དུས་རབས་གསར་པའི་མཐའ་མཚམས་བཅོས་སྐྱོང་དེང་རབས་ཅན་གྱི་གྲུབ་འབྲས་འགྲེམས་སྟོན་བྱས་ཏེ། བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བར་དགའ་བསུ་ཞུ་ཆེད། ཉེ་ཆར། ཀྲུང་གོ་སྤྱི་ཚོགས་ཚན་རིག་ཁང་ཀྲུང་གོའི་མཐའ་མཚམས་ཞིབ་འཇུག་སུའོ་དང་། བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང(སྤྱི་ཚོགས་ཚན་རིག་མཉམ་འབྲེལ་ལྷན་ཚོགས) དེང་རབས་ཀྲུང་གོ་ཞིབ་འཇུག་སུའོ་བཅས་ཀྱིས་མཉམ་དུ་གཙོ་གཉེར་བྱས་པའི“དེང་རབས་མཐའ་མཚམས་ལོ་རྒྱུས་དང་མཐའ་མཚམས་བཅོས་སྐྱོང”བརྗོད་དོན་གཙོ་བོར་བྱས་པའི་དེང་རབས་མཐའ་མཚམས་ལོ་རྒྱུས་སྐོར་གྱི་རིག་གཞུང་བགྲོ་གླེང་ཚོགས་འདུ་སྐབས་གཉིས་པ་ལྷ་སར་འཚོགས་ཤིང་། ཚོགས་འདུར་རྒྱལ་ཡོངས་ཀྱི་ཚན་ཞིབ་སྒྲིག་གཞི་དང་མཐོ་སློབ་30ལྷག་ཙམ་གྱི་རིགས་གཅིག་མཁས་ཅན་དང་མཁས་དབང་90ལྷག་ཙམ་ཞུགས་ཡོད་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བགྲོ་གླེང་ཚོགས་འདུར་གཙོ་དོན་གཏམ་བཤད་དང་ཡན་ལག་གླེང་སྟེགས་ཁག་གཉིས་སུ་དབྱེ་ཡོད་ལ། རིགས་གཅིག་མཁས་ཅན་7གྱིས་དུས་རབས་རིམ་བྱུང་གི་ཀྲུང་དབྱང་དང་བོད་ས་གནས་དབར་གྱི་སྲིད་འཛིན་འབྲེལ་བ་དང་། བོད་ལ་ལག་བསྟར་བྱས་པའི་སྲིད་ཇུས། ཁ་གཏད་རོགས་སྐྱོར་ལམ་སྲོལ་སོགས་ཐད་ནས་མཐའ་མཚམས་བཅོས་སྐྱོང་ཐབས་ལམ་ལ་དབྱེ་ཞིབ་བྱས་པ་རེད། ཡན་ལག་གླེང་སྟེགས་བཞི་ཡིས“དེང་རབས་མཐའ་མཚམས་ལོ་རྒྱུས་ཞིབ་འཇུག”དང་། “མཐའ་མཚམས་བཅོས་སྐྱོང” “ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པ”སོགས་བརྗོད་དོན་གཙོ་བོར་དམིགས་ནས་མཐའ་མཚམས་བཅོས་སྐྱོང་ལ་རིག་ཚན་མང་པོའི་བློ་གྲོས་གཅིག་ཏུ་བསྡུས་པ་རེད།