འདི་ནི་སྒེར་རྩེ་རྫོང་ཤན་ཆེན་ཤང་ནག་རེག་གསུམ་པ་གྲོང་ཚོའི་དྲ་མིག་པ་བཀྲ་ཤིས་ཆོས་བཟང(གཡས)དུད་ཚང་དུ་བསྐྱོད་དེ་གྲོང་མིའི་ཆ་འཕྲིན་འཚོལ་བསྡུ་བྱེད་བཞིན་པ། (པར་འདི་མངའ་རིས་ས་ཨུད་སྲིད་ཁྲིམས་ཨུ་ལྷན་གྱིས་མཁོ་འདོན་བྱས)

འདི་ནི་སྒར་རྫོང་སེང་གེ་ཁ་འབབ་གྲོང་རྡལ་ཕྱོགས་བསྡུས་བཅོས་སྐྱོང་ལྟེ་གནས་ཀྱི“དྲ་མིག་གཅིག”གི་བཀོད་གཏོང་ལས་སྟེགས་ཀྱི་ཟུར་ཞིག་ཡིན་པ།

འདི་ནི་སྒར་རྫོང་སེང་གེ་ཁ་འབབ་གྲོང་རྡལ་གྱི་དྲ་མིག་པས་དྲ་མིག་མི་དམངས་ཉེན་རྟོག་པ་དང་མཉམ་དུ་གྲོང་མིའི་ཁྱིམ་དུ་བསྐྱོད་དེ་ཞབས་འདེགས་ཞུ་བཞིན་པ། (པར་འདི་མངའ་རིས་ས་ཨུད་སྲིད་ཁྲིམས་ཨུ་ལྷན་གྱིས་མཁོ་འདོན་བྱས)

ཉེ་བའི་ལོ་ཤས་རིང་། མངའ་རིས་ས་ཁུལ་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་ཐོག་མཐའ་བར་གསུམ་དུ་མཐའ་འཁྱོངས་ཀྱིས་འཚོལ་ཞིབ་དང་གསར་གཏོད་ཧུར་ཐག་བྱས་ཏེ། དྲ་མིག་ཅན་གྱི་དོ་དམ་དེ་གཞི་རིམ་གྱི་སྤྱི་ཚོགས་བཅོས་སྐྱོང་དེང་རབས་ཅན་ལ་སྐུལ་འདེད་གཏོང་བའི་དམ་འཛིན་བྱ་གཞི་གལ་ཆེན་ཞིག་ཏུ་བརྩིས་ནས། “དྲ་མིག་ཁྲོད་ལས་ཀ་བྱེད་མཁན་ཡོད་པ་དང་། དྲ་མིག་ལ་བརྟེན་ནས་བྱ་བ་སྒྲུབ་པ། དྲ་མིག་ཁྲོད་དུ་བརྩེ་བ་འཆང་བ། དྲ་མིག་ལ་བརྟེན་ནས་དཀའ་ངལ་སེལ་བ”བཅས་ཧུར་ཐག་བྱས་ཏེ། གཞི་རིམ་སྤྱི་ཚོགས་བཅོས་སྐྱོང་གི“མཐའ་མའི་འགག་གནད”ཧུར་ཐག་བསལ་ཡོད།

