རྒན་མོ་དཔལ་མོའི་འདྲ་པར།

རྨོད་གཉའ་གཅོག་པའི་མཛད་སྒོར་རྒན་མོ་དཔལ་མོས（གཡོན་གྱི་གཉིས་པ）ཡུལ་མི་ཚོ་དང་མཉམ་དུ་སྒོར་གཞས་འཁྲབ་བཞིན་པ།

ལོ་95ལ་སླེབས་པའི་བོད་ལྗོངས་ལྷ་ས་གྲོང་ཁྱེར་ལྷུན་གྲུབ་རྫོང་གི་རྒན་མོ་དཔལ་མོས་བོད་ཀྱི་འཕོ་འགྱུར་ཆེན་པོར་དཔང་པོ་བྱས་ཡོད། སྔར་སོང་ལ་ཕྱིར་དྲན་བྱེད་སྐབས་རྒན་མོས“དེ་སྔའི་འཚོ་བ་ཧ་ཅང་སྐྱོ་པོ་རེད”ཅེས་མྱོང་ཚོར་ཟབ་མོས་བཤད།

བོད་རྙིང་པར། དཔལ་མོའི་འཚོ་བ་དཀའ་སྡུག་ཧ་ཅང་ཆེ་ཞིང་། ལོ་15ནས་བཟུང་དཔལ་མོ་ལྷུན་གྲུབ་རྫོང་གྲོང་ལ་ཁྲལ་རྒྱུག་པར་ཕྱིན་པ་རེད། སྐབས་དེ་དུས་ཁྲལ་འུ་ལག་ལྕི་བའི་ཁར་ཞིང་བྲན་བདག་པོའི་ས་ཞིང་འདེབས་དགོས་པ་མ་ཟད། ནམ་ཉིན་མཚན་མེད་པར་ལས་ཀ་བྱས་ན་མ་གཏོགས་རང་ཉིད་དང་ཕྲུ་གུ་གསོ་ཐབས་བྲལ། རྩམ་པ་དང་གྲོ་ཞིབ་སོགས་ཧ་ཅང་དཀོན་པ་དང་ལོ་གསར་ལ་གཞི་ནས་ལུག་ཤ་ཕྲན་བུ་ཟ་རྒྱུ་ཡོད། “གོས་གསར་པ་གྱོན་རྒྱུ་ནི་སྤྲོས་བྲལ་ཡིན་ཞིང་ཚང་མས་གྱོན་གོས་གཡར་རེས་བྱེད་ཀྱི་ཡོད། ལྷམ་གྱོན་རྒྱུ་མེད་པས་རྐང་རྗེན་མར་འགྲོ་དགོས་སྟབས་ཚེར་མ་ཟུག་ནའང་སྡུག་རུས་བྱ་རྒྱུ་ལས་མེད”ཅེས་དཔལ་མོས་མིག་ལ་མཆི་ཞག་འཁོར་བཞིན་དུ་བཤད།

1959ལོའི་ཟླ་3ཚེས་28ཉིན། བོད་ལ་དམངས་གཙོའི་བཅོས་སྒྱུར་བྱས་ནས“ཆོས་སྲིད་ཟུང་འབྲེལ”གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་རྦད་དེ་ཐལ་བའི་རྡུལ་དུ་བརླགས་པ་དང་། ཞིང་བྲན་ཁྲི་ཚོ་བརྒྱར་ཡར་ལངས་བཅིངས་འགྲོལ་ཐོབ་ནས་དཔལ་མོའི་འཚོ་བར་ཡང་སྐྱིད་པའི་ཉི་མ་ཤར་ཞིང་། ཁྱིམ་ལ་ས་ཞིང་དང་ནོར་ལུག་རག་ནས་འཚོ་བ་གསར་པ་ཞིག་སྐྱེལ་འགོ་ཚུགས། ད་ཆ་ཕྲུ་གུ་ཚོ་འཇོན་པོ་ཡོད་པས་ཁྱིམ་ཚང་གི་འཚོ་བ་ཉིན་རེ་ལས་མ་འདས་པར་སྐྱིད་དུ་འགྲོ་བཞིན་ཡོད་པ་རེད།