འདི་ནི་ཡར་ལངས་ཞིང་བྲན་ཉི་མ་ཡིན་པ།(ཟླ་3ཚེས་16ཉིན་པར་བླངས)

 འདི་ནི་ཉི་མ(དཀྱིལ)དང་། ཁོང་གི་བུ་པ་སངས་ཚེ་རིང(གཡོན) ཚ་མོ་ཚེ་རིང་དབང་མོ་བཅས་ཀྱིས་སྒོ་འགྲམ་དུ་དྲན་རྟེན་པར་རྒྱག་བཞིན་པ།(ཟླ་3ཚེས་16ཉིན་པར་བླངས)

གཞིས་རྩེ་གྲོང་ཁྱེར་ལྷ་རྩེ་རྫོང་ཆུ་ཤར་གྲོང་རྡལ་དོན་གླིང་གྲོང་ཚོའི་ཡུལ་མི་ཉི་མ་ནི་1952ལོར་སྐྱེས་པ་དང་། དེ་སྔ་ཁོང་ནི་ཞིང་བྲན་ཡིན་པ་རེད། 1959ལོའི་ཟླ་3ཚེས་28ཉིན། བོད་དུ་དམངས་གཙོའི་བཅོས་སྒྱུར་བྱེད་འགོ་ཚུགས་ནས“ཆོས་སྲིད་ཟུང་འབྲེལ”གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་རྩ་མེད་བཏང་སྟེ། ཞིང་བྲན་ཁྲི་ཚོ་བརྒྱར་ཡར་ལངས་བཅིངས་འགྲོལ་ཐོབ་པ་དང་ལོ་7ལ་སླེབས་པའི་ཁོང་ལ་རང་ལུས་རང་དབང་ཐོབ།

ཉི་མས“ངའི་ཨ་མ་ལགས་ནི་རྣམ་གླིང་རྫོང་ནས་ཡིན་པ་དང་། ང་མའི་མངལ་དུ་ཡོད་དུས་ཨ་མ་ཞིང་བྲན་དུ་བརྩིས་ནས་ལྷ་རྩེ་རྫོང་དུ་བཙོངས་པས་ངས་རང་ཉིད་ཀྱི་པཱ་ལགས་གཏན་ནས་མཐོང་མྱོང་མེད། ང་སྡུག་བསྔལ་དང་མུན་ནག་གི་ཁྲོད་དུ་སྐྱེས་པས་ཆུང་དུས་སུ་དཀའ་སྡུག་གྲངས་མེད་མྱངས་པ་ཡིན”ཞེས་བརྗོད།

དམངས་གཙོའི་བཅོས་སྒྱུར་བྱེད་སྐབས། ཨ་མ་དང་ཁོང་ལ་ས་ཞིང་མུའུ་23དང་། ད་དུང་ཁང་པ་དང་སོ་ནམ་ལག་ཆ་སོགས་བགོས་པས་དུས་དེ་ནས་བཟུང་འཚོ་བར་རེ་བས་ཁེངས། ད་ལྟ་ཉི་མའི་ཕྲུ་གུ་ལྔ་པོ་ཚང་མ་ཁྱིམ་བཙུགས་ལས་གཉེར་ཐུབ་པ་དང་། ཁྱིམ་དུ་ཐོ་ཕྲུག་དང་། བླུག་འཁོར། འཇིབ་ཆུང་བཅས་གང་དགོས་ཡོད།

2025ལོའི་ཟླ་1ཚེས་7ཉིན། དིང་རིར་ས་ཡོམ་རིམ་པ་6.8བརྒྱབ་པའི་དབང་གིས་ཉི་མའི་སྡོད་ཁང་ཉེན་ཁ་ཆེ་བའི་ཁང་པར་གྱུར་ཡོད། ད་ཆ་ཁོང་གནས་སྐབས་ཀྱི་སྟབས་བདེའི་ཁང་པར་བསྡད་ཡོད་མོད། འོན་ཀྱང་ཁོང་གིས་རྗེས་ཕྱོགས་ཀྱི་འཚོ་བར་སེམས་ཁྲལ་བྱེད་དགོས་ཀྱི་མེད། ཁོང་གིས“ཏང་དང་སྲིད་གཞུང་གིས་ང་ཚོའི་གེགས་ཁུལ་ལ་ཐུགས་ཁུར་གནང་ནས་དགུན་ཁ་ཧྲིལ་པོར་ཟ་མ་དང་འབུད་ཤིང་འདང་ངེས་བྱུང་སོང་། ད་ཆ་སྲིད་གཞུང་གིས་ང་ཚོར་ཁང་པ་གསར་པ་རྒྱག་རྒྱུའི་འཆར་གཞི་བཟོ་བཞིན་ཡོད་པས། འཚོ་བ་ཇི་ཙམ་བསྐྱལ་བ་དེ་ཙམ་གྱིས་སྐྱིད་དུ་འགྲོ་ངེས་རེད”ཅེས་བརྗོད།