ཉེ་བའི་ལོ་ཤས་རིང་། རང་ལྗོངས་ཀྱིས་ཚོང་གཉེར་ཁོར་ཡུག་རྩེ་གྲ་གཏོད་རྒྱུར་རྒྱུན་མཐུད་ཤུགས་སྣོན་རྒྱག་པ་དང་། ཁེ་ལས་འཕེལ་རྒྱས་ལ་ཚོད་འཛིན་བཟོ་བ་དང་མང་ཚོགས་ཀྱི་ཚུར་སྣང་ལན་ཆ་ཆེ་བའི་མངོན་གསལ་དོད་པའི་གནད་དོན་ལ་དམིགས་པ། ཁྲོམ་རའི་བྱེད་པོའི་འཁོར་སྐྱོད་ལ་ཞབས་འདེགས་ཞུ་ནུས་རྒྱུན་ཆད་མེད་པར་ཆེ་རུ་གཏོང་བ། གཉེར་སྐྱོང་བྱེད་པོའི་ཁུར་པོ་ཡང་དུ་གཏོང་བ་དང་ཕན་འབྲས་ཆེ་རུ་གཏོང་བ་བཅས་བྱས་པས། ཚོང་གཉེར་ཁོར་ཡུག་ལེགས་གཏོང་གི་ལས་དོན་ལ་ཕན་འབྲས་བཟང་པོ་ཐོན་པ་མ་ཟད། ཚོང་གཉེར་ཁོར་ཡུག་འཛུགས་སྐྲུན་གྱི་སྤྱི་ཡོངས་ཀྱི་ཆུ་ཚད་ཕྱོགས་ཡོངས་ནས་མཐོ་རུ་ཕྱིན་ཡོད་པ་རེད།

ཁེ་ལས་ཀྱི“དཀའ་གནད”བསལ་ཏེ་སྲིད་དོན་ཞབས་ཞུའི་ཆུ་ཚད་སྤུས་འབྲས་ལེགས་གཉེར་ཡོང་བར་ཤུགས་སྣོན་བརྒྱབ་པ།

རང་ལྗོངས་ཀྱིས་ཁེ་ལས་དང་ངོ་ཐུག་གདོང་འཕྲད་ཀྱིས་འབྲེལ་གཏུག་བྱས་ནས་ཁེ་ལས་ཀྱི་དཀའ་གནད་བསལ་ཏེ་ཁེ་ལས་ལ་ཕན་པའི་སྲིད་ཇུས་དོན་འཁྱོལ་བྱས་པས་ཁེ་ལས་འཕེལ་རྒྱས་གཏོང་བའི་གདེང་ཚོད་ཆེ་རུ་སོང་ཡོད་པ་རེད།

ཆབ་མདོ་གྲོང་ཁྱེར་གྱིས“གཙང་གསུམ་རིག་ལྡན་ཁྲལ་བསྡུའི”ལས་སྟེགས་བསྐྲུན་པ་དང་། “སྤྲོ་སྤྲོའི་ཁྲལ་དོན་ཤར་གཏོང”གི་ཁྲལ་རིན་ཞབས་ཞུའི་སྤུས་རྟགས་བཏོད་ནས་ཁྲལ་འཇལ་མཁན་ལ་སྲིད་ཇུས་དྲིལ་བསྒྲགས་དང་ཟུར་ཁྲིད་བྱས་ཏེ་ཁེ་ལས་ཀྱིས་ཁྲལ་འཇལ་རྒྱུར་སྟབས་བདེ་བསྐྲུན་ཡོད་པ་རེད།

དེ་དག་ནི་ས་ཁུལ་དང་གྲོང་ཁྱེར་ཁག་གིས་ཁེ་ལས་ལ“དཀའ་གནད”སེལ་རོགས་བྱེད་པའི་བྱེད་ཐབས་ནུས་ལྡན་ཞིག་ཡིན་ལ། རང་ལྗོངས་ཀྱིས་ཚོང་གཉེར་ཁོར་ཡུག་རྩེ་གྲ་བསྐྲུན་པའི་བསྡུས་རིས་ཤིག་དེ་བས་རེད།

