2025ལོའི་ཞིང་ལས་ཐོན་སྐྱེད་ཀྱི་འགོ་ཡག་པོ་འཛུགས་པ་དང་གོམ་སྟབས་ཡག་པོ་སྤོ་བར་ནུས་ཤུགས་ཡོད་རྒུས་འགན་ལེན་བྱ་ཆེད།　གཞིས་རྩེ་གྲོང་ཁྱེར་གྱིས་དཔྱིད་རྨོད་དཔྱིད་གྲབས་ཀྱི་ལས་དོན་ཁག་ལ་སྤྱི་འདོམས་སྐུལ་འདེད་བཏང་ཡོད།　ད་ལོ་གྲོང་ཁྱེར་ཡོངས་ཀྱི་ཞིང་ལས་ལོ་ཏོག་འདེབས་འཛུགས་རྒྱ་ཁྱོན་མུའུ་ཁྲི་139.67ཟིན་རྒྱུ་དང་འབྲུ་རིགས་དང་།　དཔལ་འབྱོར་ལོ་ཏོག　གཟན་ཆག་བཅས་ཀྱི་བསྡུར་ཚད་72：20：8བར་ལེགས་སུ་གཏོང་རྒྱུ་ཡིན་པའི་ནང་འབྲུ་རིགས་མུའུ་ཁྲི་100.09（ནས་མུའུ་ཁྲི་93.79དང་།　དཔལ་འབྱོར་ལོ་ཏོག་མུའུ་ཁྲི་28.48　གཟན་རྩྭ་དང་གཟན་ཆག་མུའུ་ཁྲི་11.09བཅས）འདེབས་རྒྱུ་ཡིན་པ་རེད།

ཞིང་སྤྱོད་རྒྱུ་ཆ་མཁོ་སྤྲོད་འདང་ངེས་ཡོང་བའི་འགན་ལེན་བྱ་ཆེད།　གཞིས་རྩེ་གྲོང་ཁྱེར་གྱིས་སོན་རྒྱ་མ་ཁྲི་3050གྲབས་གསོག་བྱས་པ་དང་ཕྱི་ནས་སོན་རྒྱ་མ་ཁྲི་318ནང་འདྲེན་བྱས་ནས་སྣ་མང་ཅན་གྱི་འདེབས་འཛུགས་དགོས་མཁོ་བསྐངས་ཡོད།　ཁྱིམ་ལུད་ཏུན་ཁྲི་198གསོག་རྒྱུ་དང་རྫས་ལུད་ཏུན་ཁྲི་2.228དང་རྒྱུན་སྲོལ་ཞིང་སྨན་ཏུན་167.32ཉོ་རྩིས་ཡོད་པ་མ་ཟད།　ཟླ་3པའི་ཚེས་20ཉིན།　འོས་སྐུལ་ལེགས་གྲུབ་བྱ་རྒྱུ་རེད།　རང་སྐྱོང་ལྗོངས་དང་།　གྲོང་ཁྱེར།　རྫོང་བཅས་རིམ་པ་གསུམ་གྱིས་མ་དངུལ་སྒོར་ཁྲི་2329བསྡུ་སྒྲིལ་བྱས་ནས་ཚོང་ཟོག་སྐྱེ་ལྡན་ལུད་ཏུན་ཁྲི་2.5ཐོལ་པ་ཉོ་སྒྲུབ་བྱས་ནས་ས་རྒྱུའི་གཤིན་ནུས་སྔར་བས་འགན་ལེན་བྱེད་རྩིས་ཡོད་པ་དང་།　རྫོང（ཆུས）ཁག་གིས་དུས་མཉམ་དུ་རང་བདག་གིས་རྫས་ལུད་ཏུན་42དང་སྐྱེ་ལྡན་ལུད་ཏུན་227ཉོ་སྒྲུབ་བྱས་ནས་རིམ་མང་མཉམ་འགུལ་གྱི་མཁོ་སྤྲོད་འགན་ལེན་མ་ལག་ཆགས་པར་བྱ་རྒྱུ་རེད།

གཞན་ཡང་།　ཞིང་ལས་དེང་རབས་ཅན་གྱི་དམིགས་ཚད་ལ་དམིགས་ནས།　2025ལོར་ཚད་གཞི་མཐོ་བའི་ས་ཞིང་འཛུགས་སྐྲུན་ལས་འགན་མུའུ་ཁྲི་8.83ཐོག་མར་ལག་བསྟར་བྱེད་འགོ་ཚུགས་པ་དེ་བསམ་གྲུབ་རྩེ་ཆུས་དང་རྒྱལ་རྩེ་རྫོང་སོགས་རྫོང（ཆུས）4ཡི་རྣམ་གྲངས་8དང་འབྲེལ་བ་ཡོད་པ་རེད།　རྣམ་གྲངས་བསྐྲུན་རྗེས།　ས་ཞིང་གི་གེགས་འགོག་ནུས་པ་དང་ཕྱོགས་བསྡུས་ཐོན་འབབ་མངོན་གསལ་དོད་པོས་ཆེ་རུ་ཕྱིན་ནས་འབྲུ་རིགས་ལ་ཐོན་འབབ་བརྟན་པོ་ཡོང་བར་རྨང་གཞི་འདིང་རྒྱུ་རེད།