ཚེས་1ཉིན། ཚོང་དོན་པུས་ཁྱབ་བསྒྲགས་བྱས་པའི་གྲངས་གཞི་ལས་མངོན་པར། ཟླ་5ཚེས་31ཉིན་བར། 2025ལོའི་འཛད་རྫས་རྙིང་པ་རིགས་ཆེ་གྲས་5གསར་པར་བརྗེས་པ་དེས་རིམ་རྩིས་བརྒྱབ་ན་བྲིན་ཚོང་དངུལ་འབོར་སྒོར་དུང་ཕྱུར་ཁྲི་1.1སྐུལ་ཁྲིད་ཐུབ་པ་དང་འཛད་སྤྱོད་པར་ཐད་ཀར་ཁ་གསབ་སྒོར་དུང་ཕྱུར་1.75ཙམ་སྤྲད་པ་རེད།

དེའི་ནང་རླངས་འཁོར་རྙིང་པ་གསར་པར་བརྗེ་བའི་ཁ་གསབ་རེ་ཞུ་བྱེད་ཚད་ཁྲི་412ཟིན་པ་དང་འཛད་སྤྱོད་པ་ཁྲི་4986.3གྱིས་རིགས་ཆེ་གྲས་12ཀྱི་ཁྱིམ་སྤྱོད་གློག་ཆས་ཐོན་རྫས་ཁྲི་7761.8ཉོས་པ་དང་། འཛད་སྤྱོད་པ་ཁྲི་5352.9ཡིས་ལག་ཐོགས་ཁ་པར་སོགས་གྲངས་འཛིན་ཐོན་རྫས་ཁྲི་5662.9ཉོས་པ། གློག་སྒུལ་སྦག་སྦག་རྙིང་པ་ཁྲི་650གསར་པར་བརྗེས་པ། ཁྱིམ་སྤྱོད་ཐབ་ཆས་ཁྲི་5762.6གསར་པར་བརྗེས་པ་བཅས་རེད།