ཉེ་ཆར། ཉིང་ཁྲི་གྲོང་ཁྱེར་ནགས་ཚལ་མེ་གསོད་ཉིང་ལག་རུ་ཁག་གིས་གནམ་གཤིས་དང་། ཆུ་དཔྱད། ཀྲུང་གོ་ལྕགས་ལམ། བདེ་འཇགས་ནུས་རྒྱུ། ཕུག་ལམ་རོགས་སྐྱོབ་རུ་ཁག་སོགས་བཅའ་སྡོད་ཁུལ་གྱི་རོགས་སྐྱོབ་སྟོབས་ཤུགས་མང་པོ་དང་མཉམ་དུ་གནོད་འཚེའི་གནས་ཚུལ་བརྡ་ལན་མྱུར་སྤྲོད་ཀྱི་མཉམ་འགུལ་ལམ་སྲོལ་བཙུགས་ནས་ཉིང་ཁྲིའི་རོགས་སྐྱོབ་མྱུར་ཚད་མགྱོགས་སུ་གཏོང་བར་སྟོབས་ཤུགས་སྐྱེས་སུ་ཕུལ་ཡོད།

ཤེས་རྟོགས་བྱུང་བར་གཞིགས་ན། གནོད་འཚེའི་གནས་ཚུལ་བརྡ་ལན་མྱུར་སྤྲོད་ཀྱི་མཉམ་འགུལ་ལམ་སྲོལ་ནང་གནོད་འཚེའི་བརྡ་ལན་མྱུར་སྐྱེལ་དང་། སྟོབས་ཤུགས་གསབ་རེས། རྒྱུན་གཏན་མཉམ་འགུལ། མཉམ་འབྲེལ་སྦྱོང་བརྡར། འཐབ་ཐབས་འགག་སྒྲོལ་སོགས་ཀྱི་ལམ་ལུགས་བཟོས་ཡོད། ཕྱོགས་ཁག་གིས་མཉམ་ལས་གཏིང་ཟབ་བྱེད་ཤུགས་ཆེ་རུ་གཏོང་བ་དང་། གེགས་སེལ་གྱི་བསྒར་བརྒྱན་རྣམ་པའི་མཉམ་ལས་འཚོལ་ཞིབ་བྱེད་པ། “1+1>2”གྱི་མཐུན་སྦྱོར་རོགས་སྐྱོབ་ཀྱི་ནུས་པ་འདོན་པ་བཅས་བྱས་ཏེ། སྟབས་བདེ་དང་། ནུས་ཆེ། ཆེད་ལས་བཅས་ཀྱི་འཕྲལ་སྡོམ་རོགས་སྐྱོབ་མ་ལག་ཐུན་མོང་དུ་འཛུགས་རྒྱུ་རེད།