རང་སྐྱོང་ལྗོངས་སྤྱི་ཁྱབ་བཟོ་ཚོགས་ཀྱིས《ལག་བསྟར་ཇུས་གཞི》བཀྲམ་ནས།
“བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོ”གསར་དུ་བཏོད་པ།
ལས་བཟོ་མང་ཚོགས་ལ་བསམ་བློ་ཆབ་སྲིད་ཀྱི་ཁྲིད་སྟོན་འཛུགས་སྐྱོང་འདུ་འགོད་ལག་ལེན་ཤུགས་ཆེན་བསྟར་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་ཆེད། ཉེ་ཆར། རང་སྐྱོང་ལྗོངས་སྤྱི་ཁྱབ་ཟོ་ཚོགས་ཀྱིས《“བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོ”གསར་དུ་གཏོད་རྒྱུའི་སྐོར་གྱི་ལག་བསྟར་ཇུས་གཞི》(གཤམ་ལ《ལག་བསྟར་ཇུས་གཞི》ཞེས་བསྡུ་རྒྱུ)བཀྲམ་པའི་ནང་། ཐོན་ལས་བཟོ་པའི་དཔུང་ཁག་འཛུགས་སྐྱོང་དང་སྒྱུར་བཅོས་བྱེད་ཟབ་ཏུ་དང་བཟོ་ཚོགས་ཀྱི“སློབ་གྲྭ་ཆེན་པོའི”ནུས་པ་སྔར་བས་བཏོན་ཏེ། རྒྱ་ཆེའི་ལས་བཟོ་མང་ཚོགས་ལ་མཐུན་སྒྲིལ་སྣེ་ཁྲིད་ཀྱིས་བློ་བརྟན་འགྱུར་མེད་ངང་ཏང་གི་བཀའ་ལ་ཉན་པ་དང་། འགྱུར་མེད་དམ་བཅར་བརྟེན་ནས་ཏང་གི་རྗེས་སུ་འབྲང་དགོས་ཚུལ་བསྟན་ཡོད།
《ལག་བསྟར་ཇུས་གཞིའི》ནང་། གཞི་རྩའི་བླང་བྱ་དང་། བྱ་ཐབས་གཙོ་བོ། རྩ་འཛུགས་ཀྱི་འགན་སྲུང་སོགས་ཐད་ནས“བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོ”གསར་དུ་བཏོད་པའི་དམིགས་ཚད་གཙོ་བོ་དང་། ཐབས་ཤེས་དང་ཐབས་ལམ། ཞིབ་ཕྲའི་བྱ་ཐབས་སོགས་ཀྱི་ནང་དོན་ཁ་གསལ་བསྟན་ཡོད། རང་སྐྱོང་ལྗོངས་སྤྱི་ཁྱབ་བཟོ་ཚོགས་ཀྱིས་བོད་ཀྱི་མི་རིགས་ཁག་གི་ལས་བཟོའི་ཚོགས་སྤྱི་ཆེན་པོར་ཕྱོགས་ནས་དྲ་ཐོག་དང་དྲ་ཕྱིའི་སློབ་ཚན་ཆེན་པོ་འཚོག་པ་དང་། སློབ་ཚན་འཚོག་མཁན་དགེ་རྒན་གྱི་དཔུང་ཁག་སྟོབས་ཆེན་འཛུགས་པ། བསམ་བློ་ཆབ་སྲིད་ཀྱི་རིགས་པའི་གཞུང་ལུགས་བརྒྱུད་སྤེལ་བཅས་བྱེད་པའི་ནང་། “བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོའི”རིགས་གཅིག་མཁས་ཅན་དང་དགེ་རྒན་གྲགས་ཅན་གྱི་མཛོད་འཛུགས་པ་དང་། ངལ་རྩོལ་དཔེ་བཟང་དང་བཟོ་པའི་སྒྲོག་འགྲེལ་རྐང་འཛིན་པ་ཁག་གཅིག་གསོ་སྦྱོང་བྱེད་པ། བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཁག་གཅིག་ཕབ་ལེན་བྱེད་པ། “བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོའི”བརྙན་ཐུང་ཁག་གཅིག་འདོན་པ། “བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོའི”རིག་གནས་བསམ་བཀོད་ཐོན་རྫས་ཁག་གཅིག་བཟོ་བ། བཟོ་ཚོགས་ཁག་གཅིག་གི་གཡུལ་སའི་ནུས་པ་འདོན་པ། “བོད་ཀྱི་བཟོ་པའི་བསམ་བློ་ཆབ་སྲིད་ཀྱི་སློབ་ཚན་ཆེན་པོའི”ཆེད་ཁུལ་འཛུགས་པ་སོགས་ཚུད་ཡོད།