད། རྣམ་གྲངས་སྦྲེལ་མཐུད་དང་ཐོན་ཁུངས་བསྡུ་སྒྲིལ་ལ་སྐུལ་འདེད་ནུས་ལྡན་བཏང་བ་དང་། ཚང་མར་ལྷ་ས་གྲོང་ཁྱེར་གྱིས་གྲངས་འཛིན་དཔལ་འབྱོར་འཕེལ་རྒྱས་ཤུགས་ཆེན་གཏོང་བ་དང་ཚོང་གཉེར་ཁོར་ཡུག་ལེགས་སུ་གཏོང་བའི་ཆོད་སེམས་བརྟན་པོ་དང་ཡིད་དབང་འགུགས་ནུས་ཆེན་པོ་བརྒྱུད་སྤྲོད་བྱས་ཡོད། ལྷ་ས་གྲོང་ཨུད་ཀྱི་ཧྲུའུ་ཅི་གཞོན་པ་དང་ཧྲི་ཀྲང་ཝང་ཆང་གིས། ད་ཆའི་ལྷ་སར་གནམ་གཤིས་དང་། ནུས་རྒྱུ། ཐཱན་འདུས། སྲིད་ཇུས། མ་རྩ་བཅས་ཐུན་མིན་ལེགས་ཆ་ཆེན་པོ་ལྔ་ལྡན་ཡོད་པ་དང་། “གནམ་དང་ཐག་ཉེ་པོ་ཡོད་ལ་གྲངས་འཛིན་དང་དེ་བས་ཐག་ཉེ་པོ་ཡོད་པའི”ཉམས་འགྱུར་ལ་བརྟེན་ནས། “ཉི་འོད་གྲོང་ཁྱེར”དུ“གྲངས་འཛིན་དར་རྒྱས་གྲོང་ཁྱེར”གྱི་ལེའུ་གསར་པ་ཞིག་རྩོམ་བཞིན་ཡོད། རྒྱ་ཆེའི་ཁེ་ལས་པ་ཚོ་ལྷ་སའི་གྲངས་འཛིན་རྨང་གཞིའི་སྒྲིག་བཀོད་གསར་པ་དང་། ཐོན་ལས་ཕྱོགས་སྒྱུར་དང་ལྗོངས་རྣམ་བཀོལ་སྤྱོད་ནང་ཧུར་ཐག་ཞུགས་ཏེ། གོ་སྐབས་མཉམ་སྤྱོད་དང་སྐྱེ་ཁམས་མཉམ་གཏོད་བྱ་རྒྱུའི་རེ་སྒུག་བྱེད་ཀྱི་ཡོད་ཅེས་བརྗོད།
འབྲེལ་ཡོད་གསར་འགྱུར།