རི་ཆུས་ལོ་རྒྱུས་ཀྱི་བདེན་དཔང་བྱེད།

ཟླ་7ཚེས་7ཉིན《མི་རིགས་བཅིངས་འགྲོལ་དང་འཛམ་གླིང་ཞི་བདེའི་ཆེད》ཅེས་པའི་བརྗོད་དོན་གཙོ་བོའི་འགྲེམས་སྟོན་གྱི་འགོ་ཚུགས་མཛད་སྒོ་ཀྲུང་གོ་མི་དམངས་རི་འགོག་དམག་འཁྲུག་དྲན་གསོ་ཁང་དུ་འཚོགས་པ་རེད། པར་རིས་1525དང་རིག་དངོས་3237ལས་ལོ་14ཡི་རིང་དཀའ་ཚེགས་ཆེ་བའི་རི་འགོག་དམག་འཁྲུག་གི་གཟི་བརྗིད་ལྡན་པའི་བརྒྱུད་རིམ་ཕྱོགས་ཡོངས་ནས་མངོན་པ་མ་ཟད། དེ་ལས་ཁྲག་བཏོན་དམར་འཛིང་བྱས་ནས་དཔའ་ངར་ཞུམ་མེད་དང་བརྗིད་ཉམས་ལྡན་པའི་ལོ་རྒྱུས་སྙན་ངག་བརྗོད་ཡོད།

ཨེ་ཤེ་ཡའི་གཡུལ་ས་གཙོ་བོ་ཡིན་པའི་ཀྲུང་གོ་མི་དམངས་ཀྱི་རི་འགོག་དམག་འཁྲུག་ནི་དམག་འཐབ་ལངས་དུས་སྔ་ཤོས་དང་འཐབ་ཡུན་རིང་ཤོས་ཡིན་པས། འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་པར་ལེགས་སྐྱེས་གལ་ཆེན་ཕུལ་ཡོད། གདུག་རྩུབ་ཆེ་བའི་བཙན་འཛུལ་བའི་མདུན་དུ། ཀྲུང་གོ་གུང་ཁྲན་ཏང་གིས་དཔའ་ངར་ཆེན་པོས་འཐབ་ས་མདུན་མར་འཐབ་འཛིང་བྱས་ནས་མི་རིགས་ཡོངས་ཀྱི་རི་འགོག་དམག་འཁྲུག་གི་སྲོག་ཤིང་ཀ་རྟེན་ལྟ་བུར་གྱུར་ཡོད།

རྒྱལ་ཁབ་འཚོ་གནས་ཆེད་འཐབ་འཛིང་དང་། མི་རིགས་བསྐྱར་དར་ཆེད་འཐབ་འཛིང་། མིའི་རིགས་ཀྱི་དྲང་བདེན་ཆེད་འཐབ་འཛིང་བཅས་བྱས་ཡོད། རི་འགོག་དམག་འཁྲུག་ལ་རྒྱལ་ཁ་ཐོབ་པ་ལས་ང་ཚོར་བློ་སྐྱེད་བྱུང་བ་ནི། འོད་ཟེར་གྱིས་མུན་ནག་མཐར་སྐྲོད་ངེས་ཡིན་པ་དང་། དྲང་བདེན་གྱིས་མཐའ་མ་གདུག་རྩུབ་ལས་རྣམ་པར་རྒྱལ་ངེས་རེད། ང་ཚོས་དུས་དང་རྣམ་པ་ཀུན་ཏུ་འཛམ་གླིང་དམག་ཆེན་གཉིས་པའི་ལོ་རྒྱུས་ཀྱི་ལྟ་བ་ཡང་དག་དར་སྤེལ་གཏོང་དགོས་པ་དང་། ལས་སླ་པོར་ཐོབ་པ་ཞིག་མིན་པའི་རྒྱལ་ཁའི་གྲུབ་འབྲས་སྲུང་སྐྱོང་བྱེད་དགོས།

ལོ་རྒྱུས་བློ་ལ་བརྟན་པོར་ངེས་ཐབས་ཡག་ཤོས་ནི་འོད་ཟེར་སྟོང་ལྡན་དང་མཛེས་སྡུག་ལྡན་པའི་འབྱུང་འགྱུར་གཏོད་རྒྱུ་དེ་རེད། རི་འགོག་དམག་འཁྲུག་གི་སྙིང་སྟོབས་རླབས་པོ་ཆེ་དར་སྤེལ་བཏང་སྟེ། རྒྱང་ལམ་གསར་པར་ཡིད་ཆེས་བརྟན་པོ་དང་སྙིང་རུས་ཆེན་པོས་འབད་འཐབ་བྱས་ནས། གསར་བརྗེའི་སྔོན་གཤེགས་དཔའ་བོ་གྲངས་ལས་འདས་པས་རང་སྲོག་བློས་གཏོང་དང་འབད་འཐབ་བྱས་པའི་བྱ་གཞག་རླབས་པོ་ཆེ་འཕེལ་རྒྱས་གཏོང་རྒྱུ་དེ་ནི་ལོ་རྒྱུས་དང་དུས་རབས་ཀྱིས་ང་ཚོར་དཀྲིས་པའི་འགན་འཁྲི་རེད།