ཤིན་ཧྭ་གསར་འགྱུར་ཁང་གྲོང་ཁྱེར་ཧྲོའར་ནས་ཟླ་7ཚེས་7ཉིན་གློག་འཕྲིན་འབྱོར་གསལ། ཚེས་7ཉིན། “ཀྲུང་གོའི་མཛེས་རྩལ་སྒྱུ་རྩལ་གྱི་ངོ་མཚར—‘ཀྲུང་གོའི་རྒྱལ་རབས་རིམ་བྱུང་གི་རི་མོའི་བརྩམས་ཆོས་ཆེ་མོའི’སུང་རྒྱལ་རབས་ཀྱི་རི་མོའི་འགྲེམས་སྟོན”ཧན་གོའི་གྲོང་ཁྱེར་ཧྲོའར་གྱི་ཀྲུང་གོའི་རིག་གནས་ལྟེ་གནས་སུ་འགོ་ཚུགས་ཤིང་། 《སུང་རྒྱལ་རབས་ཀྱི་རི་མོ་ཀུན་འདུས》ནས་ལེགས་འདེམས་བྱས་པའི་མཚོན་བྱེད་རང་བཞིན་གྱི་རི་མོའི་བརྩམས་ཆོས་80འགྲེམས་སྟོན་བྱས་ཡོད།

འགྲེམས་སྟོན་དེ་ནང་དོན་ཆེན་པོ་གསུམ་སྟེ། རི་ཆུ་དང་། མེ་ཏོག་དང་འདབ་ཆགས། མི་སྣ་སོགས་ནས་སུང་རྒྱལ་རབས་ཀྱི་རི་མོའི་སྒྱུ་རྩལ་གྱི་གྲུབ་འབྲས་དང་མི་ཆོས་རིག་གནས་ཀྱི་ནང་དོན་བརྒྱུད་རིམ་ལྡན་པའི་སྒོ་ནས་མངོན་པར་བྱས་ཡོད།

ཧན་གོར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཏའེ་པིང་གིས་འགོ་ཚུགས་མཛད་སྒོར་ཤིས་ཚིག་སྒྲོན་སྐབས། ཀྲུང་གོས་ཧན་གོ་ཕྱོགས་དང་མཉམ་དུ་འབད་འཐབ་བྱས་ནས་ཕན་ཡོད་ཀྱི་རིག་གནས་སྤེལ་རེས་དེ་བས་མང་བ་བྱས་ཏེ་ཤེས་དཔལ་ཕན་ཚུན་དཔྱད་གཞིར་འཛིན་པ་དང་བསམ་བློའི་བགྲོ་གླེང་ལ་སྐུལ་འདེད་གཏོང་འདོད་ཡོད་ཅེས་བརྗོད་པ་རེད།