2024ལོའི་ལོ་མཇུག་ཏུ་སླེབས་རྗེས། རང་ལྗོངས་ཀྱི་གཞི་གཅིག་ཅན་གྱི་སྲིད་དོན་ཞབས་ཞུའི་ལས་སྟེགས་དེ་རྒྱལ་ཁབ་ཀྱི་པུའུ་ཨུད་25དང་། ཐད་སྐྲུན་ལས་སྒོའི་མ་ལག་60 ལས་སྒོའི་དོན་ཚན་220བཅས་དང་སྦྲེལ་མཐུད་བྱུང་ཡོད་པ་རེད།

—— “མང་ཤོས་སུའང་ཐེངས་གཅིག་ལས་རྒྱུག་མི་དགོས་པའི”དོན་ཚན་གྱིས་98.5%བཟུང་བ་དང“བརྒྱུད་རིམ་ཧྲིལ་པོའི་དྲ་སྒྲུབ”དོན་ཚན་གྱིས་75.02%བཟུང་ཡོད་པ་རེད།

—— སྲིད་གཞུང་སྡེ་ཚན་གྱི“རོ་རེངས་དྲ་ཚིགས”ཕྱོགས་ཡོངས་ནས་གཙང་སེལ་བྱས་པས་ད་ཆ་དྲ་ཐོག་ཏུསྲིད་གཞུང་དྲ་ཚིགས་324ཡོད་པ་དེ་དག་ཚང་མ་རྒྱུན་གཏན་གྱི་ལྟ་འདོམས་དང་དུས་ཚིགས་ཀྱི་འཐེན་བཤེར་ཁྱབ་ཁོངས་སུ་བཅུག་ཡོད་པ་རེད།

—— ལྗོངས་ཡོངས་སུ“དྲ་གཅིག”དང་མཐའ་སྣེ་ས་གནས(གྲོང་ཁྱེར)7ལ་ཁྱབ་པའི་སྤྱི་པའི་ཐོན་ཁུངས་ཉོ་ཚོང་གི་ཆ་འཕྲིན་མ་ལག་ལས་སྟེགས་བསྐྲུན་ནས་ཉོ་ཚོང་བྱེད་ཚད་7478ཟིན་པ་དང་ཉོ་ཚོང་གྲངས་འབོར་སྒོར་དུང་ཕྱུར་921.15ཟིན་ཡོད་པ་རེད།

—— སྒུལ་བདེའི་གྲངས་འཛིན་དཔང་ཡིག(ＣＡ)རྒྱལ་ཡོངས་སུ་ཕན་ཚུན་ཁས་ལེན་བྱེད་པའི་ལས་དོན་ལ་སྐུལ་འདེད་བཏང་སྟེ། རིམ་རྩིས་བརྒྱབ་ན། དམིགས་འཇོག་ཁག་ཐེག་ཡི་གེ་ཁྲི་15ལྷག་ཙམ་སྤྲད་པ་དང་བྱེད་པོ་30987ལ་ཞབས་འདེགས་ཞུས་ཡོད་ལ། ཁེ་ལས་ཀྱི་མ་དངུལ་བཟུང་སྤྱོད་སྒོར་དུང་ཕྱུར་270ལྷག་ཙམ་ཉུང་དུ་བཏང་ཡོད་པ་རེད།

མང་ཚོགས་ཀྱི“གནད་དོན”ཐག་གཅོད་བྱས་ནས་ཁྲོམ་ར་ཅན་གྱི་སྒྱུར་བཅོས་ལ་སྐུལ་འདེད་གཏིང་ཟབ་བཏང་བ།

