ཀྲུང་གོའི་ཁེ་ལས་མཁས་ཅན་གྱི་འཐུས་མི་ཚོགས་པས་པར་ཙིར་ལ་འཚམས་འདྲི་བྱས་པ།
ཉེ་ཆར། ཀྲུང་གོའི་ཚོང་དོན་སྐུལ་འདེད་ལྷན་ཚོགས་ཀྱིས་ཀྲུང་གོའི་ཁེ་ལས་མཁས་ཅན་གྱི་འཐུས་མི་ཚོགས་པ་སྒྲིག་འཛུགས་བྱས་ཏེ་པར་ཙིར་ལ་འཚམས་འདྲིར་བསྐྱོད་ནས། ཕྱོགས་གཉིས་པོའི་བཟོ་ཚོང་ལས་རིགས་ཀྱིས་དཔལ་འབྱོར་ཚོང་དོན་གྱི་དངོས་སྒྲུབ་མཉམ་ལས་ལ་སྐུལ་འདེད་བཏང་ཞིང་། ཀྲུང་གོ་དང་པར་ཙིར་རྒྱལ་ཁབ་གཉིས་ཀྱི་འབྲེལ་ཡོད་སྒྲིག་གཞི་དང་ཁེ་ལས་དབར་མཉམ་ལས་ཀྱི་གྲོས་མཐུན་རྣམ་གྲངས་མང་པོར་མིང་རྟགས་བཀོད་པར་དངུལ་འབོར་ཨ་སྒོར་དུང་ཕྱུར་20ལྷག་ཙམ་ཟིན་ཡོད།
པར་ཙིར་གྱི་ཙུང་ཐུང་གཞོན་པ་དང་འཕེལ་རྒྱས་དང་། བཟོ་ལས་དང་ཚོང་དོན་པུའུ་ཡི་པུའུ་ཀྲང་གཅིག་ལྕོགས་ཨར་ཁེ་མིང་གིས་འཐུས་མི་ཚོགས་པ་དང་ཐུག་འཕྲད་བྱས་ཤིང་། ཀྲུང་གོའི་ཚོང་དོན་སྐུལ་འདེད་ལྷན་ཚོགས་ཀྱི་ཚོགས་གཙོ་རེན་ཧུང་པིན་གྱིས་ཚོགས་པའི་སྣེ་ཁྲིད་དེ་པར་ཙིར་སྲིད་ཚོང་ལས་རིགས་ཀྱི་མི་སྣ་དང་ཐུག་འཕྲད་བྱས་པ་མ་ཟད། ས་གནས་ཀྱི་གྲགས་ཅན་ཁེ་ལས་ལ་རྟོག་ཞིབ་བྱས་ཏེ་ཀྲུང་གོ་དང་པར་ཙིར་གྱི་ཚོང་དོན་གླེང་སྟེགས་ལ་ཞུགས་ནས་པར་ཙིར་ཕྱོགས་དང་དཔལ་འབྱོར་ཚོང་དོན་མཉམ་ལས་བྱ་བར་མུ་མཐུད་ཤུགས་སྣོན་བརྒྱབ་སྟེ། རྒྱལ་ཁབ་ཉི་ཤུ་ཚོགས་པ་དང་འབོ་གསེར་སོགས་ཕྱོགས་མང་ལས་སྟེགས་དང་མཉམ་ལས་སྔར་བས་ཟབ་ཏུ་བཏང་ནས། ཕྱོགས་མང་ལམ་སྲོལ་གྱི་བཟོ་ཚོང་ལས་རིགས་མཉམ་ལས་ཀྱི་རྣམ་པ་གསར་པ་གཏོད་འདོད་ཡོད་ལ། པར་ཙིར་གྱི་ཁེ་ལས་དང་སྒྲིག་གཞི་ཁག་རྒྱལ་སྤྱིའི་མཁོ་སྤྲོད་འཁོར་འབྲེལ་སྐུལ་སྤེལ་དངོས་མང་སྟོན་ཚོགས་སྐབས་གསུམ་པར་ཞུགས་རྒྱུར་དགའ་བསུ་ཞུ་རྒྱུ་ཡིན་ཚུལ་ནན་བཤད་བྱས་ཡོད།