ཏང་འཛུགས་སྐྱོང་ཁྲིད་སྟོན་དུ་བྱས་ནས་གཞི་རིམ་བཅོས་སྐྱོང་གི་རྣམ་པ་གསར་པ་བཏོད་པ།

ཉེ་བའི་ལོ་ཤས་རིང་། སྤུ་ཧྲེང་རྫོང་ཧོར་ཤང་གིས་ཏང་འཛུགས་སྐྱོང་ཁྲིད་སྟོན་དུ་བྱ་རྒྱུ་མཐའ་འཁྱོངས་ཀྱིས་དང་བླངས་ཞབས་ཞུའི་རུ་ཁག་མང་པོ་བཙུགས་ནས་གཞི་རིམ་གྱི་ཞབས་ཞུ་དང་། རྒན་རྒོན་དང་དབང་པོ་སྐྱོན་ཅན་ལ་རོགས་སྐྱོར། རིག་གནས་བྱེད་སྒོ་སོགས་ཀྱི་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་པར་སྐུལ་འདེད་བཏང་ཡོད། ཧོར་ཤང་དང་བླངས་ཞབས་ཞུ་རུ་ཁག་གི་རུ་དཔོན་ཚེ་དབང་གིས། “ཏང་རྩ་འཛུགས་ནི་མང་ཚོགས་ཀྱི་སྲོག་ཤིང་རེད། མང་ཚོགས་ལ་ཞབས་འདེགས་ཞུ་བ་དང་མང་ཚོགས་ལ་རོགས་རམ་བྱེད་པར་ང་ཚོར་སེམས་ཤུགས་ཆེན་པོ་ཡོད། ད་ཆ་གྲོང་ཚོའི་རྣམ་པ་སྔར་བས་ལེགས་སུ་ཕྱིན་པ་དང་། ཤང་སྲོལ་སྔར་བས་ཤེས་དཔལ་ལྡན་པ། གྲོང་གསེབ་སྔར་བས་འཆམ་མཐུན་ལྡན་པས། ཚང་མས་ཕ་ཡུལ་འཛུགས་སྐྲུན་དང་འཕེལ་རྒྱས་ལ་འབད་བརྩོན་བྱེད་འདོད་ཆེན་པོ་བྱེད་ཀྱི་འདུག”ཅེས་བརྗོད།

གཞི་རིམ་ཏང་རྩ་འཛུགས་ཀྱིས“སྣེ་ཁྲིད”ནུས་པ་ཧུར་ཐག་བཏོན་ནས། “4+1”ཏང་རྩ་འཛུགས་ཀྱི་ཧྲུའུ་ཅིས་གཞི་རིམ་ཏང་འཛུགས་སྐྱོང་ལས་དོན་ལ་དམ་འཛིན་བྱེད་པའི་འགན་འཁྲིའི་གསལ་ཐོ་དོན་འཁྱོལ་ཧུར་ཐག་དང་། གཞི་རིམ་བཅོས་སྐྱོང་ནང་ཞུགས་པའི་གྲོང་མིའི་ཧུར་སེམས་སྐུལ་སློང་གང་ལེགས་བྱས་ཏེ། གཞི་རིམ་བཅོས་སྐྱོང་གི་མཉམ་འབྲེལ་གྲོས་ཚོགས་བརྒྱུད་དཀའ་གནད་ཐག་གཅོད་བྱས་ནས་གཞི་རིམ་བཅོས་སྐྱོང་གི“རྟེའུ་ཡིས་ཐེར་གེ་ཆེན་པོ་འདྲུད་པའི”སྣང་ཚུལ་ཧུར་ཐག་བསལ་ཡོད། དྲ་མིག་ཏང་རྩ་འཛུགས་མ་ལག་འཐུས་སྒོ་ཚང་དུ་བཏང་ནས་གཞི་རིམ་བཅོས་སྐྱོང་ལ་སྒུལ་ཤུགས་ཆེན་པོ་བསྣན་ཞིང་། མངའ་རིས་ས་ཨུད་རྩ་འཛུགས་པུའུ་དང་མངའ་རིས་ས་ཨུད་སྲིད་ཁྲིམས་ཨུ་ལྷན་གྱི་ཐུན་མོང་འབད་བརྩོན་འོག ས་ཁུལ་ཡོངས་སུ་དྲ་མིག་ཏང་རྩ་འཛུགས་461དང་ཏང་ཚོགས་ཆུང་709བཙུགས་པ་དང་། གྲོང་ཚོའི(སྡེ་ཁུལ)ཏང་རྩ་འཛུགས་ཀྱི་ཧྲུའུ་ཅི་147གྱིས་དྲ་མིག་ཏང་རྩ་འཛུགས་ཀྱི་ཧྲུའུ་ཅི་གཅིག་ལྕོགས་བྱས་ནས་ཏང་འཛུགས་སྐྱོང་གི་སྣེ་ཁྲིད་ནུས་པ་ཧུར་ཐག་བཏོན་ཏེ། མཉམ་སྐྲུན་དང་། མཉམ་བཅོས། མཉམ་སྤྱོད་བཅས་ཀྱི་རྣམ་པ་གསར་པ་བཏོད་ཡོད།

