ཟླ་7ཚེས་8ཉིན། ཀྲུང་གོ་རྒྱལ་སྤྱིའི་དེང་རབས་ཅན་གྱི་ལྕགས་ལམ་ལག་རྩལ་སྒྲིག་ཆས་འགྲེམས་ཚོགས་སྐབས་བཅུ་བདུན་པ་པེ་ཅིང་རྒྱལ་ཁབ་གྲོས་ཚོགས་ལྟེ་གནས་སུ་འགོ་ཚུགས་པ་རེད། སྐབས་འདིའི་འགྲེམས་ཚོགས་སུ་གོ་ལ་ཧྲིལ་པོའི་རྒྱལ་ཁབ་དང་ས་ཁུལ་13གྱི་འགྲེམས་ཞུགས་ཁེ་ལས་500ལྷག་ཙམ་མཉམ་དུ་འཛོམས་ཏེ། ལྕགས་ལམ་གྱི་ཐོན་ལས་འཁོར་འབྲེལ་ཧྲིལ་པོའི་ལག་རྩལ་དང་སྒྲིག་ཆས་གསར་ཤོས་དང་དེ་བཞིན་ཐག་གཅོད་ཇུས་གཞི་གཅིག་སྡུད་ཐོག་བསྟན་ནས་གོ་ལ་ཧྲིལ་པོའི་ལྕགས་ལམ་ཚན་རྩལ་གྱི་གསར་གཏོད་གྲུབ་འབྲས་གསར་ཤོས་མངོན་པར་བྱས་ཡོད།

འདི་ནི་ཀྲུང་གོ་རྒྱལ་སྤྱིའི་དེང་རབས་ཅན་གྱི་ལྕགས་ལམ་ལག་རྩལ་སྒྲིག་ཆས་འགྲེམས་ཚོགས་སྐབས་བཅུ་བདུན་པའི་ཐོག་ལྟད་མོ་བ་ཚོས་ཀྲུང་གོའི་ལྕགས་ལམ་སྒྲིག་ཆས་ལ་ལྟ་བཞིན་པ།