འདི་ནི་རང་སྐྱོང་ལྗོངས་དྲ་བའི་སྤོ་ལོ་མཐུན་ཚོགས་ཀྱི་རྩལ་ཁྲིད་པས་སློབ་མ་ཚོར་མཛུབ་ཁྲིད་བྱེད་བཞིན་པ།

ཉེ་ཆར། རང་སྐྱོང་ལྗོངས་ལུས་རྩལ་ཅུས་ཀྱིས་གཙོ་གཉེར་བྱས་པ་དང་རང་སྐྱོང་ལྗོངས་དྲ་བའི་སྤོ་ལོ་མཐུན་ཚོགས་ཀྱིས་སྒྲུབ་འགན་ཁུར་བའི“དྲ་བའི་སྤོ་ལོ་སློབ་རར་ཁྱབ”ཅེས་པའི་བྱེད་སྒོ་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་སློབ་ཆུང་བཞི་པར(དཔལ་འབྱོར་གསར་སྤེལ་ཁུལ་སློབ་ཆུང)སྤེལ་བ་རེད།

བྱེད་སྒོ་སྤེལ་ཡུལ་དུ། རང་སྐྱོང་ལྗོངས་དྲ་བའི་སྤོ་ལོ་མཐུན་ཚོགས་ཀྱིས་ཆེད་ལས་རྩལ་ཁྲིད་པའི་ཚོགས་པ་མངགས་ཏེ་དྲ་བའི་སྤོ་ལོའི་འབྱུང་ཁུངས་དང་། སྒྲིག་སྲོལ། གཞི་རྩའི་རྒྱག་སྟངས་བཅས་ངོ་སྤྲོད་བྱས་པ་མ་ཟད། ས་ཡུལ་དངོས་སུ་དཔེ་སྟོན་མཛུབ་ཁྲིད་ཀྱང་བྱས་ཡོད། སྤོ་ལོ་དངོས་སུ་རྒྱག་སྐབས། རྩལ་ཁྲིད་པས་ལུས་པོའི་སྟངས་སྟབས་དང་སྤོ་ལོ་འཕེན་སྟངས་སོགས་ཀྱི་ཐད་སློབ་མ་ཚོར་ངང་རྒྱུད་རིང་པོས་མཛུབ་ཁྲིད་བྱས་ཡོད།