གསར་འགོད་པར་ཀྲུང་གོ་འབྲི་ཆུའི་རོང་གསུམ་ཚོགས་པ་ཚད་ཡོད་ཀུང་སི་ནས་ཤེས་རྟོགས་བྱུང་བར། ཉེ་ཆར་རོང་གསུམ་ཚོགས་པ་ཅང་སུའུ་ཏ་ཧྥུང་གི་ཀྲའོ་ཝ་800ཡི་མཚོ་ཐོག་རླུང་ཤུགས་རྣམ་གྲངས་ཀྱི་འཕྲུལ་ཚན་ཁག་དང་པོ་དྲ་སྦྲེལ་ཐུབ་པ་རེད། ཡན་ཁྲེང་གྲོང་ཁྱེར་ཏ་ཧྥུང་ཆུས་ཀྱི་བྱང་ཤར་རྒྱུད་ཀྱི་མཚོ་ཁོངས་སུ་ཡོད་པའི་རྣམ་གྲངས་དེ་གནས་ཡུལ་4ལས་གྲུབ་ཅིང་། དེའི་ཁྲོད་ཀྱི་གནས་ཡུལ་གཅིག་གི་ལྟེ་བ་མཚོ་ངོགས་དང་བར་ཐག་སྟོང་སྨི་80ཟིན་པ་དང་མཚོ་ངོགས་དང་བར་ཐག་རིང་ཤོས་ལ་སྟོང་སྨི་85.5ཟིན་གྱི་ཡོད། དེ་ནི་མིག་སྔར་རང་རྒྱལ་གྱི་དྲ་སྦྲེལ་གློག་གཏོང་གི་མཚོ་ངོགས་དང་བར་ཐག་རིང་ཤོས་ཀྱི་མཚོ་ཐོག་རླུང་ཤུགས་རྣམ་གྲངས་ཤིག་རེད།

ཤེས་རྟོགས་བྱུང་བར་གཞིགས་ན། རོང་གསུམ་ཏ་ཧྥུང་གི་ཀྲའོ་ཝ་800ཡི་མཚོ་ཐོག་རླུང་ཤུགས་རྣམ་གྲངས་ལ་ཁྱོན་རླུང་ཤུགས་འཕྲུལ་ཚན་98སྒྲིག་སྦྱོར་བྱས་པ་དང་། ཆན་ཝ་ཁྲི་20ཡི་མཚོ་ཐོག་གློག་ཤུགས་འཕར་ཚུགས་2དང་ཆན་ཝ་ཁྲི་40ཡི་མཚོ་ཐོག་གློག་ཤུགས་འཕར་ཚུགས་1ལྷན་སྦྱར་འཛུགས་སྐྲུན་བྱས་པར་ཁྱོན་གློག་འདོན་ཚད་ཀྲའོ་ཝ་800ཟིན་གྱི་ཡོད།

རྣམ་གྲངས་དེ་ད་ལོའི་ཟླ་12པའི་ཟླ་མཇུག་གོང་སྒྲིག་སྦྱོར་བྱས་ནས་དྲ་སྦྲེལ་ཐུབ་རྒྱུ་ཡིན་ཞིང་། སྔོན་དཔག་བྱས་ན་ལོ་ལྟར་དྭངས་གཙང་དང་ལྗང་མདོག་གི་གློག་ནུས་ཐོན་ཚད་ཆུ་ཚོད་ཆན་ཝ་དུང་ཕྱུར་26ལྷག་ཙམ་ཟིན་ནས། མི་གསུམ་ཡོད་པའི་ཁྱིམ་ཚང་ཁྲི་110ཙམ་གྱི་ལོ་ཧྲིལ་པོའི་གློག་སྤྱོད་དགོས་མཁོ་སྐོང་ཐུབ་རྒྱུ་རེད།