བོད་ལྗོངས་ཉིང་ཁྲི་གྲོང་ཁྱེར་གྱིས་གསར་བརྗེའི་ཐོན་ཁུངས་བརྟག་ཞིབ་ལས་དོན་ཕྱོགས་ཡོངས་ནས་སྤེལ་འགོ་ཚུགས་པ།
བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཉེ་ཆར། བོད་ལྗོངས་ཉིང་ཁྲི་གྲོང་ཨུད་དྲིལ་བསྒྲགས་པུས་གྲོང་ཁྱེར་ཡོངས་སུ་གསར་བརྗེའི་ཐོན་ཁུངས་བརྟག་ཞིབ་ལས་དོན་སྤེལ་འགོ་ཚུགས་པ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་གསར་བརྗེའི་ཐོན་ཁུངས་བརྟག་ཞིབ་ཚོགས་ཆུང་ནི་གྲོང་ཨུད་དྲིལ་བསྒྲགས་པུའི་ལས་བྱེད་པ་དང་བོད་ལྗོངས་མི་རིགས་སློབ་ཆེན་གྱི་རིགས་གཅིག་མཁས་ཅན་དང་མཁས་དབང་ལས་གྲུབ་པ་དང་། བརྟག་ཞིབ་ལས་ཀའི་དུས་ཡུན་ཉིན་45ཡིན་ཞིང་། བོད་ལྗོངས་ཉིང་ཁྲི་གྲོང་ཁྱེར་གྱི་གསར་བརྗེའི་ཐོན་ཁུངས་ཀྱི་རིགས་དང་། གྲངས་འབོར། ཁྱབ་ཚུལ་བཅས་ཕྱོགས་ཡོངས་ནས་གསེད་དཀྲོལ་བྱས་ཏེ། གནད་ལ་འཁེལ་པོས་གསར་བརྗེའི་ཐོན་ཁུངས་ཀྱི་ས་བཀྲ་བཟོ་འབྲི་དང་གྲངས་གཞིའི་མཛོད་ཞིབ་ཕྲ་བཟོ་ཆེད་རྨང་གཞི་བཏིང་བ་རེད།