ཉེ་ཆར། མཚོ་སྔོན་ཞིང་ཆེན་བཟོ་ཚོང་ལས་རིགས་མཉམ་འབྲེལ་ལྷན་ཚོགས་ཀྱིས་ཁོངས་གཏོགས་ཚོང་ཚོགས་ཀྱི་ཏང་འཛུགས་སྐྱོང་དང་ཏང་སྲོལ་སྲིད་གཙང་འཛུགས་སྐྱོང་གི་ལས་དོན་ཚོགས་འདུ་འཚོགས་པ་རེད། གསར་འགོད་པར་ཚོགས་འདུའི་ཐོག་ནས་ཤེས་རྟོགས་བྱུང་བར། ན་ནིང་ཞིང་ཆེན་དེས་ཚོང་ཚོགས་སྣ་ཚོགས་ཁག་10དང་རྒྱལ་ཕྱིའི་ཚོང་ཚོགས་1བཙུགས་པ་དང་ཆབས་ཅིག ཚོང་ཚོགས་ཏང་རྩ་འཛུགས་10བཙུགས་ནས་ཚོང་ཚོགས་རྩ་འཛུགས་འཕེལ་རྒྱས་ཇི་ཙམ་ཕྱིན་ཚེ་དེ་གར་ཏང་རྩ་འཛུགས་འཛུགས་སྐྱོང་བྱེད་པའི་དམིགས་ཚད་མངོན་འགྱུར་བྱུང་ཡོད།

ན་ནིང་གི་ལོ་གཅིག་ནང་། ཞིང་ཆེན་བཟོ་ཚོང་ལས་རིགས་མཉམ་འབྲེལ་ལྷན་ཚོགས་སྤྱི་ཚོགས་རྩ་འཛུགས་ཏང་ཨུད་ཀྱིས་ཚོང་ཚོགས་ཏང་རྩ་འཛུགས་འཛུགས་སྐྱོང་གི་ལོ་གསུམ་མཐོར་གཏོང་བྱ་སྤྱོད་ལ་གཙོ་གནད་ཐོག་དམིགས་ནས། གཞི་རིམ་གྱི་རྨང་གཞི་བརྟན་དུ་གཏོང་བ་དང་། སྟོབས་ཆེན་དམ་འཛིན་དང་། ཉམས་ཞན་སྣེ་ཁྲིད། ཐ་གྲས་བཅོས་སྐྱོང་བྱེད་པ། ཏང་འཛུགས་སྐྱོང་གི་སྤུས་ཚད་དང་ཕན་འབྲས་མཐོ་རུ་གཏོང་བ། རྩ་འཛུགས་ཀྱི་གསོན་ཤུགས་འཕེལ་བར་བྱེད་པ་སོགས་གཙོ་གནད་འཛུགས་སྐྲུན་ཐད་ཕན་འབྲས་མངོན་གསལ་དོད་པོ་ཐོན་ཡོད་པ་རེད། ཚོང་ཚོགས་ཏང་འཛུགས་སྐྱོང་གི“ནུས་ཕྱོད་ཆེར་གཏོང་ལོའི”བྱ་སྤྱོད་ལག་བསྟར་བྱ་རྒྱུ་བཀོད་སྒྲིག་བྱས་ཏེ། ཏང་འཛུགས་སྐྱོང་དང་ཚོང་ཚོགས་འཛུགས་སྐྱོང་གི་འགན་འཁུར་བས“གཉིས་ཞིབ་དང་། གཉིས་དཔྱད། གཉིས་སྦྱོང”བཅས་དང་། ཚོང་ཚོགས་ཏང་རྩ་འཛུགས་ཧྲུའུ་ཅིས་ཏང་འཛུགས་སྐྱོང་ལས་དོན་ལ་དམ་འཛིན་བྱེད་པའི་འགན་སྒྲུབ་གསལ་ཞུའི་དཔྱད་མོལ། དམངས་གཙོའི་བརྟག་ཞིབ་ཚད་ལེན་སོགས་ལག་བསྟར་ལམ་སྲོལ་རབ་དང་རིམ་པ་ཉིན་བཞིན་འཐུས་སྒོ་ཚང་དུ་ཕྱིན་ཡོད། ཏང་རྩ་འཛུགས་ཀྱི་ཁོངས་མི་དང་ཚོང་ཚོགས་ཚན་ཁག་གི་ཁོངས་མི“གཉིས་ཀ་ཞུགས་པ་དང་། འགན་འཁུར་རེས་བྱ་རྒྱུར”སྐུལ་འདེད་གཏོང་བ་དང་། ཚོང་ཚོགས་ཀྱི་ཚོགས་གཙོ་དང་ཧྲུའུ་ཅི་ཁག་གཅིག་གིས“འགན་ལྕི་རང་འཁུར”བྱས་ནས་ཏང་ཨུད་4དང་། སྤྱི་ཁྱབ་ཀྲི་པུའུ་1 