འདི་ནི་མང་ཚོགས་ཀྱིས་འགྲེམས་རྫས་ལ་ལྟ་བཞིན་པ།

ཟླ་4ཚེས་9ཉིན། “བསྐལ་བ་བཟང་པོར་བསྟོད། བོད་ཀྱི་བཟོ་རྩལ་མཛེས་རྩལ་བརྩམས་ཆོས་ལྗོངས་ནང་ཁུལ་དུ་སྐོར་སྐྱོད་འགྲེམས་སྟོན”གྱི་འགྲེམས་སྟོན་ཐོག་མ་ལྷ་སར་བྱས་པ་རེད། ད་ཐེངས་ཀྱི་འགྲེམས་སྟོན་ནང་ལྗོངས་ཡོངས་ཀྱི་བཟོ་རྩལ་མཛེས་རྩལ་པ་234ཡིས་བསྐྱལ་བའི་བརྩམས་ཆོས་468ནང་ནས་བཟོ་རྩལ་མཛེས་རྩལ་པ་75ཡི་འཐུས་ཚབ་རང་བཞིན་གྱི་བརྩམས་ཆོས་100བདམས་ཡོད། སྐོར་སྐྱོད་འགྲེམས་སྟོན་དེ་ཟླ་8པའི་ཟླ་མཇུག་བར་བྱ་རྒྱུ་དང་དེ་ནས་ལྷོ་ཁའི་རྟེན་མཛོད་ཁང་དང་གཞིས་རྩེའི་རྟེན་མཛོད་ཁང་དུ་བྱ་རྒྱུ་མ་ཟད། ཉིང་ཁྲི་མཛེས་རྩལ་ཁང་དུ་རྣམ་གྲངས་མཇུག་འགྲིལ་འགྲེམས་སྟོན་བྱས་ཏེ། ལྗོངས་ཡོངས་ཀྱི་མི་རིགས་ཁག་གི་མང་ཚོགས་ལ་གནའ་དེང་ཟུང་འབྲེལ་གྱི་རིག་གནས་ཀྱི་སྟོན་མོ་གཟབ་རྒྱས་ཤིག་བཤམས་ནས་སྤྲོ་སྣང་དང་ཞི་མཐུན་ལྡན་པའི་རྟེན་འབྲེལ་ཆེ་མོའི་རྣམ་པ་བསྐྲུན་རྒྱུ་རེད།