བོད་ལྗོངས་མི་རིགས་སློབ་ཆེན་དང་ཧྭ་ཝེ་དབར་མཉམ་ལས་སྒྲོམ་གཞིའི་གྲོས་མཐུན་ལ་མིང་རྟགས་བཀོད་པ།
ཉེ་ཆར། བོད་ལྗོངས་མི་རིགས་སློབ་ཆེན་དང་ཧྭ་ཝེ་ལག་རྩལ་ཚད་ཡོད་ཀུང་སིའི་དབར་མཉམ་ལས་སྒྲོམ་གཞིའི་གྲོས་མཐུན་ལ་མིང་རྟགས་བཀོད་དེ། ཤེས་ལྡན་པ་གསོ་སྐྱོང་དང་། རིག་གཞུང་ཚན་ཁག་འཛུགས་སྐྱོང་། ཚན་རིག་ཞིབ་འཇུག་དང་གསར་གཏོད། གྲངས་རིག་འཛུགས་སྐྱོང་སོགས་ཀྱི་ཕྱོགས་མང་པོ་ནས་མཉམ་ལས་གཏིང་ཟབ་བྱེད་པའི་ཐབས་ལམ་འཚོལ་ཞིབ་བྱ་རྒྱུ་དང་། སློབ་གྲྭའི་སྤུས་ཚད་མཐོ་བའི་འཕེལ་རྒྱས་ལ་ལག་རྩལ་གྱིས་མཐུན་རྐྱེན་སྦྱར་ནས། རྩེར་སོན་གྱི་གསར་གཏོད་ཤེས་ལྡན་པ་གསོ་སྐྱོང་གི་ཆུ་ཚད་མཐོ་རུ་ཏན་ཏིག་གཏོང་རྒྱུ་རེད།