ཚེས་11ཉིན་གྱི་ཞིང་ལས་གནས་ཚུལ་བཀོད་གཏོང་ལྟར་ན། རྒྱལ་ཡོངས་ཀྱི་དཔྱིད་འདེབས་འབྲུ་རིགས་མུའུ་ཁྲི་11170（ཞིང་ཁ་ཆེན་པོའི་འདེབས་ཁྱོན། འབྲས་ལྗང་གསོ་རྒྱུ་ཚུད་མེད）བཏབ་ཟིན་ཏེ་འདེབས་རྩིས་ཡོད་པའི་རྒྱ་ཁྱོན་གྱི་11.7%ལེགས་འགྲུབ་ཟིན་ནས་འཕེལ་རིམ་ལོ་གོང་མ་དང་སྤྱིར་ན་སྙོམས་ཡོད་པ་རེད།

ས་ཁུལ་དབྱེ་ནས་བལྟས་ན། ཧྭ་ནན་དུ་བཅུ་ཆ་བདུན་བཏབ་ཟིན་པ་དང་། ལྷོ་ནུབ་དང་འབྲི་ཆུའི་དབུས་སྨད་རྒྱུད་དུ་བཅུ་ཆ་གཉིས་བཏབ་ཟིན་པ། ནུབ་བྱང་དུ་བཅུ་ཆ་གཅིག་བཏབ་ཟིན་པ། བྱང་ཤར་དུ་འབྲས་ལྗང་འདེབས་གསོ་འགོ་ཚུགས་ཡོད་པ་རེད། ལོ་ཏོག་སྐྱེ་དངོས་ནས་བལྟས་ན། སྔ་སྨིན་འབྲས་ཀྱི་ལྗང་པ་བཅུ་ཆ་བརྒྱད་གསོས་ཟིན་པ་དང་བཅུ་ཆ་བཞི་ཡན་འདེབས་འཛུགས་བྱས་ཟིན་ཡོད། བར་སྨིན་འབྲས་ཀྱི་ལྗང་པ་བཅུ་ཆ་གཉིས་ཡན་གསོས་ཟིན་པ་དང་། དཔྱིད་འདེབས་ཞོག་ཁོག་ཕྱེད་ཀ་ཙམ་བཏབ་ཟིན་པ། དཔྱིད་གྲོ་བཅུ་ཆ་གསུམ་ཙམ་བཏབ་ཟིན་པ། དཔྱིད་ཀའི་ཨ་ཤོམ་བཅུ་ཆ་གཅིག་ཙམ་བཏབ་ཟིན་ཡོད།