འདི་ལོ་ཤར་ཚུན་དུ་མངའ་རིས་ས་ཁུལ་གྱིས་ལས་ཞུགས་ཚོགས་སྤྱི་གསར་པར་ཞབས་ཞུ་དོ་དམ་ལས་དོན་གྱི་ཐབས་ལམ་གསར་པ་གསར་གཏོད་དང་འཚོལ་ཞིབ་བྱས་ཤིང་། གསར་དར་ཁྱབ་ཁོངས་ཀྱི་གསར་བརྗེའི་ས་ཚིགས་བསྐྲུན་ཏེ། “1+1”དང“1+མང”གི་ལས་ཁུངས་དང་གསར་དར་ཁྱབ་ཁོངས་ཀྱི་ཏང་རྩ་འཛུགས་ཆ་སྒྲིག་གིས་སྐྲུན་རོགས་ཀྱི་བྱེད་སྟངས་སྤྱད་པས། “ཕྲན་སྒེར་ཆེད་གསུམ་གྱི་ཏང་འཛུགས་སྐྱོང”བྱེད་པ་ནས“ལས་ཞུགས་ཚོགས་སྤྱི་གསར་པའི་ཏང་འཛུགས་སྐྱོང”འཚོལ་ཞིབ་བྱེད་པའི་བར་དུ་གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ནས་བཀྲག་མདངས་ཡང་ཡང་འཚེར་ཞིང་། “བྲེལ་འཚུབ་ཆེ་ཤོས་ཁུལ”དུ་ཏང་འཛུགས་སྐྱོང་གི་མཁར་རྫོང་ནུས་ཤུགས་ཡོད་རྒུས་སྲ་བརྟན་དུ་བཏང་ཡོད།

ཉེ་བའི་ལོ་ཤས་རིང་མངའ་རིས་ས་ཨུད་ཀྱི་སྤྱི་ཚོགས་ལས་དོན་པུས་གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་ལ་དོ་དམ་བྱེད་མཁན་མེད་པ་དང་། འཛུགས་སྐྱོང་ཡག་པོ་བྱུང་མེད་པ། སྟོབས་ཤུགས་ཆུང་བ་སོགས་ཀྱི་གནད་དོན་ཐག་གཅོད་བྱེད་ཆེད། “གསར་གཉིས”ལས་དོན་ཨུ་ལྷན་དང་། ལས་རིགས་ཏང་ཨུད། ཁེ་ལས་ཀྱི་ཏང་རྩ་འཛུགས་སོགས་བྱེད་པོའི་འབྲེལ་བ་ལེགས་སྒྲིག་ཧུར་ཐག་བྱས་ཏེ། གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ལས་ཀའི་མ་ལག་གནད་འཁེལ་ཞིབ་ཚགས་ཀྱི་སྒོ་ནས་བསྐྲུན་ཡོད།

རྩྭ་མདའ་རྫོང་དུ་རྫོང་ཨུད“གསར་གཉིས”ལས་དོན་ཨུ་ལྷན་གྱིས་སྡོད་ཁང་འཛུགས་སྐྲུན་དང་རང་བྱུང་ཐོན་ཁུངས་སོགས་སྡེ་ཚན་དང་འབྲེལ་གཏུག་མཐུན་སྦྱོར་ཧུར་ཐག་བྱས་ཏེ། གནས་སྐབས་རླངས་འཁོར་འཇོག་ས་དང་ངལ་གསོའི་ས་ཚིགས་མཁོ་འདོན་བྱས་པས། མྱུར་སྐྱེལ་པ་དང་སྡེབ་སྐྱེལ་པ་རྒྱལ་སྒོའི་ནང་འཛུལ་དཀའ་བ་དང་རླངས་འཁོར་འཇོག་དཀའ་བ་སོགས་ཀྱི་གནད་དོན་ཐག་གཅོད་ནུས་ལྡན་བྱས་ཡོད། “གོམ་སྟབས་རྗེས་མར་ང་ཚོས‘ལས་ཞུགས་ཚོགས་སྤྱི་གསར་པའི་ཁྱིམ’བསྐྲུན་ནས་ངལ་གསོ་དང་། གློག་གསོག སྲིད་ཇུས་བློ་འདྲི་སོགས་ཀྱི་ཞབས་ཞུ་མཁོ་འདོན་བྱས་ཏེ། ལས་ཞུགས་ཚོགས་སྤྱི་གསར་པའི་གཏོགས་སེམས་རྒྱུན་ཆད་མེད་པར་ཆེ་རུ་གཏོང་རྒྱུ་ཡིན”ཞེས་རྩྭ་མདའ་རྫོང་ཨུད“གསར་གཉིས”ལས་དོན་ཨུ་ལྷན་གྱི་ཧྲུའུ་ཅི་ཡེ་ཤེས་རྡོ་རྗེས་བཤད།

གཞི་རིམ་ཏང་འཛུགས་སྐྱོང་གི་གསར་དར་གཡུལ་ས་དང་གཞི་རིམ་བཅོས་སྐྱོང་གི་གསར་སྐྱེས་སྟོབས་ཤུགས་ཡིན་པའི་གསར་དར་ཁྱབ་ཁོངས་དེ་ཉིད་རིམ་བཞིན་གྲོང་ཁྱེར་འཕེལ་རྒྱས་འགྲོ་རིང་སྣང་ཆུང་བྱེད་མི་རུང་བའི“དབང་རྩ”ལྟ་བུར་འགྱུར་བཞིན་ཡོད།

