ཤིན་ཧྭ་གསར་འགྱུར་ཁང་པེ་ཅིང་ནས་ཟླ་7ཚེས་12ཉིན་གློག་འཕྲིན་འབྱོར་གསལ། ཚེས་12ཉིན། ཕྱི་འབྲེལ་པུའི་མགྲིན་ཚབ་པས་ཧྲང་ཧའེ་མཉམ་ལས་རྩ་འཛུགས་ཁོངས་མིའི་རྒྱལ་ཁབ་ཀྱི་ཕྱི་འབྲེལ་པུའུ་ཀྲང་གི་ལས་འཛིན་ལྷན་ཚོགས་ཀྱི་ཚོགས་འདུ་ཟླ་7ཚེས་15ཉིན་ཐེན་ཅིན་དུ་འཚོག་རྒྱུའི་ཁྱབ་བསྒྲགས་བྱས་པ་རེད། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་ཕྱི་འབྲེལ་པུའི་པུའུ་ཀྲང་ཝང་དབྱི་ཡི་གདན་ཞུས་ལྟར། ཧྲང་ཧའེ་མཉམ་ལས་རྩ་འཛུགས་ཁོངས་མིའི་རྒྱལ་ཁབ་གཞན་དག་གི་ཕྱི་འབྲེལ་པུའུ་ཀྲང་དང་ཧྲང་ཧའེ་མཉམ་ལས་རྩ་འཛུགས་ཀྱི་རྒྱུན་བཙུགས་སྒྲིག་གཞིའི་འགན་འཁུར་བ་ཚོགས་འདུར་ཞུགས་རྒྱུ་རེད། ཕྱོགས་ཁག་གིས་ཧྲང་ཧའེ་མཉམ་ལས་རྩ་འཛུགས་ཀྱི་ཁྱབ་ཁོངས་ཁག་གི་མཉམ་ལས་དང་། དེ་བཞིན་རྒྱལ་སྤྱི་དང་ས་ཁུལ་གྱི་གནད་དོན་གལ་ཆེན་ཐད་བསམ་འཆར་བརྗེ་རེས་བྱེད་རྒྱུ་རེད། གཞན་ཡང་། རྒྱ་གར་གྱི་ཕྱི་འབྲེལ་པུའི་པུའུ་ཀྲང་སུའུ་ཅེ་ཧྲེང་གིས་ཚོགས་འདུར་ཞུགས་པའི་གོ་སྐབས་དང་བསྟུན་ནས་ཀྲུང་གོར་འཚམས་འདྲི་བྱེད་རྒྱུ་རེད།