དོ་དམ་ལེགས་སུ་བཏང་ནས་གཞི་རིམ་བཅོས་སྐྱོང་སྔར་བས་ཞིབ་ཚགས་སུ་བཏང་བ།

2024ལོ་ནས་བཟུང་། ས་ཁུལ་ཡོངས་སུ་བཀྲ་ཤིས་ཆོས་བཟང་དང་འདྲ་བའི་ཕུལ་བྱུང་དྲ་མིག་པ་ཧ་ཅང་མང་པོ་ཡོད། ཁོང་ཚོས་ལས་གནས་བརྟན་སྲུང་དང་རང་འགན་གཙང་སྒྲུབ་བྱས་ཏེ་ཞབས་འདེགས་ཞུ་ཡུལ་རྒྱུན་ཆད་མེད་པར་སྣུར་སྲིང་བྱས་ཤིང་། རིམ་རྩིས་བརྒྱབ་ན། མི་ཐེངས་ཁྲི་5.59ཡི་དུད་ཚང་དུ་བསྐྱོད་ནས་འདྲི་རྩད་བྱས་པ་དང་། དམངས་ཕན་ཞབས་ཞུ་ཐེངས་6992སྤེལ་བ། འགལ་བ་དང་རྩོད་གཞི་གྲལ་བཤེར་དང་ཐག་གཅོད་ཡག་པོ་བཅས་བྱས་ནས་གཞི་རིམ་བཅོས་སྐྱོང་གི“བསམ་བློའི་གནད་དོན”ཐག་གཅོད་ཏན་ཏིག་བྱས་ཡོད།

ཉེ་བའི་ལོ་ཤས་རིང་། མངའ་རིས་ས་ཁུལ་གྱིས་དྲ་མིག་བཀོད་སྒྲིག་ཕྱོགས་ཡོངས་ནས་ལེགས་སུ་གཏོང་བ་དང་། དྲ་མིག་སྟོབས་ཤུགས་ཆེ་རུ་གཏོང་བ། གསོ་སྦྱོང་བྱེད་ཐབས་ཞིབ་ཚགས་སུ་གཏོང་བ། དོ་དམ་ལམ་སྲོལ་སྲ་བརྟན་དུ་གཏོང་བ། རང་འགན་གཙང་སྒྲུབ་ཚད་འབེབས་བཅས་བྱས་ཏེ། “འཚེམ་དྲུབ་རྣམ་པའི”ཞིབ་ཕྲའི་དོ་དམ་མཐའ་འཁྱོངས་དང་དྲ་མིག“ཞབས་ཞུའི་དྲ་བ”ཚགས་དམ་དུ་བཏང་ནས་གཞི་རིམ་གྱི་སྤྱི་ཚོགས་བཅོས་སྐྱོང་གི་ནང་སྐྱེས་སྒུལ་ཤུགས་འཕེལ་བར་བྱས་ཡོད།