མིག་སྔར། རང་ལྗོངས་ཀྱིས་ཆུ་གློག་སོལ་རླངས་དྲ་བ་བཅས་མཉམ་དུ་སྒྲིག་སྦྱོར་དང་ཁེ་ལས་ཁྲོམ་ཞུགས་ཀྱི་ཁྲིམས་མཐུན་སྒྲིག་མཐུན་གྱི་ཆ་འཕྲིན་ཞིབ་དཔྱད་སོགས“ནུས་ཆེའི་བྱ་བ་གཅིག་སྒྲུབ”མང་པོ་ཞིག་དྲ་ཐོག་ཏུ་སྤྱོད་རྒྱུར་སྐུལ་འདེད་ཧུར་ཐག་གཏོང་བཞིན་ཡོད་པ་རེད།

“ནུས་ཆེའི་བྱ་བ་གཅིག་སྒྲུབ”ཀྱི་སྐར་ཁུང་གིས་སྲིད་དོན་ཞབས་ཞུ་སྟབས་བདེ་ཅན་ལ་སྐུལ་འདེད་བཏང་བ་མ་ཟད། ལས་སྒྲུབ་ཁེ་ལས་དང་མང་ཚོགས་ལ་དེ་བས་སྟབས་བདེའི་ཞབས་འདེགས་ཞུས་ཏེ“མང་ཤོས་སུའང་ཐེངས་གཅིག་ལས་རྒྱུག་མི་དགོས་པའི”ཞབས་ཞུའི་དམིགས་ཚད་སྒྲུབ་ཐུབ་པ་བྱས་ཡོད།

2024ལོ་ཚུན། རང་ལྗོངས་ཀྱིས་ཁྲོམ་ར་ཅན་གྱི་སྒྱུར་བཅོས་ལ་སྐུལ་འདེད་གཏིང་ཟབ་གཏོང་བ་དང་། ཁེ་ལས་ཀྱི་འཕེལ་རྒྱས་ལ་ཚོད་འཛིན་བཟོ་བ་དང་མང་ཚོགས་ཀྱི་བསམ་འཆར་མང་བའི་མངོན་གསལ་དོད་པའི་གནད་དོན་ལ་དམིགས་ཏེ། རང་ཉིད་ལ་གནོན་ཤུགས་སྤྲོད་པ་དང་བྱ་སྤྱོད་ཧུར་ཐག་སྤེལ་བ་དང་ཁེ་ལས་ཀྱི་ལས་སྒྲུབ་བརྒྱུད་རིམ་ལེགས་སྒྲིག་བྱས་ཏེ་ཁྱབ་ཁོངས་ཁག་གི་ལྟ་འདོམས་བཅོས་སྐྱོང་ལས་དོན་ལ་ཤུགས་སྣོན་བརྒྱབ་ཡོད་པ་རེད།

ཁེ་ལས་ཀྱིས“དྲ་གཅིག་ཀུན་སྒྲུབ”དང་། “སྟབས་བདེ་ཀུན་སྒྲུབ” “སྟབས་བསྟུན་ཀུན་སྒྲུབ”བཅས་ཐུབ་པར་བྱས་ཏེ། 2024ལོར་གཉེར་སྐྱོང་བྱེད་པོ་དུད་ཚང་ཁྲི་2.77གྱི་བརྒྱུད་རིམ་སྟབས་བདེ་རུ་བཏང་བ་དང་། གསར་བཙུགས་ཁེ་ལས་ཀྱིས་བཙོངས་འཛིན་ཐོག་མར་ཞུ་ལེན་བྱེད་པའི་ལས་ཀའི་ཉིན་གྲངས་ཉིན་གཅིག་དང་ཕྱེད་ཀའི་བར་ཐུང་དུ་ཕྱིན་ཡོད། སྡེ་ཚན་གྱིས“སྐབས་བསྟུན་གཉིས”དང་མཉམ་འབྲེལ་བྱས་ཏེ་འཐེན་བཤེར་བྱས་པའི་ཁེ་ལས་ཀྱི་གྲངས་འབོར་གྱིས་འཐེན་བཤེར་བྱས་པའི་བསྡོམས་འབོར་གྱི་50.32%བཟུང་བ། “རིག་ལྡན་འགག་སྒོ་དང་། རིག་ནུས་མཐའ་མཚམས། རིག་ནུས་མཉམ་སྤྱོད་མཉམ་འབྲེལ”བཅས་བསྐྲུན་རྒྱུར་སྐུལ་འདེད་བཏང་བས་འགག་སྒོ་ནས་སྒྲོལ་བའི་བརྒྱུད་རིམ་སྔར་བས་སྟབས་བདེ་རུ་ཕྱིན་པ་དང་ཀྲུང་གོ་དང་ནེ་པ་ལའི་སྲོལ་རྒྱུན་མཐའ་མཚམས་ཉོ་ཚོང་ས་ཚིགས་13དངོས་སུ་སྒོ་ཕྱེ་ཡོད།

