“ཟུང་འབྲེལ་གཉིས”ནི་ང་ཚོར་རྒྱལ་ཁ་ཐོབ་པའི་མཆོག་ནོར་གལ་ཆེན་ཞིག་ཡིན།
ཏང་གི་ཚོགས་ཆེན་ཉི་ཤུ་པའི་སྙན་སྒྲོན་ནང“ཀྲུང་གོ་གུང་ཁྲན་ཏང་མིས་མར་ཁེ་སི་རིང་ལུགས་ཀྱི་གཞི་རྩའི་རྩ་བའི་རིགས་པ་དེ་ཀྲུང་གོའི་ཞིབ་ཕྲའི་དོན་དངོས་དང་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དང་ཟུང་འབྲེལ་བྱས་ནས་རྩོད་སྒྲུབ་དངོས་གཙོའི་རིང་ལུགས་དང་ལོ་རྒྱུས་དངོས་གཙོའི་རིང་ལུགས་སྤྱོད་རྒྱུ་མཐའ་འཁྱོངས་བྱས་ཚེ། གཞི་ནས་དུས་རབས་དང་ལག་ལེན་གྱིས་བཏོན་པའི་གནད་དོན་གལ་ཆེན་ལ་ལན་ཡང་དག་འདེབས་ཐུབ་པ་དང་། གཞི་ནས་ཐོག་མཐའ་བར་གསུམ་དུ་མར་ཁེ་སི་རིང་ལུགས་ཀྱི་སྐྱེ་སྟོབས་དང་གསོན་ཤུགས་ཆེན་པོ་རྒྱུན་འཁྱོངས་བྱེད་ཐུབ་པ་ངོས་འཛིན་གཏིང་ཟབ་བྱུང་ཡོད”ཅེས་བཏོན་ཡོད། “ཟུང་འབྲེལ་གཉིས”ནི་རང་རེའི་ཏང་གི་ཉམས་མྱོང་རྩ་ཆེན་ཞིག་ཡིན་པ་མ་ཟད། ཏང་སླར་ཡང་རྡོག་ཐོན་བྱེད་པའི་བྱ་སྤྱོད་ཀྱི་ཕྱོགས་སྟོན་ཞིག་དེ་བས་ཀྱང་རེད།
དུས་རབས་གསར་པར་ཀྲུང་གོ་གུང་ཁྲན་ཏང་གི་དགོངས་པའི་དར་ཆ་མཐོན་པོར་བསྒྲེངས་ཤིང་། བློ་མཐུན་མའོ་ཙེ་ཏུང་གིས་རིང་ལུགས་ནི་དར་ཆ་ལྟ་བུ་ཞིག་རེད། དར་ཆ་བསྒྲེངས་ཚེ་ཚང་མར་གཞི་ནས་རེ་བ་ཡོད་པ་མ་ཟད། གང་དུ་སྐྱོད་དགོས་མིན་ཤེས་ཐུབ་ཅེས་གསུངས་མྱོང་ཡོད། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་རང་རེའི་ཏང་གིས་ངེས་པར་དུ་ཡུན་རིང་མཐའ་འཁྱོངས་བྱེད་དགོས་པའི་མཛུབ་ཁྲིད་བསམ་བློར་གཏན་འཁེལ་བྱས་པ་དང་། དུས་རབས་གསར་པའི་ཀྲུང་གོ་གུང་ཁྲན་ཏང་གི་དགོངས་པའི་དར་ཆ་བསྒྲེངས་ཡོད། དར་ཆ་དེའི་མཛུབ་ཁྲིད་འོག དུས་རབས་གསར་པའི་བོད་ཀྱི་ལས་དོན་ལ་འཕྲད་པའི་དུས་བབ་གསར་པ་དང་ལས་འགན་གསར་པར་དབྱེ་ཞིབ་གཏིང་ཟབ་བྱས་པ་དང་མཆོག་ནོར་གལ་ཆེན་ཞིག་ཡིན་པའི“ཟུང་འབྲེལ་གཉིས”སྤྱད་དེ་དུས་རབས་གསར་པའི་ཏང་གི་བོད་སྐྱོང་མཛད་ཇུས་བཏོན་པ་མ་ཟད། ཞིབ་ཅིང་ཕྲ་བའི་འགྲེལ་བཤད་བརྒྱབ་སྟེ། ང་ཚོས་དུས་རབས་གསར་པའི་བོད་ཀྱི་ལས་དོན་ཡག་པོ་སྒྲུབ་པར་རྩ་བའི་གཞི་འཛིན་ས་མཁོ་འདོན་བྱས་ཡོད།
