ཚེས་6ཉིན། པའོ་དབྱིན(ནང་སོག་གི་པའོ་ཐུའོ་ནས་ཉིང་ཞ་ཡི་དབྱིན་ཁྲོན་བར)མྱུར་བགྲོད་ལྕགས་ལམ་གྱི་ནང་སོག་དུམ་བུའི་ལམ་ལྕགས་འདིང་བའི་ལས་གྲྭ་ལེགས་གྲུབ་ཟིན་ནས། ལོ་འདིའི་ནང་མེ་འཁོར་ཤར་གཏོང་ཐུབ་པར་རྨང་གཞི་བརྟན་པོ་བཏིང་ཡོད། པའོ་དབྱིན་མྱུར་བགྲོད་ལྕགས་ལམ་ནི་རྒྱལ་ཁབ་ཀྱི“གཞུང་བཞི་འཕྲེད་བརྒྱད”ཀྱི་མྱུར་བགྲོད་ལྕགས་ལམ་དྲ་བའི་ཅིང་ལན་བགྲོད་ལམ་གྱི་གྲུབ་ཆ་གལ་ཆེན་གྱི་གྲས་ཤིག་ཡིན་པ་དང་། ལམ་ཐིག་ཧྲིལ་པོའི་རིང་ཚད་ལ་སྤྱི་ལེ་519ཡོད། པའོ་དབྱིན་མྱུར་བགྲོད་ལྕགས་ལམ་གྱི་ལམ་ཐིག་ཧྲིལ་པོར་མེ་འཁོར་ཤར་གཏོང་ཐུབ་རྗེས་པའོ་ཐུའོ་ནས་དབྱིན་ཁྲོན་བར་གྱི་མེ་འཁོར་གྱི་འགྲུལ་བཞུད་ཀྱི་དུས་ཚོད་མགྱོགས་ཤོས་དེ་མིག་སྔའི་ཆུ་ཚོད་6ཙམ་ནས་ཆུ་ཚོད་2བར་ཐུང་དུ་འགྲོ་གི་ཡོད། འདི་ནི་ཟླ་6ཚེས་6ཉིན་ལམ་ལྕགས་བཏིང་ཟིན་པའི་པའོ་དབྱིན་མྱུར་བགྲོད་ལྕགས་ལམ་གྱི་ཝུའུ་ཧའེ་རྨ་ཆུའི་ཟམ་ཆེན་ཡིན་པ།