2024ལོའི་ཟླ་5པར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧྲན་ཏུང་དུ་རྟོག་ཞིབ་གནང་སྐབས། “ཧྲན་ཏུང་གིས་རྒྱལ་ཡོངས་ཀྱི་འཕེལ་རྒྱས་སྤྱི་ཡོངས་ཁྲོད་ངེས་གནས་ཡག་པོ་འཚོལ་བ་དང་འགན་འཁྲི་ཆེ་མོ་འཁུར་ཏེ་ཆ་ཚང་བ་དང་། གནད་ལ་འཁེལ་བ། ཕྱོགས་ཡོངས་བཅས་ཀྱི་སྒོ་ནས་འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་དགོས”དང“ལྗང་མདོག་ཐཱན་ཉུང་གི་སྤུས་ཚད་མཐོ་བའི་འཕེལ་རྒྱས་ཀྱི་སྔོན་སྤེལ་ཁུལ་གང་མགྱོགས་བསྐྲུན་དགོས”ཞེས་ནན་བཤད་གནང་ཡོད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ད་ལོའི་རྒྱལ་ཡོངས་ཀྱི་ཚོགས་འདུ་གཉིས་རིང“སྒྱུར་བཅོས་སྒོ་དབྱེ་གཏིང་ཟབ་ཏུ་བཏང་བ་བརྒྱུད་འགལ་རྐྱེན་སེལ་བ་དང་སྒུལ་ནུས་ཆེ་རུ་གཏོང་དགོས”ཞེས་ནན་བཤད་གནང་ཡོད།

ཧྲན་ཏུང་ནི་ནུས་རྒྱུ་ཐོན་སྐྱེད་ཀྱི་ཞིང་ཆེན་ཆེན་པོ་ཞིག་ཡིན་ལ། ཟད་གྲོན་ཆེ་བའི་ཞིང་ཆེན་ཞིག་ཀྱང་ཡིན། ནུས་རྒྱུའི་འཛད་སྤྱོད་བསྡོམས་འབོར་དང་ཐཱན་འབུད་ཚད་ཀྱིས་རྒྱལ་ཡོངས་ཀྱི་བཅུ་ཆ་གཅིག་ཙམ་བཟུང་བས་དེ་སྔ་ནུས་རྒྱུའི་གྲུབ་ཆས་གཙོ་ཁྲིད་ཀྱི་གནས་བབ་བཟུང་ཡོད།

ཇི་ལྟར་བྱས་ནས་ནུས་རྒྱུ་ཕྱོགས་སྒྱུར་གྱི་སྒྱུར་བཅོས་གཏིང་ཟབ་ཏུ་གཏོང་དགོས་སམ། ཧྲན་ཏུང་གིས“ཉིང་ནུས་དང་། རླུང་ནུས། འོད་གསོག”བཅས་ཀྱི་མ་ལག་གསར་པ་བཙུགས་ཏེ་ནུས་རྒྱུའི་གཙོ་ཁྲིད་གནས་བབ་ཀྱི་རྣམ་པ་རྙིང་པར་འགྱུར་ལྡོག་བཏང་ཡོད། 2024ལོར་ཧྲན་ཏུང་གི་ནུས་རྒྱུ་གསར་པ་དང་བསྐྱར་སྐྱེས་ཐུབ་པའི་ནུས་རྒྱུའི་འཕྲུལ་འཁོར་ནས་གློག་གཏོང་ཚད་ཆན་ཝ་དུང་ཕྱུར་1.15ཟིན་ཏེ་བསྡུར་ཚད་བཟུང་ཚད་རྡོ་སོལ་གློག་ལས་བརྒལ་བ་དང་ནུས་རྒྱུ་གསར་པའི་མ་ལག་འཛུགས་སྐྲུན་ལ་ཚད་བརྒལ་རང་བཞིན་གྱི་ཕན་འབྲས་ཐོན་ཡོད།

ནུས་རྒྱུ་གསར་པ་གཞི་ཁྱོན་ཅན་དང་ཆུ་ཚད་མཐོ་བའི་བེད་སྤྱོད་ལ་སྐུལ་འདེད་གཏོང་ཆེད། ཧྲན་ཏུང་གིས་ནུས་རྒྱུ་གསར་པ་འདྲེན་སྤྱོད་དང་ཚོད་འཛིན་ལམ་སྲོལ་དུས་གཅིག་ཏུ་འཐུས་སྒོ་ཚང་དུ་བཏང་སྟེ་གསོག་ནུས་ལག་རྩལ་གྱི་འགག་སྒྲོལ་ལ་སྐུལ་འདེད་བཏང་ཡོད། 2024ལོའི་ལོ་མཇུག་བར་ཧྲན་ཏུང་གི་གསོག་ནུས་གསར་པའི་འཁོར་སྐྱོད་ཀྱི་གཞི་ཁྱོན་ཆན་ཝ་ཁྲི་717.7ཟིན་པ་དེ་2022ལོའི་ལོ་མཇུག་ལས་ལྡབ་3.6འཕར་ཡོད་པ་རེད། མཁའ་རླུང་བཙིར་གནོན་གསོག་ནུས་དང་། འཁོར་སོའི་གསོག་ནུས། བཞུ་ཚྭའི་ཚ་གསོག་སོགས་ལག་རྩལ་གསར་པའི་རྣམ་གྲངས་བདེ་བླག་ངང་དོན་འཁྱོལ་བྱས་པས་གསོག་ནུས་ལག་རྩལ་སྣ་མང་འཕེལ་རྒྱས་བྱུང་ཡོད།

