ཐེན་ཅིན་གྲུ་ཁས་སྲོལ་རྒྱུན་གྲུ་ཁའི་བརྒྱུད་རིམ་ཧྲིལ་པོའི་རང་འགུལ་ཅན་གྱི་རིམ་སྤོར་ལ་མུ་མཐུད་སྐུལ་འདེད་བཏང་ནས་རིག་ལྡན་དང་ལྗང་མདོག་གི་ལྟེ་བའི་གྲུ་ཁའི་རིམ་སྤོར་རྣམ་པ་བཏོད་ཡོད། སྲོལ་རྒྱུན་གྲུ་ཁའི་ལས་སྒྲུབ་ལམ་ཐིག་གཅིག་ལ་མཚོ་འགྲམ་དུ་ཉུང་མཐར་ཡང་ཁ་ལོ་བ་1དང་། ཟམ་སྟེང་དུ་ཁ་ལོ་བ་2 འདྲུད་འཁོར་ཁ་ལོ་བ་6ནས་7བར་དགོས་ཀྱི་ཡོད། རང་འགུལ་ཅན་གྱི་རིམ་སྤོར་བརྒྱུད་གྲུ་ཁར་མི་རེ་གཉིས་ཀྱིས་རྒྱང་བརྟེན་ལྟ་འདོམས་བྱས་ཚེ་ལས་ཀ་ལེགས་གྲུབ་ཐུབ་ཀྱི་ཡོད་པ་རེད། མིག་སྔར། ཐེན་ཅིན་གྲུ་ཁར་དོས་སྒམ་དང་སྐམ་ཟོག་གྲུ་ཁར་རིག་ནུས་ཅན་གྱི་སྒྱུར་བཀོད་ཡོངས་སུ་ཁྱབ་ཡོད་པ་དང་དོས་སྒམ་ཆེ་གྲས་ཀྱི་སྒྲིག་ཆས་རང་འགུལ་ཅན་དུ་འགྱུར་ཚད་88%ཟིན་པ་དང་ཆ་སྙོམས་ལས་སྒྲུབ་ལས་ཕྱོད་15%མཐོ་རུ་ཕྱིན་ཡོད། འདི་ནི་རིག་ནུས་ཆུ་ཚད་ཀྱི་སྐྱེལ་འདྲེན་འཕྲུལ་མི་ཐེན་ཅིན་གྲུ་ཁའི་དོས་སྒམ་གྱི་གྲུ་ཁ་གཉིས་པར་སྐྱོད་བཞིན་པ།