ཀྲི་པུའུ་47བཅས་ཀྱི་ཏང་ཡོན་ཆིག་སྟོང་ཙམ་གྱི་ཏང་གིས་ཚོང་ཚོགས་ལ་དོ་དམ་བྱེད་པའི་བཀོད་པ་ཞིག་ཆགས་ཡོད་པ་རེད། ཏང་འཛུཌ་སྐྱོང་གི་སྐུལ་འདེད་སྣེ་ཁྲིད་འོག རྒྱལ་ཡོངས་ཀྱི“བཟང་པོ་བཞིའི”ཚོང་ཚོགས་10དང་ཞིང་ཆེན་རིམ་པའི“བཟང་པོ་བཞིའི”ཚོང་ཚོགས་13འཛུགས་གཏོད་བྱས་ཡོད་པ་རེད།

ད་ལོ་ཞིང་ཆེན་བཟོ་ཚོང་ལས་རིགས་མཉམ་འབྲེལ་ལྷན་ཚོགས་ཀྱིས“ལོ་གསུམ་མཐོར་གཏོང་བྱ་སྤྱོད”ཀྱི་འགག་སྒྲོལ་དམིགས་ཚད་ལ་དམིགས་ནས། ཆབ་སྲིད་ཀྱི་ནུས་པ་དང་རྩ་འཛུགས་ཀྱི་ནུས་པ་ཕྱོགས་ཡོངས་ནས་མཐོ་རུ་བཏང་སྟེ། ཚོང་ཚོགས་ཏང་འཛུགས་སྐྱོང་གི་སྤྱི་ཡོངས་རིམ་སྤོར་དང་ཕྱོགས་ཡོངས་མཐོར་གཏོང་ཡོང་བར་སྐུལ་འདེད་གཏོང་རྒྱུ་དང་། “འཇོན་ཐང་ཆེར་གཏོང”གི་བྱ་སྤྱོད་རྒྱུན་མཐུད་སྤེལ་ནས། ཚོང་ཚོགས་ཀྱི་འགན་འཁུར་བ་དང་ཏང་རྩ་འཛུགས་ཀྱི་འགན་འཁུར་བའི“གཉིས་ཞིབ་དང་། གཉིས་དཔྱད། གཉིས་སྦྱོང”བཅས་ཀྱི་ལས་དོན་ཚད་ལྡན་དུ་གཏོང་བ་དང་། “སྣེ་ཁྲིད་དཔེ་སྟོན”གྱི་བྱ་སྤྱོད་གཏིང་ཟབ་སྤེལ་བ། ཆེད་དོན་གསོ་སྦྱོང་སྒྲིག་འཛུགས་བྱེད་པ། ཏང་འཛུགས་སྐྱོང་གི་རིགས་གཅིག་མཁས་ཅན་དང་མཁས་དབང་སློབ་ཁྲིད་བྱེད་པར་གདན་དྲངས་བ་བཅས་བྱས་ཏེ། ཏང་ཀྲི་པུའི་ཧྲུའུ་ཅི་དང་ཏང་དོན་ལས་དོན་པའི་ཆབ་སྲིད་བྱང་ཚད་དང་ལས་སྒོའི་འཇོན་ཐང་ཕྱོགས་ཡོངས་ནས་ཆེ་རུ་གཏོང་རྒྱུ། “ཚོང་ཚོགས་ཧྲུའུ་ཅིའི་ལས་དོན་ཁང”དང“ཚོགས་མིའི་ཏང་འཛུགས་སྐྱོང་གི་ལས་དོན་ས་ཚིགས”སྐྲུན་པར་ཤུགས་སྣོན་བརྒྱབ་ནས“ཆབ་སྲིད་ལ་སྣང་ཆེན་དང་། ཁྲིམས་སྲོལ་ཤེས་པ། ཏང་འཛུགས་སྐྱོང་བྱེད་པ། དོན་འཁྱོལ་ཐུབ་པ”བཅས་ཀྱི་ཏང་འཛུགས་སྐྱོང་གི་དཔུང་ཁག་ཅིག་ཧུར་ཐག་གཏོད་རྒྱུ་རེད།