ནུས་རྒྱུ་ཕྱོགས་སྒྱུར་གྱི་སྒྱུར་བཅོས་དེ་ས་ཁོངས་འཕེལ་རྒྱས་དང་ཐོན་ལས་རིམ་སྤོར་དང་འབྲེལ་བ་དམ་ཟབ་ཡོད་པ་རེད།

ནུས་རྒྱུ་ལྗང་མདོག་ཕྱོགས་སུ་སྒྱུར། ཐོན་ལས་ནུས་རྒྱུ་གསར་པར་སྒྱུར། 2025ལོར་ཧྲན་ཏུང་གིས་ཐོན་ལས་སྐྱེད་སྲིང་གི་དམིགས་ཚད་གསར་པ་ཁ་གསལ་བཟོས་པ་སྟེ། ཅི་ནན་དང་། ཆིང་ཏའོ། ལིན་དབྱི་བཅས་ཀྱིས་ཀལ་ཐེ་གཏེར་གྱི་གློག་རྫས་སོགས་གཙོ་གནད་དཔེ་སྟོན་རྣམ་གྲངས་སྔ་སྣུར་དུ་ཇུས་འགོད་བྱ་རྒྱུ་དང་། ཉིང་གློག་སྒྲིག་ཆས་ཐོན་ལས་ཡན་ཐའེ་དང་ཝུའེ་ཧའེ་རུ་གཅིག་སྡུད་འཕེལ་རྒྱས་ལ་སྐུལ་འདེད་གཏོང་བ་སོགས་རེད།

ད་ལོའི《སྲིད་གཞུང་གི་ལས་དོན་སྙན་སྒྲོན》ནང་། “ཐཱན་ཉུང་གཏོང་དང་། སྦགས་བཙོག་ཉུང་འཕྲི། སྔོ་རྒྱ་ཆེར་གཏོང་བཅས་ལ་མཉམ་དུ་སྐུལ་འདེད་བཏང་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ཕྱོགས་ཡོངས་ལྗང་མདོག་ཕྱོགས་སྒྱུར་བྱེད་མགྱོགས་སུ་གཏོང་དགོས”ཞེས་བཏོན་ཡོད། ཁ་ཕྱོགས་གནད་འཁེལ་བཙལ་ནས་རྒྱུན་མཐུད་ཤུགས་རྒྱག་དགོས། “ནུས་རྒྱུ་ཕྱོགས་སྒྱུར་གྱི་སྒྱུར་བཅོས་གཏིང་ཟབ་ཏུ་གཏོང་རྒྱུ”དེ་ཧྲན་ཏུང་གིས་ད་ལོ་དམ་འཛིན་ཡག་པོ་བྱེད་པའི་གཙོ་གནད་ཀྱི་སྒྱུར་བཅོས་རྣམ་གྲངས་10ཡི་གྲས་ཤིག་ཡིན་པ་དང་། ཞིང་ཆེན་དེ་ཡོངས་ཀྱིས་ནུས་རྒྱུ་གསར་པ་དང་བསྐྱར་སྐྱེས་ཐུབ་པའི་ནུས་རྒྱུའི་འཕྲུལ་འཁོར་ནས་གློག་འདོན་ཤུགས་ཆན་ཝ་ཁྲི་2000ཙམ་འཕར་བར་བྱས་ནས་ལྗང་མདོག་ཐཱན་ཉུང་དང་། དྭངས་གཙང་ནུས་ཆེ། བདེ་འཇགས་བློས་འགེལ་བཅས་ཀྱི་ནུས་རྒྱུའི་མ་ལག་གང་མགྱོགས་བསྐྲུན་རྒྱུར་རམ་འདེགས་བྱས་ནས་ལྗང་མདོག་ཐཱན་ཉུང་གི་སྤུས་ཚད་མཐོ་བའི་འཕེལ་རྒྱས་ཐད“འགན་འཁྲི་ཆེན་པོ”འཁུར་རྒྱུ་ཡིན་པ་རེད།