དྲ་མིག་བཀོད་སྒྲིག་ཐད་མངའ་རིས་ས་ཁུལ་གྱིས་འཐེན་བཤེར་དཔྱད་དཔོག་གི་ཚད་གཞིར་གཞིགས་ནས། རྫོང་ཁག་ལ་མི་འབོར་གྱི་གཞི་ཁྱོན་འོས་འཚམ་དང་ཞབས་ཞུའི་དོ་དམ་སྟབས་བདེ་སོགས་ཀྱི་རྩ་དོན་བརྩི་སྲུང་ཞུ་བར་མཛུབ་ཁྲིད་བྱས་ནས་ཕྱོགས་བསྡུས་དྲ་མིག196དང་ཆེད་གཏོགས་དྲ་མིག27འགུལ་རྣམ་ལེགས་སྒྲིག་བྱས་ཏེ་དྲ་མིག་གི་སྦྲེལ་མཚམས་ལུགས་དང་མི་མཐུན་པའི་གནད་དོན་ཐག་གཅོད་ཡག་པོ་བྱས་ནས་བཅོས་སྐྱོང་ཕྱོགས་ཡོངས་ལ་ཁྱབ་སྟེ་གྲོང་ཁྱེར་འཕེལ་རྒྱས་དང་སྤྱི་ཚོགས་བཅོས་སྐྱོང་གི་དགོས་མཁོ་དང་དེ་བས་ལེགས་པར་མཐུན་ཡོད།

མངའ་རིས་ས་ཁུལ་གྱིས《མངའ་རིས་ས་ཁུལ་གྱི་དྲ་མིག་པའི་དོ་དམ་བྱ་ཐབས(ཚོད་ལྟའི་ལག་བསྟར)》བཟོས་ནས་དོན་འཁྱོལ་བྱས་ཏེ། མི་429ལས་སྒྲུབ་པའི་བྱང་ཚད་མཐོ་བ་དང་འཇོན་ཐང་ཆེ་བའི་དྲ་མིག་པའི་དཔུང་ཁག་ཅིག་བཙུགས་ཡོད།

བློ་གྲོས་ལ་བརྟེན་ནས་གཞི་རིམ་བཅོས་སྐྱོང་གི་ཕན་ནུས་ཆེ་རུ་བཏང་བ།

“འདི་གར་མང་ཚོགས་ཀྱིས་གད་སྙིགས་གང་བྱུང་དུ་གཡུགས་འདུག་པས་དུས་ཐོག་ཏུ་གཙང་སེལ་བྱེད་རོགས། དེས་མ་ཟད་སློབ་གསོ་དང་ཁྲིད་སྟོན་བྱེད་ཤུགས་ཆེ་རུ་གཏོང་དགོས”ཞེས་སྒར་རྫོང་སེང་གེ་ཁ་འབབ་གྲོང་རྡལ་སེན་གེ་སྡེ་ཁུལ་གྱི་དྲ་མིག་པ་ཚེ་རིང་བསྟན་དར་ཁྲོམ་གཞུང་དང་སྲང་ལམ་དུ་སྐོར་གཡེང་བྱེད་སྐབས་གནས་ཚུལ་དེ་མཐོང་མ་ཐག་ལམ་སེང་པར་བརྒྱབ་ནས“ཕྱོགས་བསྡུས་བཅོས་སྐྱོང་ལས་སྟེགས”ཀྱི་APPཐོག་བསྐུར་བ་རེད། དེ་རྗེས་སྡེ་ཁུལ་གྱི་ལས་དོན་པས་ཆ་འཕྲིན་དེ་མཐོང་མ་ཐག་ཐག་གཅོད་བྱས་ཡོད།

