ཉིན་ཤས་གོང་། ཀྲུང་དབྱང་རུལ་རྒོལ་མཐུན་སྦྱོར་ཚོགས་ཆུང་རྒྱལ་སྤྱིའི་མི་རྒྱུ་གཉིས་འདེད་དང་རྒྱལ་སྒྲོལ་རུལ་སུངས་བཅོས་སྐྱོང་ལས་དོན་གཞུང་དོན་ཁང་གིས་ཚོགས་འདུ་འཚོགས་ནས། སྐབས་ཉི་ཤུ་པའི་ཀྲུང་དབྱང་སྒྲིག་ཨུད་ཀྱི་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་བྱས་ཏེ། 2025ལོའི་རུལ་རྒོལ་གྱི་རྒྱལ་སྤྱིའི་མི་རྒྱུ་གཉིས་འདེད་དང་རྒྱལ་སྒྲོལ་རུལ་སུངས་བཅོས་སྐྱོང་ལས་དོན་ལ་ཞིབ་འཇུག་བཀོད་སྒྲིག་བྱས་ནས། “2025ལོའི་གནམ་རྒྱའི”བྱ་སྤྱོད་སྤེལ་འགོ་ཚུགས་པ་རེད།

ཚོགས་འདུའི་ཐོག “2025ལོའི་གནམ་རྒྱའི”བྱ་སྤྱོད་སྤེལ་འགོ་འཛུགས་རྒྱུའི་ཐག་བཅད་པ་རེད། དེའི་ནང་རྒྱལ་ཁབ་ལྟ་ཞིབ་ཨུ་ལྷན་གྱིས་སྣེ་ཁྲིད་དེ་ལས་ཐོག་ཉེས་གསོག་གི་དངུལ་ཕྱི་རྒྱལ་དུ་འདེད་ལེན་གུན་གསབ་བྱེད་པའི་ཆེད་དོན་བྱ་སྤྱོད་སྤེལ་རྒྱུ་དང་། སྤྱི་བདེ་པུས“ཝ་རྔོན”གྱི་ཆེད་དོན་བྱ་སྤྱོད་སྤེལ་རྒྱུ། ཀྲུང་གོ་མི་དམངས་དངུལ་ཁང་གིས་སྤྱི་བདེ་པུའུ་དང་མཉམ་དུ་ས་ཁོངས་བརྒལ་བའི་ཀུང་སི་དང་ས་འོག་དངུལ་སྦས་ཁུང་སྤྱད་དེ་ཕྱི་རྒྱལ་དུ་བཙོག་དངུལ་གཙང་སྒྱུར་བྱེད་པ་སྔོན་འགོག་དང་རྡུང་རྡེག་གཏོང་བའི་ཆེད་དོན་བྱ་སྤྱོད་སྤེལ་རྒྱུ། ཀྲུང་དབྱང་རྩ་འཛུགས་པུས་སྤྱི་བདེ་པུའུ་དང་རྒྱལ་ཁབ་གནས་སྤོས་མི་སེར་དོ་དམ་ཅུས་དང་མཉམ་དུ“དཔོན་ཧྲེང”གི་ལས་གནས་དོ་དམ་དང་གཞུང་ལས་པས་སྒེར་དོན་ཆེད་ཕྱི་རྒྱལ་དུ(རྒྱལ་མཚམས)ཕྱིན་པའི་སྒྲིག་འགལ་གནད་དོན་བཅོས་སྒྲིག་སོགས་ཀྱི་ལས་དོན་ལ་དམ་འཛིན་བྱ་རྒྱུ་བཅས་རེད།