མར་ཁེ་སི་རིང་ལུགས་ཀྲུང་གོ་ཅན་དང་དུས་རབས་ཅན་གྱི་མཆོང་སྐྱོད་གསར་པ་མངོན་འགྱུར་བྱུང་ཞིང་། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས“ཟུང་འབྲེལ་གཉིས”མཐའ་འཁྱོངས་གནང་ནས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་གསར་གཏོད་བྱས་ཡོད། གངས་ལྗོངས་མཐའ་མཚམས་ཀྱི་གཞི་རིམ་བཅོས་སྐྱོང་ནས་མི་རིགས་མཐུན་སྒྲིལ་གྱི་གསོན་ཉམས་ལྡན་པའི་ལག་ལེན་བར་དང་། དབུལ་སྒྲོལ་འགག་སྒྲོལ་གྱི“གནད་སྨིན་བྱེད་ཐབས”ནས་གྲོང་གསེབ་དར་རྒྱས་ཀྱི“ས་ཁོངས་ཡོངས་ལ་འབྲས་བཟང་སྨིན་པའི”བར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཆོག་ནོར་གལ་ཆེན་ཞིག་ཡིན་པའི“ཟུང་འབྲེལ་གཉིས”སྤྱད་གནང་ནས་བོད་ཀྱི་ལས་དོན་སྐོར་ལ་རྣམ་བཤད་གལ་ཆེན་དང་མཛུབ་སྟོན་གལ་ཆེན་རབ་དང་རིམ་པ་གནང་སྟེ། “འཛམ་གླིང་ཡང་རྩེ”དེང་རབས་ཅན་གྱི་ཕྱོགས་སུ་ཇི་ལྟར་བསྐྱོད་པའི་དུས་རབས་ཀྱི་ཞིབ་འཇུག་བྱ་གཞིར་ལན་གཏིང་ཟབ་བསྐྱོན་ཡོད།
ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱེད་པའི་བྱ་སྤྱོད་ཀྱི་ཕྱོགས་སྟོན་གཏན་འཁེལ་བྱས་ཤིང་། 《གུས་ལུགས》ཞེས་པའི་དེབ་ནང་གི་བཅོས་སྐྱོང་གི་བློ་གྲོས་དེང་གི་བོད་དུ་གསར་གཏོད་རང་བཞིན་གྱི་འཕེལ་རྒྱས་བྱུང་ཡོད། ལྕགས་ལམ་ཤར་གཏོང་ཐུབ་པ་ནས་5Gའབྲོག་ཁུལ་དུ་ཁྱབ་པའི་བར་དང་། མངོན་མིན་རིག་གནས་ཤུལ་བཞག་རྒྱུན་འཛིན་སྲུང་སྐྱོང་ནས་སྐྱེ་ཁམས་སྲུང་བཅད་འཛུགས་སྐྲུན་བྱེད་པའི་བར་གྱི་གྲུབ་འབྲས་ཚང་མ་ནི“ཟུང་འབྲེལ་གཉིས”ལས་བྱུང་བའི་གཡུར་ཟའི་གྲུབ་འབྲས་ཤིག་རེད། མི་དམངས་ཀྱི་ལངས་ཕྱོགས་བརྟན་སྲུང་དང་རིག་གནས་ཀྱི་ཁྱད་པར་ལ་བརྩི་འཇོག་བྱེད་པའི་ལག་ལེན་གྱི་ཐབས་ལམ་འདི་རིགས་ཀྱིས་ཀྲུང་ཧྭ་མི་རིགས་བསྐྱར་དར་རླབས་པོ་ཆེར་མཐའ་མཚམས་བཅོས་སྐྱོང་གི་མ་དཔེ་མཁོ་འདོན་བྱས་ཡོད།
