ཉེ་བའི་ལོ་ཤས་རིང་། གཞིས་རྩེ་གྲོང་ཁྱེར་བཞད་མཐོང་སྨོན་རྫོང་གིས་ཏང་འཛུགས་སྐྱོང་ལ་དམ་འཛིན་བྱས་ནས་གྲོང་གསེབ་དར་རྒྱས་ལ་སྐུལ་འདེད་དང་། གྲོང་གསེབ་ཀྱི་ཏང་གི་སློབ་གྲྭའི་ཚད་ལྡན་ཅན་འཛུཌ་སྐྲུན་ལ་སྐུལ་འདེད། སྤུས་ལེགས་སློབ་གསོའི་ཐོན་ཁུངས་གཞི་རིམ་དུ་ཁྱབ་གདལ་བཅས་བཏང་ནས་ཞིང་འབྲོག་པ་ཏང་ཡོན་ལ་སློབ་གསོ་གཏོང་བའི“མཐའ་མའི་འགག་གནད”བསལ་ཡོད།

བཞད་མཐོང་སྨོན་རྫོང་གིས་ཤང་དང་གྲོང་རྡལ་གྱི་ཚོགས་ཁང་དང་ཏང་ཡོན་བྱེད་སྒོ་ཁང་སོགས་ཐོན་ཁུངས་བསྡུ་སྒྲིལ་བྱས་པ་བརྒྱུད“ཡོད་པ་དྲུག”གི་ཚད་གཞི་གཞིར་བཟུང་། ནུས་པ་ཆ་ཚང་བའི་གྲོང་གསེབ་ཀྱི་ཏང་གི་སློབ་གྲྭ་24བསྐྲུན་ཏེ་རང་སྐྱོང་ལྗོངས་རིམ་པའི་ཡུལ་དངོས་ཀྱི་སློབ་ཁྲིད་ས་ཚིགས་བསྐྲུན་ཡོད། ཕུལ་བྱུང་གི་དགེ་རྒན་དང་། ལག་རྩལ་རྐང་འཛིན་པ། གྲོང་གསེབ་ཀྱི་ཤེས་ལྡན་པ་སོགས་མི་465སྤྱི་འདོམས་གདམ་གསེས་བྱས་ནས་ཤེས་རྩལ་འཛོམས་པའི་དགེ་རྒན་གྱི་དཔུང་ཁག་བཙུགས་ཡོད། དེ་དང་ཆབས་ཅིག་རྫོང་ཨུད་ཏང་གི་སློབ་གྲྭའི་དགེ་རྒན་དང་འབྲེལ་གཏུག་བྱེད་པའི་མཛུབ་ཁྲིད་ལམ་ལུགས་བཙུགས་ནས་སློབ་ཁྲིད་སྤུས་ཚད་མཐོ་རུ་བཏང་ཡོད། སློབ་གྲྭའི་ལས་དོན་ཨུ་ལྷན་གྱི་འགོ་ཁྲིད་སྒྲིག་སྲོལ་ལག་བསྟར་བྱས་ཏེ། ཤང་དང་གྲོང་རྡལ་ཏང་ཨུད་ཀྱི་ཧྲུའུ་ཅིས་སློབ་སྤྱིའི་འགན་འཁུར་ཡོད། སློབ་ཁྲིད་རྩ་འཛུགས་དང་། སློབ་མའི་དོ་དམ། འབྱོར་ཐོ་འགོད་པ་སོགས་ཀྱི་སྒྲིག་སྲོལ་ལམ་ལུགས་འཐུས་སྒོ་ཚང་དུ་བཏང་ནས། སློབ་གཉེར་ཚན་རིག་དང་མཐུན་པ་དང་དོ་དམ་ནན་པོ་ཡོང་བའི་འགན་ལེན་བྱས་ཡོད།

