དང་པོ། ཁྱིམ་སྡོད་ཀྱི་བདེ་འཇགས། (གཅིག) མེ་དང་། སོལ་རླངས། གློག་བཅས་སྤྱོད་པའི་བདེ་འཇགས།

1. མེ་ལ་རྩེད་མོ་རྩེ་མི་རུང་ལ་མེ་སོན་དེ་བས་འཁྱེར་མི་རུང་། གལ་ཏེ་མེ་སྐྱོན་ཐོན་པ་ཤེས་འཕྲལ་དགེ་རྒན་དང་ཁྱིམ་བདག་ལ་ཞུ་བའམ་ཡང་ན་མེ་སྐྱོན་ཉེན་བརྡའི་ཁ་པར་119རྒྱག་དགོས།

2. ཆེད་ལས་མི་སྣའམ་ཡང་ན་ཁྱིམ་བདག་གི་མཛུབ་ཁྲིད་འོག མེ་གསོད་ཡོ་བྱད་སྣ་ཚོགས་སྤྱོད་ཤེས་པ་བྱེད་དགོས།

3. ཁྱིམ་དུ་ཁྱིམ་བདག་མེད་པའི་སྐབས་སུ། སོལ་རླངས་དང་གཤེར་རླངས་ཐབ་ཆས་སོགས་སྤྱོད་རྒྱུ་མེད།

4. ལག་པ་རློན་པའམ་ཡང་ན་རས་རློན་པས་གློག་ཁུངས་ཀྱི་བསྒར་སྣེ་དང་བསྒར་ཁུང་སོགས་ལ་རེག་རྒྱུ་མེད། འབྲུག་ཆར་འབབ་པའི་གནམ་གཤིས་བསྟན་སྐབས་གློག་ཆས་སྤྱོད་རྒྱུ་མེད་ལ་རབ་བྱུང་ན་གློག་ཁུངས་ཀྱི་བསྒར་སྣེ་བཀག་དགོས།

(གཉིས) མཐོ་ས་ནས་ལྷུང་བའི་ཉེན་ཁར་དོགས་ཟོན་བྱེད་དགོས།

1. ཉི་གཡབ་ལ་འཛེག་རྒྱུ་མེད། ཉི་གཡབ་ཕྱི་རོལ་གྱི་དངོས་པོ་ལག་པ་བརྐྱངས་ནས་ལེན་པའམ་ཡང་ན་ཉི་གཡབ་ནས་ཐོག་ཁང་འོག་གི་གྲོགས་པོ་ཆུང་ཆུང་ལ་ཁ་ཡ་བྱེད་སྐབས་ཕྱིར་མངོན་ཉི་གཡབ་དང་ལག་འཇུར་བསྙེས་མི་རུང་།

2. གློག་བརྙན་དང་། བརྙན་འཕྲིན་ཟློས་གར། འགུལ་རིས་གློག་བརྙན་སོགས་ནང་གི“མཁའ་སྐྱོད་དཔའ་རྟུལ”གྱི་ཉེན་ཆེའི་བྱེད་སྟངས་ལ་ལད་མོ་བྱེད་རྒྱུ་མེད།

(གསུམ) སྲུབས་ཀར་མི་ཤོར་བ་བྱེད་དགོས།

1. རྐུབ་སྟེགས་ཀྱི་ལག་སྐྱོར་དང་། འབོལ་ཁྲིའི་སྲུབས་ཀ ཉི་གཡབ་ཀྱི་རྐུན་ཟོན་ལྕག་དྲ། གྱང་སྐོར་གྱི་སྲུབས་ཀ་སོགས་སུ་མགོ་བོ་བཙིར་སླ་བས་ཡིད་གཟབ་བྱེད་དགོས། གལ་ཏེ་གཟབ་གཟབ་མ་བྱས་པར་མགོ་བོ་བཙིར་ཚེ། དངངས་སྐྲག་ཆེན་པོས་འཕག་འཚག་མི་རྒྱག་པར་ལུས་པོ་བར་སྣང་དུ་མི་དཔྱང་བ་བྱེད་པ་དང་འབྲེལ། སྐྱོབ་མཁན་སྒུག་ནས་སྡོད་དགོས།

