ཤིན་ཧྭ་གསར་འགྱུར་ཁང་པེ་ཅིང་ནས་ཟླ་6ཚེས་23ཉིན་གློག་འཕྲིན་འབྱོར་གསལ། ཟླ་6ཚེས་23ཉིན། ཀྲུང་གོ་མི་དམངས་ཕྱི་ཕྱོགས་མཛའ་གྲོགས་མཐུན་ཚོགས་དང་ཀྲུང་གོར་བཅའ་སྡོད་ཐེ་ལན་གཞུང་ཚབ་ཁང་གིས་པེ་ཅིང་དུ་ཀྲུང་གོ་དང་ཐེ་ལན་དབར་ཕྱི་འབྲེལ་བཙུགས་ནས་ལོ་ངོ་50འཁོར་བར་རྟེན་འབྲེལ་ཞུ་བའི་སྣེ་ལེན་ཚོགས་འདུ་མཉམ་དུ་འཚོགས་པ་རེད། རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཨུ་ཡོན་ཀྲང་གཞོན་པ་ཞུའེ་ཁེ་ལའེ་ཐི•ཀྲ་ཁེར་དང་ཐེ་ལན་གྱི་རྒྱལ་ཚོགས་ཀྲུའུ་ཞི་དང་གྲོས་ཁང་འོག་མའི་ཚོགས་གཙོ་གཅིག་ལྕོགས་ཡིན་པའི་དབན་ནོའུ་སྣེ་ལེན་ཚོགས་འདུར་ཞུགས་ནས་ཤིས་ཚིག་བསྒྲོན་པ་རེད། ཀྲུང་གོ་དང་ཐེ་ལན་རྒྱལ་ཁབ་གཉིས་ཀྱི་ལས་རིགས་ཁག་གི་མི་སྣ་300ཙམ་དེར་ཞུགས་པ་རེད།