མཛེས་སྡུག་ལྡན་པའི་འཛམ་གླིང་སྐྲུན་པའི་ཀྲུང་གོའི་བློ་གྲོས་དང་ཀྲུང་གོའི་སྟོབས་ཤུགས་སྐྱེས་སུ་ཕུལ་ཞིང་། ས་བབ་མཐོ་ཚད་སྨི5000ཡི་ཇོ་མོ་གླང་མའི་སྒར་སར་ལངས་ནས་རྒྱང་ལྟ་བྱས་ཚེ། “མིའི་རིགས་ཀྱི་ལས་དབང་གཅིག་མཐུན་ཚོགས་པའི”ནང་དོན་ཟབ་མོ་སྔར་བས་ཚོར་ཐུབ། བོད་ཀྱི་ལྗང་མདོག་འཕེལ་རྒྱས་ཀྱི་ལག་ལེན་ནི“སྣོད་བཅུད་མཉམ་གནས”ཀྱི་སྲོལ་རྒྱུན་བློ་གྲོས་དང་དེང་རབས་སྐྱེ་ཁམས་ཤེས་དཔལ་གྱི་འདུ་ཤེས་མཉམ་འདྲེས་ནུས་ལྡན་བྱས་པ་ཞིག་རེད། མཚོ་བོད་ས་མཐོའི་སྐྱེ་ཁམས་སྲུང་སྐྱོང་ནས“ཧི་མ་ལ་ཡའི་མཐའ་འཁོར་རྒྱལ་ཁབ་ཀྱི་དཔལ་འབྱོར་མཉམ་ལས་ཁུལ”བསྐྲུན་པའི་བར། ཀྲུང་གོ་གུང་ཁྲན་ཏང་གིས“ཟུང་འབྲེལ་གཉིས”དེ་བརྟག་ཐབས་སྨྲ་བར་བྱས་ཏེ། སའི་གོ་ལའི་སྣེ་གསུམ་པའི་སྐྱེ་ཁམས་སྲུང་སྐྱོང་བྱས་པ་མ་ཟད། ཤེས་དཔལ་དཔྱད་གཞིར་འཛིན་རེས་བྱས་ནས་གོ་ལ་ཧྲིལ་པོའི་བཅོས་སྐྱོང་ལ“བསྟུན་ཀྱང་གཅིག་མཚུངས་མི་བྱེད་པའི”ཀྲུང་གོའི་ཇུས་གཞི་དང་བོད་ཀྱི་ཐབས་ལམ་མཁོ་འདོན་བྱས་ཡོད།
དུས་རབས་གསར་པར་ཀྲུང་གོ་གུང་ཁྲན་ཏང་གིས་ལོ་རྒྱུས་ཀྱི་རང་འགུལ་སྙིང་སྟོབས་ལ་བརྟེན་ནས་རིགས་པའི་གཞུང་ལུགས་གསར་གཏོད་ལ་སྐུལ་འདེད་བཏང་སྟེ། མར་ཁེ་སི་རིང་ལུགས་ཀྱི་བདེན་དོན་གྱི་འོད་ཟེར་ས་མཐོའི་ས་ཕྱོགས་གང་སར་འཕྲོས་ནས་ཀྲུང་ཧྭའི་ཤེས་དཔལ་གྱི་བློ་གྲོས་བདུད་རྩིས་མི་རིགས་ཁག་གི་མང་ཚོགས་ཀྱི་ཡངས་ཤིང་རྒྱ་ཆེ་བའི་སེམས་ཀྱི་ཞིང་ས་བརླན་བཞིན་ཡོད། དེ་ནི་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་རྩ་བའི་འགན་ལེན་ཡིན་ལ། ཀྲུང་གོའི་ལུགས་ཀྱི་དེང་རབས་ཅན་གྱི་འགྲོ་ལམ་ཐོག་ཇི་ཙམ་སྐྱོད་པ་དེ་ཙམ་གྱིས་ཇེ་ཡངས་སུ་འགྲོ་བའི་སྟོབས་ཤུགས་ཀྱི་འབྱུང་རྩ་ཞིག་ཀྱང་རེད།