2024ལོར།　ཕྱི་རྒྱལ་གྱི་རིགས་གཅིག་མཁས་ཅན་100ལ་ཀྲུང་གོ་སྲིད་གཞུང་གི་མཛའ་གྲོགས་བྱ་དགའ་ཐོབ་ཅིང་།　འདི་ག་ཚགས་པར་གྱི་གསར་འགོད་པས་དེའི་ནང་གི་བྱ་དགའ་ཐོབ་མཁན་6ལ་བཅར་འདྲི་བྱས་ནས་ཁོང་ཚོ་དང་ཀྲུང་གོའི་དབར་གྱི་མཛའ་གྲོགས་གཏམ་རྒྱུད་ཤོད་ཀྱི་ཡིན།

འདི་ནི་ཏའེ་ཧོ་ཤོན་ཡིན་པ།　（བཅར་འདྲི་དང་ལེན་བྱེད་མཁན་གྱིས་པར་རིས་མཁོ་འདོན་བྱས།）

འདི་ནི་ཧྭ་ཁྲེན་པའོ་མ་ཀུང་སིའི་ཧྲེན་དབྱང་ཐོན་སྐྱེད་རྟེན་གཞིའི་སྤྱིའི་སྒྲིག་སྦྱོར་འཁོར་ཁང་གི་ཐོན་སྐྱེད་ཟིན་པའི་ནུས་རྒྱུ་གསར་པའི་རླངས་འཁོར་ཡིན་པ།　（ཧྭ་ཁྲེན་པའོ་མ་ཀུང་སིས་པར་རིས་མཁོ་འདོན་བྱས）

“མཛའ་གྲོགས་ནི་མི་དང་མིའི་དབར་གྱི་སྤེལ་རེས་ཤིག་ཡིན་པ་མ་ཟད།　འཛམ་གླིང་དེ་བས་མཛེས་སྡུག་ལྡན་པར་འགྱུར་བའི་སྟོབས་ཤུགས་ཤིག་ཀྱང་རེད”ཅེས་　2024ལོའི་ལོ་འཁོར་གྱི་ཀྲུང་གོ་སྲིད་གཞུང་གི་མཛའ་གྲོགས་བྱ་དགའ་སྤྲོད་པའི་མཛད་སྒོའི་ཐོག་འཇར་མན་ཧྭ་ཁྲེན་པའོ་མ་རླངས་འཁོར་ཚད་ཡོད་ཀུང་སིའི（གཤམ་དུ“ཧྭ་ཁྲེན་པའོ་མ”ཞེས་བསྡུ་རྒྱུ）ཙུང་ཚའེ་དང་དབུ་བཞུགས་ལག་བསྟར་དཔོན་གཅིག་ལྕོགས་ཏའེ་ཧོ་ཤོན་གྱིས་དེ་ལྟར་བརྗོད།

ལོ་10ལྷག་ཙམ་གྱི་གོང་ཏའེ་ཧོ་ཤོན་ལེའོ་ཉིང་ཧྲེན་དབྱང་དུ་ཐེངས་དང་པོ་ཡོང་ཞིང་།　སྐབས་དེ་དུས་ཧྭ་ཁྲེན་པའོ་མ་ཀུང་སིར་བཟོ་གྲྭ་གཅིག་ལས་མེད་པ་དང་།　ཉིན་ལྟར་རླངས་འཁོར་100ལས་ཐོན་སྐྱེད་བྱེད་ཐུབ་ཀྱི་མེད།　ད་ཆ།　ཧྲེན་དབྱང་དུ་པའོ་མ་ཚོགས་པའི་གོ་ལ་ཧྲིལ་པོའི་ཐོན་སྐྱེད་རྟེན་གཞི་ཆེ་ཤོས་ཡོད་པ་དང་།　གོ་ལ་ཧྲིལ་པོར་བཙོངས་པའི་པའོ་མ་རྟགས་ཅན་གྱི་རླངས་འཁོར་4རེའི་ནང་ནས་གཅིག་ནི“ཧྲེན་དབྱང་གིས་བཟོས་པ”ཡིན་པ་རེད།

ཏའེ་ཧོ་ཤོན་གྱི་སྣེ་ཁྲིད་འོག་ཧྭ་ཁྲེན་པའོ་མ་ཀུང་སིས་ལྗང་མདོག་བཟོ་སྐྲུན་ལ་ཚད་མཐོའི་མཐོང་ཆེན་བྱས་ནས་ཀྲུང་གོའི“ཐཱན་གཉིས”ཀྱི་དམིགས་ཚད་ལ་རྒྱབ་སྐྱོར་མཐའ་གཅིག་ཏུ་བྱས་ཡོད།　ཧྲེན་དབྱང་གི་ཐོན་སྐྱེད་རྟེན་གཞི་དང་དེ་བཞིན་རྒྱལ་ཡོངས་ཀྱི་ཐོན་སྐྱེད་བྱ་ཡུལ་མིན་པ་37གྱིས་བསྐྱར་སྐྱེ་ཐུབ་པའི་ནུས་རྒྱུའི་གློག་ཤུགས་100％སྤྱད་པ་དང་།　40％ཡན་གྱི་ལེའོ་ཉིང་གི་མཁོ་འདོན་ཚོང་པ་དང་།　རིམ་པ་དང་པོའི་སྒུལ་ཤུགས་ཧྲིལ་པོའི་གློག་རྫས་མཁོ་འདོན་ཚོང་པ།　ཧ་ཡང་ཧྲིལ་པོའི་འཕྲུལ་འཕང་མཁོ་འདོན་ཚོང་པ་བཅས་ཀྱིས་ལྗང་མདོག་གློག་ཤུགས་ཐོན་སྐྱེད་བྱེད་འགོ་ཚུགས་ཡོད།

ཏའེ་ཧོ་ཤོན་གྱིས།　ཀུང་སིས་རྒྱུན་ཆད་མེད་པར་གསར་གཏོད་བྱས་ཏེ་མཉམ་ལས་རོགས་ཟླ་ཀྲུང་གོ་བ་དང་གཉིས་ཁེ་གཉིས་ཕན་ཡོང་བར་བྱས་ནས།　ཀྲུང་གོའི་སྤྱི་ཚོགས་འཕེལ་རྒྱས་དང་ཁོར་ཡུག་སྲུང་སྐྱོང་ལ་ཕུགས་ཀྱི་རིན་ཐང་དེ་བས་མང་བ་གཏོད་ཀྱི་ཡིན་ཞེས་བརྗོད།