ཁྲོམ་ར་ལྟ་འདོམས་སྤྱི་ཁྱབ་ཅུས(རྒྱལ་ཁབ་ཚད་གཞི་ཨུ་ལྷན)ཀྱིས་ཉེ་ཆར་GB12021.2-2025《ཁྱིམ་སྤྱོད་འཁྱགས་སྒམ་གྱི་གློག་གྲོན་ཚད་བཀག་གྲངས་ཐང་དང་ཁྱད་ནུས་རིམ་པའི》རྒྱལ་ཁབ་ཀྱི་ཚད་གཞིའི་པར་མ་གསར་པ་ཁྱབ་བསྒྲགས་བྱས་ཏེ་2026ལོའི་ཟླ་6ཚེས་1ཉིན་ནས་བཟུང་དངོས་སུ་ལག་བསྟར་བྱ་རྒྱུ་རེད།

ཚད་གཞི་དེ་1989ལོར་ཐེངས་དང་པོར་གཏན་འཁེལ་བྱས་ཚུན་ད་ཐེངས་བཟོ་བཅོས་རྒྱག་ཐེངས་ལྔ་པ་རེད། བཟོ་བཅོས་བརྒྱབ་རྗེས་ཀྱི་འཁྱགས་སྒམ་གྱི་ཁྱད་ནུས་རྒྱལ་ཁབ་ཀྱི་ཚད་གཞི་སྤྱོད་པའི་ཁྱབ་ཁོངས་སྔར་བས་རྒྱ་ཆེར་བཏང་བ་དང་གློག་སྒུལ་འཕྲུལ་འཁོར་གྱི་མཉམ་འགུལ་རྣམ་པའི་ཁྱིམ་སྤྱོད་འཁྱགས་སྒམ་དང་ཤོང་ཚད་ཧྲེང་60ལས་ཆུང་བའམ་ཡང་ན་དེ་དང་མཚུངས་པའི་གློག་འདྲེན་ཕྱེད་གཟུགས་གྲང་བཟོ་འཕྲུལ་ཆས་ཚུད་ཡོད། འཁྱགས་སྒམ་གྱི་ཁྱད་ཆོས་རིམ་པའི་དམིགས་ཚད་བླང་བྱ་དང་གློག་གྲོན་ཚད་བཀག་གྲངས་ཐང་གི་འཇུག་འཐུས་ཚད་གཞི་དམའ་རུ་ཕྱིན་པར་བརྟེན་འཁྱགས་སྒམ་གྱི་གློག་གྲོན་ཆེས་ཆེར་ཉུང་དུ་ཕྱིན་ཡོད། ཤོང་ཚད་དང་སྤྱོད་ཚད་ཀྱི་བླང་བྱ་གསར་དུ་བསྣན་པ་དང་འཁྱགས་སྒམ་ཐོན་རྫས་ཀྱི་ཤོང་ཚད་ཚད་ལྡན་དུ་བཏང་སྟེ། ཁེ་ལས་ཀྱིས་ཁྱད་ནུས་ཆེ་བ་དང་བོངས་ཚད་ཆུང་བའི་རྒྱུ་ཆ་སྤྱོད་རྒྱུར་སྐུལ་འདེད་བཏང་ཡོད། རིག་ནུས་གློག་དྲའི་བརྡ་རྟགས་དང་ལེན་ནུས་པ་སོགས་ཀྱི་བླང་བྱ་མང་དུ་བཏང་ནས་འཁྱགས་སྒམ་རིག་ནུས་ཅན་དང་ལྗང་མདོག་ཅན་གྱི་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་བཏང་ཡོད།