ཁྲོམ་རར“མཐུན་རྐྱེན”བསྐྲུན་ནས་ཚོང་གཉེར་ཁོར་ཡུག་ལས་དོན་གྱི་ཆུ་ཚད་རྒྱུན་ཆད་མེད་པར་མཐོ་རུ་བཏང་བ།

ད་ལོའི་ཟླ་1ཚེས་1ཉིན་ནས་བཟུང། རང་ལྗོངས་ཀྱིས《བོད་རང་སྐྱོང་ལྗོངས་ཀྱི་ཚོང་གཉེར་ཁོར་ཡུག་ལེགས་གཏོང་གི་སྲོལ་ཡིག》དངོས་སུ་ལག་བསྟར་བྱས་པ་རེད།

ཡིད་རྟོན་སྲིད་གཞུང་འཛུགས་སྐྱོང་དང་། ཁྲོམ་ར་དྲང་གཞག་སྒོ་དབྱེར་སྐུལ་འདེད། སྲིད་དོན་ཞབས་ཞུ་ལེགས་གཏོང་། རྒྱུ་རྐྱེན་གཙོ་བོ་འགན་སྲུང་འཐུས་ཚང་། ལྟ་འདོམས་བྱེད་སྟངས་གསར་གཏོད། ཁེ་ལས་ཀྱི་ཁེ་དབང་སྲུང་སྐྱོང་ལ་ཤུགས་སྣོན། སྲིད་ཇུས་དོན་འཁྱོལ་ལ་ཤུགས་སྣོན་སོགས་ཁྱབ་ཁོངས་ཁག་གི་ཚོང་གཉེར་ཁོར་ཡུག་འཛུགས་སྐྲུན་ལ་བླང་བྱ་ཞིབ་ཕྲ་བཏོན་ནས། ཚོང་གཉེར་ཁོར་ཡུག་ལེགས་གཏོང་གི་ཞིབ་ཕྲའི་སྲིད་ཇུས་དང་བྱེད་ཐབས་ཁྲིམས་སྲོལ་ལམ་ལུགས་སུ་སྒྱུར་བ་བྱས་ནས་གཉེར་སྐྱོང་བྱེད་པོའི་གདེང་ཚོད་སྔར་བས་ཆེ་རུ་བཏང་ཡོད་པ་རེད།

2024ལོ་ནས་བཟུང། རང་ལྗོངས་ཀྱི་ཚོང་གཉེར་ཁོར་ཡུག་རྒྱུན་མཐུད་ལེགས་སུ་ཕྱིན་པ་དང་བསྟུན་ནས་སྤྱི་དབང་ལམ་ལུགས་མིན་པའི་དཔལ་འབྱོར་འཕེལ་རྒྱས་གཏོང་བར་སྒུལ་ཤུགས་ཆེན་པོ་བསྣན་ཡོད། གྲངས་གཞི་ལས་མངོན་པར། 2024ལོར་ལྗོངས་ཡོངས་ཀྱི་སྤྱི་དབང་ལམ་ལུགས་མིན་པའི་དཔལ་འབྱོར་གྱི་བྱེད་པོ་ཁྲི་54.27ཟིན་ནས་དུས་མཚུངས་ལས་11.55%འཕར་བ་དེས་ལྗོངས་ཡོངས་ཀྱི་གཉེར་སྐྱོང་བྱེད་པོའི་97.43%བཟུང་ཡོད།