འདི་ནི་མི་རིགས་ཁག་གི་དང་བླངས་པས“མི་རིགས་མཐུན་སྒྲིལ་གྱི་སེམས་མཐུན་གླིང”དུ་ལྕང་མ་འཛུགས་པར་སྐྱོད་བཞིན་པ།

ཉེ་ཆར། ལྷོ་ཁ་སྣེ་གདོང་ཆུས་ཀྱི“མི་རིགས་མཐུན་སྒྲིལ་གྱི་སེམས་མཐུན་གླིང”གི་དུས་ཐེངས་གསུམ་པའི་འཛུགས་སྐྲུན་བྱེད་སྒོ་ཡར་ཀླུང་གཙང་པོའི་འགྲམ་དུ་སྤེལ་བ་དེ་ཐོག་ནས་སྣེ་གདོང་ཆུས་ཀྱི“མི་རིགས་མཐུན་སྒྲིལ་གྱི་སེམས་མཐུན་གླིང”ཕྱོགས་ཡོངས་ནས་བསྐྲུན་ཟིན་པ་མཚོན་ཡོད།

ཤེས་རྟོགས་བྱུང་བར་གཞིགས་ན། སྤྱི་ཕན་རྣམ་གྲངས་དེ་བོད་ལྗོངས་ལྷོ་ཁ་རུའེ་ཤིན་དངོས་ལས་འཕེལ་རྒྱས་ཚད་ཡོད་ཀུང་སིས་མ་དངུལ་སྒོར་ཁྲི་300བཏང་ནས་2023ལོ་ནས་2025ལོ་བར་བསྐྲུན་པ་དེ་དུས་ཐེངས་གསུམ་ལ་དབྱེ་བ་དང་རྒྱ་ཁྱོན་ལ་མུའུ་500ཟིན་གྱི་ཡོད། ཁེ་ལས་ཀྱི་འབྲེལ་ཡོད་འགན་འཁུར་བས་རྣམ་གྲངས་དེ་ལས་སྐྱེ་ཁམས་ཀྱི་ཕན་འབྲས་ཐོན་རྒྱུ་མ་ཟད། ཁེ་ལས་ས་གནས་དེ་གར་གཞིས་ཚུགས་པའི་ཆོད་སེམས་མངོན་རྒྱུ་དང་དེའི་འཕེལ་རྒྱས་ཀྱི་གྲུབ་འབྲས་དང་སྐྱེ་ཁམས་ཀྱི་ཕན་འབྲས་མི་རིགས་ཁག་དང་ལས་རིགས་ཁག་གི་མང་ཚོགས་ཚོས་མཉམ་སྤྱོད་བྱ་རྒྱུ་རེད།