ཚད་ལྡན་ཅན་འཛུགས་སྐྱོང་གི་འཕེལ་རིམ་ནང་མངའ་རིས་ས་ཁུལ་གྱིས་དམངས་ཆེད་དང་། དམངས་ཕན། གོ་ཆོད། དངོས་ཕན་བཅས་ཀྱི་རྩ་དོན་ཐོག་མཐའ་བར་གསུམ་དུ་མཐའ་འཁྱོངས་བྱས་ཏེ། “གཞི་གཅིག་ཅན”དང“གཅིག་འཐུས་རྣམ་པའི”ལས་སྒྲུབ་བྱེད་སྟངས་ལ་ནུས་ཤུགས་ཡོད་རྒུས་སྐུལ་འདེད་བཏང་ཡོད། ཤང་དང་གྲོང་རྡལ་ཕྱོགས་བསྡུས་བཅོས་སྐྱོང་ལྟེ་གནས་དང་། དྲ་མིག་ཞབས་ཞུ་དོ་དམ་ལྟེ་གནས། འགལ་བ་དང་རྩོད་གཞི་འདུམ་འགྲིག་ལྟེ་གནས་བཅས་ཚད་ལྡན་ཅན་འཛུགས་སྐྱོང་དང་དངོས་སུ་འཁོར་སྐྱོད་བྱེད་པར་སྐུལ་འདེད་ཧུར་ཐག་བཏང་བ་མ་ཟད། ཆེད་ལས་སྟོབས་ཤུགས་དང་གཞི་རིམ་སྤྱི་བདེའི(མཐའ་མཚམས)མངགས་གཏོང་ཁང་དང་། མི་དམངས་ཁྲིམས་ར། མི་དམངས་འདུམ་འགྲིག་ལྟེ་གནས་སོགས་ཕྱོགས་ཁག་གི་སྟོབས་ཤུགས་བསྡུ་སྒྲིལ་བྱས་ཏེ། ཕྱོགས་བསྡུས་བཅོས་སྐྱོང་ལྟེ་གནས་སུ་བཅའ་སྡོད་བྱས་པས་མཉམ་འགུལ་ནུས་ཆེའི་འཁོར་སྐྱོད་ཀྱི་ལས་ཀའི་རྣམ་པ་ཞིག་ཆགས་ཡོད། མིག་སྔར། ས་ཁུལ་ཡོངས་ཀྱི་ས་ཁུལ་དང་། རྫོང་། ཤང(གྲོང་རྡལ)བཅས་ཕྱོགས་བསྡུས་བཅོས་སྐྱོང་ལྟེ་གནས་43ལ་དངོས་གཞི་ཅན་གྱི་འཁོར་སྐྱོད་མངོན་འགྱུར་བྱུང་བ་དང་། སྔ་རྗེས་སུ་ཤང(གྲོང་རྡལ)རིམ་པའི་ཁྲིམས་ར་དང་། སྤྱི་བདེའི(མཐའ་མཚམས)མངགས་གཏོང་ཁང་། མི་དམངས་འདུམ་འགྲིག་པ་སོགས་སྡེ་ཚན་གྱི་མི་247ཤང(གྲོང་རྡལ)རིམ་པའི་ཕྱོགས་བསྡུས་བཅོས་སྐྱོང་ལྟེ་གནས་35རུ་བཅའ་སྡོད་བྱེད་པར་མཐུན་སྦྱོར་བྱས་ཡོད།

དེ་དང་ཆབས་ཅིག གཞི་རིམ་གྱི“བློ་རིག་བཅོས་སྐྱོང”མ་ལག་གཏོད་རྒྱུར་དམིགས་ནས་རང་སྐྱོང་ལྗོངས་ལ་བོད་རང་སྐྱོང་ལྗོངས་ཕྱོགས་བསྡུས་བཅོས་སྐྱོང་ཆ་འཕྲིན་ཅན་ལས་སྟེགས་གཅིག་གྱུར་གསར་བརྗེས་བྱེད་པར་གཞོགས་འདེགས་ཧུར་ཐག་བྱས་པ་མ་ཟད། གཞི་རིམ་མངགས་གཏོང་ཁང་གི་མི་དམངས་ཉེན་རྟོག་པ་དང་། དྲ་མིག་པ། དགོན་སྡོད་ལས་བྱེད་པ་སོགས་མི་430སྒྲིག་འཛུགས་བྱས་ཏེ“ཕྱོགས་བསྡུས་བཅོས་སྐྱོང་ལས་སྟེགས”ཀྱི་APPཕབ་ལེན་བྱེད་དུ་བཅུག་ཡོད།