ཉེ་ཆར། ཀྲུང་དབྱང་སྒྲིག་ཨུད་རྒྱལ་ཁབ་ལྟ་ཞིབ་ཨུ་ལྷན་གྱི་དྲ་ཚིགས་ཐོག་གནས་ཚུལ་སྤེལ་གསལ། ཀྲུང་དབྱང་སྒྲིག་ཨུད་རྒྱལ་ཁབ་ལྟ་ཞིབ་ཨུ་ལྷན་གྱིས་2025ལོའི་ལོ་སྟོད་ཀྱི་རྒྱལ་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱི་ལྟ་སྐུལ་ཞིབ་བཤེར་དང་ཞིབ་བཤེར་བརྟག་དཔྱད་ཀྱི་གནས་ཚུལ་བརྡ་ཁྱབ་བཏང་ཞིང་། 2025ལོའི་ལོ་སྟོད་དུ་རྒྱལ་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་ཁྱོན་གྱོད་གཞི་ཁྲི་52.1ཐོ་འགོད་བྱས་པ་དང་མི་ཁྲི་42ལ་ཆད་པ་བཅད་པའི་ནང་ཞིང་ཆེན་དང་པུའུ་རིམ་པའི་ལས་བྱེད་པ་30ཚུད་ཡོད།

བརྡ་ཁྱབ་ལས་མངོན་པར། 2025ལོའི་ལོ་སྟོད་དུ་རྒྱལ་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་ཁྱོན་ཡིག་འབུལ་ཞུ་བཅར་དང་ཐེར་འདོན་ཐེངས་ཁྲི་190.6དང་ལེན་བྱས་པའི་ནང་ཉེས་འདོན་དང་ཞུ་གཏུག་རིགས་ཀྱི་ཡིག་འབུལ་ཞུ་བཅར་དང་ཐེར་འདོན་ཐེངས་ཁྲི་58.9ཡོད་པ་དང་གནད་དོན་གྱི་ཁུངས་སྣེ་ཁྲི་120.6ཐག་གཅོད་བྱས་ཡོད། གྱོད་གཞི་ཁྲི་52.1ཐོ་འགོད་བྱས་པའི་ནང་ཞིང་ཆེན་དང་པུའུ་རིམ་པའི་ལས་བྱེད་པ་43དང་ཐིང་དང་ཅུས་རིམ་པའི་ལས་བྱེད་པ་2335ཡོད། མི་ཁྲི་42ལ་ཆད་པ་བཅད་པའི་ནང་མི་ཁྲི་31.3ལ་ཏང་གི་སྒྲིག་ཁྲིམས་ཀྱི་ཆད་པ་བཅད་པ་དང་མི་ཁྲི་13.6ལ་སྲིད་དོན་གྱི་ཆད་པ་བཅད་ཡོད།