2. གལ་ཏེ་གཅུས་གཟེར་དང་། སྒོ་ལྕགས་ཀྱི་ཁུང་བུ། མཛུབ་དཀྲིས། ལྡེ་མིག་འདོགས་ཆས་སོགས་སུ་མཛུབ་མོ་དང་ཡང་ན་རྐང་མཛུབ་ཚུད་ཚེ་ཤུགས་བརྒྱབ་ནས་མི་འཐེན་པར་བཟའ་སྣུམ་དང་འདག་ཆུ་སོགས་ཀྱི་འཇམ་འདྲེད་ལ་བརྟེན་ནས་ག་ལེར་བཏོན་དགོས། གལ་ཏེ་སོ་སོས་བཏོན་མ་ཐུབ་ན། མྱུར་དུ་མི་རྒན་དང་ཡང་ན་ཉེན་རྟོག་པར་སྐྱོབ་རོགས་ཞུ་དགོས།

གཉིས་པ། མི་སྣ་འདུ་འཛོམས་ཆེ་ཁུལ་གྱི་བདེ་འཇགས།

1. མི་སྣ་འདུ་འཛོམས་ཆེ་སར་འགྲོ་སྐབས་བདེ་འཇགས་ཀྱི་ཐོན་སྒོ་ཡོད་ས་དང་ཁ་འགྲེམས་བགྲོད་ལམ་ལ་ལྟ་ཞིབ་ཡག་པོ་བྱས་ཏེ། མདའ་རྟགས་བཀོད་པའི་ཁ་འགྲེམས་ཁ་ཕྱོགས་བློ་ལ་བརྟན་པོར་ངེས་དགོས་པ་དང་། མེ་སྐྱོན་ལས་གཡོལ་སྐབས་གློག་སྐས་ལ་སྡོད་རྒྱུ་མེད།

2. མི་ཚོགས་ཁྲོད་ལྡོག་ཕྱོགས་སུ་སྐྱོད་མི་རུང་ལ་རྐེད་པ་བསྒུར་ནས་འཇུར་སྒྲོག་འཆིང་མི་རུང་།

3. མི་ཚོགས་ཁྲོད་ཁྱིམ་བདག་དང་ཁ་བྲལ་མི་རུང་། ཁྱིམ་ཚང་གི་སྡོད་གནས་དང་། དེ་བཞིན་ཕ་མའི་ཁ་པར་ཨང་གྲངས་དང་ལས་ཁུངས་ཀྱི་མིང་ཆ་ཚང་བློ་ལ་ངེས་དགོས།

གསུམ་པ། ཤོག་སྦག་གི་བདེ་འཇགས།

1. བྱིས་པས་ཤོག་སྦག་སྤོར་སྐབས་མི་རྒན་པས་ལྟ་དགོས་ལ་ཉེན་ཁ་ཅུང་ཆེ་བའི་ཤོག་སྦག་རིགས་སྤོར་དུ་འཇུག་རྒྱུ་མེད།

2. ཤོག་སྦག་བརྟན་པོར་བཞག་ནས་སྤོར་དགོས་པ་ལས་ལག་ཏུ་ཁྱེར་ནས་སྤོར་རྒྱུ་མེད།

3. ཤོག་སྦག་སྤོར་སྐབས་གལ་ཏེ་མེ་ཤི་བ་སོགས་རྒྱུན་གཏན་མིན་པའི་གནས་ཚུལ་ཐོན་ཚེ་ལམ་སེང་ཉེ་སར་བཅར་རྒྱུ་མེད། མེ་སྦར་མེད་པའི་ཤོག་སྦག་ཐེངས་གཉིས་པ་སྤོར་མི་རུང་། མེ་སྦར་ཟིན་པའི་ཤོག་སྦག་གིས་ཤོག་སྦག་གཞན་དག་སྤོར་རྒྱུ་མེད།

4. བུད་ཤིང་སྤུངས་སའི་ཉེ་འགྲམ་དུ་ཤོག་སྦག་སྤོར་མི་རུང་ལ། མི་ཚོགས་དང་། སྣུམ་འདྲེན་ལྕགས་མདོང་། ས་འོག་ཆུ་ལམ་སོགས་ལ་མེ་སྦར་བའི་ཤོག་སྦག་དབྱུགས་མི་རུང་།

(བོད་རང་སྐྱོང་ལྗོངས་མེ་ཟོན་རོགས་སྐྱོབ་སྤྱི་ཁྱབ་རུ་ཁག་གིས་མཁོ་འདོན་བྱས)

མུ་མཐུད་འགོད་རྒྱུ།