རྒྱལ་ཡོངས་ཀྱི་ཁེ་ལས་འབྲིང་ཆུང་ཕྲན་གསུམ་གྱི་མ་དངུལ་འཁོར་རྒྱུག་གི་ཡིད་རྟོན་ཆ་འཕྲིན་མཉམ་སྤྱོད་ལས་སྟེགས་ནག་ཆུ་གྲོང་ཁྱེར་དུ་ཁྱབ་གདལ་བཏང་ཚུན། མི་དམངས་དངུལ་ཁང་ནག་ཆུ་གྲོང་ཁྱེར་ཡན་ལག་དངུལ་ཁང་གིས་ལོ་འཁོར་གྱི་དངུལ་རྩའི་ཞབས་ཞུའི་གཙོ་གནད་ལ་དམིགས་ནས་ལས་སྟེགས་བཀོལ་སྤྱོད་བྱེད་པར་སྐུལ་འདེད་ནུས་ལྡན་བཏང་སྟེ། 《ནག་ཆུ་གྲོང་ཁྱེར་གྱི་ཁེ་ལས་འབྲིང་ཆུང་ཕྲན་གསུམ་གྱི་མ་དངུལ་འཁོར་རྒྱུག་གི་ཡིད་རྟོན་ཆ་འཕྲིན་མཉམ་སྤྱོད་ལས་སྟེགས་བཀོལ་སྤྱོད་ཁྱབ་གདལ་གྱི་ལག་བསྟར་ཇུས་གཞི》བཟོས་ནས“མཉམ་འགུལ་ལམ་སྲོལ་དང་། སྲིད་ཇུས་མཐུན་སྦྱོར། དྲིལ་བསྒྲགས་ཁྲིད་སྟོན”བཅས་ཀྱི་རྩ་གསུམ་ལས་ཀའི་མ་ལག་བཙུགས་ཏེ་ཕྲན་ཚེགས་ཁེ་ལས་སུ་ཡིད་རྟོན་དངུལ་བུན་གཏོང་བར་གནད་སྨིན་ཁྲིད་སྟོན་བྱས་པ་རེད།

ནག་ཆུ་གྲོང་ཁྱེར་གྱི་དངུལ་ཁང་ལས་རིགས་སྒྲིག་གཞིས་མ་དངུལ་འཁོར་རྒྱུག་གི་ཡིད་རྟོན་སྙན་ཞུར་གཞིགས་ནས། ཁེ་ལས་ཀྱི་ཕྱིར་ཚོང་ཡོང་འབབ་དང་། ཁྲལ་འཇལ་གཞི་གྲངས། མ་དངུལ་འཁོར་རྒྱུག་བཅས་དང་ཡིད་རྟོན་གནས་ཚུལ་ལ་ཞིབ་བཤེར་བྱས་པ་རེད། ཟླ་6པའི་ཟླ་མཇུག་བར་རིམ་རྩིས་བརྒྱབ་པར་གཞིགས་ན། མ་དངུལ་འཁོར་རྒྱུག་གི་དངུལ་བུན་ཐེངས་6བཏང་བར་དངུལ་གྲངས་སྒོར་ཁྲི་4387.8ཟིན་ཞིང་། ལས་སྟེགས་དེས་ས་གནས་ཀྱི་དཔལ་འབྱོར་འཕེལ་རྒྱས་ལ་མཐུན་རྐྱེན་སྦྱོར་བ་དང་། ཁྲོམ་རའི་སྒུལ་ནུས་གསར་པ་སྐྱེད་སྲིང་བྱེད་པ། “མ་དངུལ་བསྡུ་སྒྲིལ་དཀའ་བ་དང་མ་དངུལ་བསྡུ་སྒྲིལ་འགོར་བའི”དཀའ་གནད་སེལ་བ། དེ་བཞིན་དངུལ་ཁང་ལ་ཡིད་རྟོན་དངུལ་བུན་གཏོང་བའི་བར་མཐོངས་རྒྱ་ཆེར་གཏོང་བར་རམ་འདེགས་བྱེད་པ་སོགས་ཀྱི་ཐད་ནུས་པ་མངོན་གསལ་དོད་པོ་བཏོན་ནས་དངུལ་རྩས་དཔལ་འབྱོར་དངོས་ཚན་ལ་མཐུན་རྐྱེན་སྦྱོར་བའི་དམ་འཛིན་བྱ་གཞི་གལ་ཆེན་ཞིག་ཏུ་གྱུར་ཡོད།