ཤེས་རྟོགས་བྱུང་བར་གཞིགས་ན། མངའ་རིས་ས་ཁུལ་གྱིས་གྲོང་ཁུལ་དུ་ཆབ་སྲིད་ཀྱི་སྣེ་ཁྲིད་དང་། དམངས་འཚོའི་ཞབས་ཞུ། གཞི་རིམ་བཅོས་སྐྱོང་བཅས་གཞི་གཅིག་ཏུ་འདུས་པའི་གསར་བརྗེའི་ས་ཚིགས་བསྐྲུན་རྒྱུར་གོ་རིམ་ལྡན་པའི་སྒོ་ནས་སྐུལ་འདེད་བཏང་སྟེ། རྩ་འཛུགས་མཉམ་སྐྲུན་དང་། ཐོན་ཁུངས་མཉམ་སྤྱོད། བྱེད་ནུས་ཉིས་བརྩེགས་བཅས་ཡོང་བར་བྱེད་བཞིན་ཡོད། མྱུར་སྐྱེལ་ཟོག་འགྲེམས་དང་། མོས་འདེམས་ཉོ་སྐྱེལ། དྲ་འབོད་གླ་འཁོར་སོགས་གསར་དར་ཁྱབ་ཁོངས་སུ་ཡོངས་ཁྱབ་ཏུ་འཕྲད་པའི་ཁེ་དབང་འགན་སྲུང་མི་འདང་བ་དང་། སྤྱི་ཚོགས་མཉམ་འདྲེས་མི་འདང་བ། ཞབས་ཞུ་མཁོ་སྤྲོད་མི་འདང་བ། ནུས་པ་མངོན་གསལ་མི་ཐོན་པ་སོགས་ཀྱི་དཀའ་གནད་ལ་དམ་པོར་དམིགས་ཏེ། “གསར་བརྗེའི་གཡུལ་ས་དང་། ཞབས་ཞུ་ཕྱོགས་སྒྲིག བཅོས་སྐྱོང་ལས་སྟེགས་བཅས་ཕན་ཚུན་ཟུང་འབྲེལ་གྱི་ཕྱོགས་གསུམ་གཞི་གཅིག་གི་ཏང་དམངས་ཞབས་ཞུའི་མ་ལག་གསར་པ་ཧུར་ཐག་བསྐྲུན་ཡོད། དེ་དང་ཆབས་ཅིག་མངའ་རིས་ས་ཁུལ་གྱིས་གསར་དར་ཁྱབ་ཁོངས་ཀྱི་ཏང་འཛུགས་སྐྱོང་དང་སྤྱི་ཚོགས་བཅོས་སྐྱོང་གཉིས་མཉམ་འདྲེས་གཏིང་ཟབ་མཐའ་འཁྱོངས་བྱས་ཏེ། ཕུལ་བྱུང“མྱུར་སྐྱེལ་བ”དང“གསར་གཉིས”མི་སྣ་30ལྷག་ཙམ་དྲ་མིག་པ་དང་སྤྱི་ཚོགས་ལྟ་སྐུལ་པར་ལས་འགན་གཅིག་ཆོག་ཁུར་བར་གདན་དྲངས་ནས་གཞི་རིམ་བཅོས་སྐྱོང་གི“སྒུལ་བདེའི་ལྟ་སྐུལ་བ”ལྟ་བུའི་ནུས་པ་འདོན་སྤེལ་གང་ལེགས་བྱས་ཤིང་། ལས་རྣམ་གསར་པ་དང་ལས་ཞུགས་ཚོགས་སྤྱི་གསར་པ་སྒྲིག་འཛུགས་དང་སྲ་བརྟན་དུ་བཏང་སྟེ། ལས་ཞུགས་ཚོགས་སྤྱི་གསར་པའི་ལས་དོན་ལ་སྐུལ་འདེད་བཏང་ནས་གྲོང་ཁྱེར་གྱི་གཞི་རིམ་བཅོས་སྐྱོང་ནང་མཉམ་འདྲེས་ཧུར་ཐག་ཐུབ་པར་བྱས་ཡོད།

མངའ་རིས་ས་ཁུལ་གྱིས་བརྩེ་བ་ཟབ་མོ་བཅངས་ནས་ལས་ཞུགས་ཚོགས་སྤྱི་གསར་པར་མཐུན་རྐྱེན་སྦྱོར་རྒྱུ་མཐའ་འཁྱོངས་བྱས་ནས་རྩ་འཛུགས་འཛུགས་སྐྱོང་བྱེད་པ་དང་། ཞབས་འདེགས་ཡག་པོ་ཞུ་བ། བཅོས་སྐྱོང་ལ་སྐུལ་འདེད་གཏོང་བ་བཅས་ཀྱི“སྣ་འདུས་ཐབས་བཟང”རྒྱུན་ཆད་མེད་པར་སྤྱད་དེ་ཞབས་ཞུ་དང་། མཉམ་འདྲེས། མཉམ་སྐྲུན་གསུམ་འཁོར་རྒྱུག་ཡག་པོ་ཐུབ་པར་བྱས་པ་དང་། གསར་དར་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་གྱི“བདེ་སྐྱིད་ཀྱི་རྒྱུགས་ལན”ཕུལ་ཞིང་། མཛེས་སྡུག་ལྡན་པའི“ཕྱོགས་གཉིས་མཉམ་འགུལ”བྱ་སྤྱོད་ཀྱི་རྒྱུན་མཐུད་ཡོད།