རང་སྐྱོང་ལྗོངས་སྤྱི་ཚོགས་ཚན་རིག་ལས་རིགས་མཉམ་འབྲེལ་ལྷན་ཚོགས་མངའ་རིས་སུ་བསྐྱོད་ནས་ཏང་གི་གསར་གཏོད་རིགས་པའི་གཞུང་ལུགས་ཀྱི“ལྔ་སྐྱོད་ལྔ་སློབ”ཀྱི་སྒྲོག་འགྲེལ་བྱེད་སྒོ་སྤེལ་བ།
ཉེ་ཆར་རང་སྐྱོང་ལྗོངས་སྤྱི་ཚོགས་ཚན་རིག་ལས་རིགས་མཉམ་འབྲེལ་ལྷན་ཚོགས་ཀྱིས་མངའ་རིས་ས་ཨུད་དྲིལ་བསྒྲགས་པུའུ་དང་མཉམ་འབྲེལ་བྱས་ཏེ། རིགས་གཅིག་མཁས་ཅན་དང་མཁས་དབང་སྒྲིག་འཛུཌ་བྱས་ནས་མངའ་རིས་ས་ཁུལ་གྱི་རྩྭ་མདའ་རྫོང་དང་། སྤུ་ཧྲེང་རྫོང་། རུ་ཐོག་རྫོང་། སྒར་རྫོང་བཅས་སུ་བསྐྱོད་དེ་ཏང་གི་གསར་གཏོད་རིགས་པའི་གཞུང་ལུགས་ཀྱི“ལྔ་སྐྱོད་ལྔ་སློབ”ཀྱི་སྒྲོལ་འགྲེལ་བྱེད་སྒོ་སྤེལ་ཞིང་། རིམ་རྩིས་བརྒྱབ་ན་ཆེད་དོན་སྒྲོག་འགྲེལ་ཐེངས་11བྱས་པར་ཏང་ཡོན་ལས་བྱེད་པ་དང་། ཞིང་འབྲོག་མང་ཚོགས། སློབ་མ་སོགས་མི་1400ལྷག་ཙམ་ཞུགས་ཏེ་རིཌ་པའི་གཞུང་ལུགས་ཀྱི་སྲིད་ཇུས་དང་། ཁྲིམས་སྐྱོང་འདུ་ཤེས། སེམས་ཁམས་བདེ་ཐང་ཤེས་བྱ་བཅས་གཞི་རིམ་དུ་གཏིང་ཟབ་ཁྱབ་པར་སྐུལ་འདེད་བཏང་ཡོད།
བྱེད་སྒོ་སྤེལ་རིང་རང་སྐྱོང་ལྗོངས་ཏང་ཨུད་ཏང་གི་སློབ་གྲྭའི་བཀྲ་ཤིས་སྟོབས་རྒྱལ་དང་། ཆོས་འཛོམས། འཇམ་དབྱངས་སྒྲོལ་མ། དེ་བཞིན་བོད་ལྗོངས་མི་རིགས་སློབ་ཆེན་གྱི་ཀྲང་ཏ་ཝེ་སོགས་རིགས་གཅིག་མཁས་ཅན་གྱིས་ཕྱོགས་ཡོངས་ནས་ཏང་ནན་པོས་སྐྱོང་བའི་བླང་བྱར་དམིགས་ཏེ། གཞི་རིམ་གྱི་དཔེ་མཚོན་དངོས་དང་གྲངས་གཞིར་དབྱེ་ཞིབ་དང་ཟུང་འབྲེལ་གྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་གྱི་ནང་དོན་གཙོ་བོ་བརྒྱུད་རིམ་ལྡན་པར་གསལ་འགྲེལ་བྱས་པ་དང་། “སྤྱོད་ཚུལ་བཞིའི”གནད་དོན་གྱི་གནོད་འཚེར་དབྱེ་ཞིབ་གཏིང་ཟབ་བྱས་ནས་ཏང་ཡོན་ལས་བྱེད་པའི་སྒྲིག་ཁྲིམས་ཀྱི་འདུ་ཤེས་ཟབ་ཏུ་བཏང་བ་རེད། བོད་ལྗོངས་སློབ་ཆེན་གྱི་ཚེ་རིང་ཕན་ཐོགས་ཀྱིས《རྩ་ཁྲིམས》དང《དམངས་དོན་ཁྲིམས་གཞུང》ཁྲོད་ཀྱི་གཉེན་སྒྲིག་ཁྱིམ་ཚང་དང་གན་རྒྱའི་ཁེ་དབང་སོགས་མང་ཚོགས་ཀྱིས་དོ་ཁུར་བྱེད་པའི་ནང་དོན་ལ་དམིགས་ཏེ། གོ་བདེ་ཤེས་སླའི་སྐད་ཆའི་ཐོག་ནས་བཅའ་ཁྲིམས་ཤེས་བྱ་ཁྱབ་གདལ་བཏང་སྟེ། ཞིང་འབྲོག་པས་ཁྲིམས་སྐྱོང་གི་འདུ་ཤེས་འཛུགས་རྒྱུར་ཁྲིད་སྟོན་དང་བཅའ་ཁྲིམས་ལ་བརྟེན་ནས་དོན་དག་སྒྲུབ་པའི་ནུས་པ་ཆེ་རུ་བཏང་ཡོད།