དེ་སྔའི་གསོ་སྦྱོང་གི་ནང་དོན་དངོས་དང་ཟུང་འབྲེལ་ཉུང་བ་སོགས་ཀྱི་གནད་དོན་ལ་དམིགས་ནས“ཆབ་སྲིད་ཀྱི་རིགས་པའི་གཞུང་ལུགས་དང་། ཏང་གཤིས་ཞུན་བརྡར། ཉེར་སྤྱོད་ལག་རྩལ”བཅས་ཟུང་དུ་འབྲེལ་བའི་སློབ་ཚན་མ་ལག་གསར་གཏོད་ཀྱིས་བཙུགས་ཡོད། བསམ་བློ་ཆབ་སྲིད་ཀྱི་སློབ་གསོ་གལ་ཆེའི་ནང་གི་འགངས་ཆེར་བརྩིས་ནས་ཏང་གི་སྒྲིག་ཡིག་དང་། སྒྲིག་སྲོལ། སྒྲིག་ཁྲིམས་བཅས་དང་ཉེན་བརྡ་གཏོང་བའི་སློབ་གསོའི་སློབ་ཚན་འཐུས་སྒོ་ཚང་དུ་བཏང་ཞིང་། སྐོར་སྐྱོད་ཚོགས་པ་སྒྲིག་འཛུཌ་ཀྱིས་ཤང་དང་གྲོང་རྡལ་19དུ་བསྐྱོད་དེ་མི་3100ལྷག་ཙམ་གསོ་སྦྱོང་བྱས་ཡོད། ཏང་ཡོན་གྱི་དགོས་མཁོར་དམིགས་ཏེ“མངགས་ཐོ་རྣམ་པའི་སློབ་ཚན”བཙུགས་ནས་སྲིད་ཇུས་ཀྱི་རིགས་པའི་གཞུང་ལུགས་དང་། ཞིང་འབྲོག་ལག་རྩལ། མི་རིགས་ལག་རྩལ་སོགས་སློབ་ཚན་རིགས་ཆེན་པོ་དགུ་བཀོད་སྒྲིག་བྱས་ཡོད། ཚན་རྩལ་ཆེད་མངཌ་པ་དང་ཕྱུག་འགྱུར་སྣེ་ཁྲིད་པ་གདན་འདྲེན་ཞུས་ནས་ས་གནས་ས་ཐོག་ཏུ་སློབ་ཁྲིད་བྱས་པ་དང་། གྲོང་གསེབ་ཀྱི་དོན་དངོས་དང་ཟུང་འབྲེལ་བྱས་ནས་སྲིད་ཇུས་དང་རིགས་པའི་གཞུང་ལུགས་དྲིལ་བསྒྲགས་བྱས་པ་མ་ཟད། ཕུལ་བྱུང་ཏང་གི་སློབ་ཚན་གྱི་བརྙན་ཐུང་བསྟན་པ་རེད།

ལག་ལེན་ལ་གཙིགས་ཆེན་དང་དངོས་སྒྲུབ་ལ་སྐུལ་འདེད་བཏང་སྟེ་ལག་ལེན་སློབ་ཚན་ཁྲིད་པ་དང་། ཞིང་འབྲོག་པ་ཏང་ཡོན་1500ལྷག་ཙམ་སྒྲིག་འཛུགས་བྱས་ཏེ“འཕྲལ་སྡོམ་གདོང་ལེན་རུ་ཁག”དང“དང་བླངས་ཞབས་ཞུའི་རུ་ཁག”བཙུགས་ནས་དྲ་མིག་ཏུ་བསྐྱོད་དེ“ངས་མང་ཚོགས་ལ་བྱ་བ་དངོས་སྒྲུབ་པ”སོགས་ཀྱི་བྱེད་སྒོ་ཐེངས་400ལྷག་ཙམ་སྤེལ་ཡོད། ཏང་ཡོན་གྱིས་སྣེ་ཁྲིད་ནས“གྲོང་སྲོལ་དམངས་ཆིངས”ལག་ལེན་བསྟར་ནས་ཁོར་ཡུག་བཅོས་སྒྲིག་དང་། ཐན་འགོག་དང་འཁྱིལ་ཆུ་བཤང་བ། འགལ་ཟླ་འདུམ་འགྲིག་སོགས་ཀྱི་ལས་དོན་ནང་ཧུར་ཐག་ཞུགས་ཏེ་ཞབས་ཞུའི་འཕེལ་རྒྱས་དང་། གྲོང་གསེབ་དར་རྒྱས། གཞི་རིམ་བཅོས་སྐྱོང་བཅས་ཀྱི་འཐབ་ཕྱོགས་དང་པོར་ཐེག་པ་འཁུར་ལེན་དང་སློབ་སྦྱོང་ལ་བརྟེན་ནས་ལས་དོན་ལ་སྐུལ་འདེད་བཏང་ཡོད།