ས་བོན་རྐང་གཅིག་འདེབས་པ་དང་། ལྕང་སོན་གཅིག་ལ་གཡོག་བྱེད་བྱེད་པ། སྐྱེ་དངོས་རིགས་གཅིག་ལ་རྒྱུས་ལོན་བྱེད་པ་བཅས་བརྒྱུད་སྐྱེ་ཁམས་ཤེས་དཔལ་གྱི་འདུ་ཤེས་སློབ་མའི་སེམས་སུ་གཏིང་ཟབ་ཟུག་པར་བྱས་པ་རེད།

ཉེ་བའི་ལོ་ཤས་རིང་། གྲོང་ཤར་ཆུས་སློབ་གསོ་ཅུས་ཀྱིས་སློབ་གྲྭའི་བསམ་བློ་ཆབ་སྲིད་སློབ་ཚན་ནང་སྐྱེས་ཁམས་ཤེས་དཔལ་གྱི་ནང་དོན་བཅུག་ནས་སློབ་མ་ཚོར“རི་སྔོན་ཆུ་དྭངས་གསེར་དངུལ་རི་ལས་ལྷག་པའི”འདུ་ཤེས་བརྟན་པོ་འཛུགས་པར་ཁྲིད་སྟོན་བྱས་པ་རེད།

ས་བོན་ཞིག་མྱུ་གུ་འབུས་པ་མཐོང་སྐབས་ཕྲུ་གུ་ཚོར་ཤུཌ་རྐྱེན་ཅི་ཞིག་ཐེབས་སྲིད་དམ།

མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྲོང་ཤར་ཆུས་ཀྱི་ལི་སྡོང་ཐང་ཆེན་དུ་མི་ཚོགས་ཀྱིས་ཁེངས་ཤིང་། “སྐེ་དར་དམར་པོ”བཏགས་པའི་སློབ་ཆུང་སློབ་མ་ཚོ་དེ་བས་མངོན་གསལ་དོད་པར་སྣང་། ཟི་ལིང་གྲོང་ཁྱེར་པོ་ཡོན་སློབ་གྲྭའི་ལོ་རིམ་གཉིས་པའི་སློབ་མ་ཚོས་རང་ཉིད་ཀྱིས་བཏབ་པའི་ཉི་མ་མེ་ཏོག་གི་མྱུ་གུ་ཉེ་འགྲམ་གྱི་ལུས་སྦྱོང་བྱེད་བཞིན་པའི་རྒན་རྒོན་དང་ཚོང་པ་ཚོར་སྤྲད་དེ། “འདི་ནི་ང་ཚོས་གསོས་པའི་ཉི་མ་མེ་ཏོག་གི་མྱུ་གུ་ཡིན་པས། ཁྱེད་རང་ལ་ཉི་མ་མེ་ཏོག་ལྟ་བུའི་འཛུམ་མདངས་སྦྱིན་རྒྱུའི་རེ་བ་ཡོད”ཅེས་བཤད།

སློབ་འགོ་ཚུགས་མ་ཐག ཕྲུ་གུ་ཚོས་དགེ་རྒན་གྱི་མཛུབ་ཁྲིད་འོག་ཤེལ་དམ་དང་ལྕགས་ཀྲིན་རྙིང་པའི་ནང་ས་བླུགས་པ་དང་ཆུ་བརྒྱབ་ནས་ཉི་མ་མེ་ཏོག་གི་ས་བོན་བཏབ་པ་རེད། ཕྲུ་གུ་ཚོའི་གཡོག་བྱེད་ཞིབ་ཚགས་འོག ཁོང་ཚོས་རེ་སྒུག་བྱས་པའི་ས་བོན་ལ་མྱུ་གུ་འབུས། པོ་ཡོན་སློབ་གྲྭའི་སློབ་སྤྱི་གཞོན་པ་ཏེང་ཅིན་ཞ་ཡིས“འདི་ནི་ང་ཚོའི་བསམ་བློ་ཆབ་སྲིད་སློབ་ཚན་གྱི་ནང་དོན་གྱི་གྲས་ཤིག་རེད། ས་བོན་རྐང་གཅིག་འདེབས་པ་དང་། ལྕང་སོན་གཅིག་ལ་གཡོག་བྱེད་བྱེད་པ། སྐྱེ་དངོས་རིགས་གཅིག་ལ་རྒྱུས་ལོན་བྱེད་པ་བཅས་བརྒྱུད་སྐྱེ་ཁམས་ཤེས་དཔལ་གྱི་འདུ་ཤེས་སློབ་མའི་སེམས་སུ་གཏིང་ཟབ་ཟུག་པར་བྱས་ཡོད”ཅེས་བཤད།

མཚོ་སྔོན་གྱི་རིན་ཐང་ཆེ་ཤོས་ནི་སྐྱེ་ཁམས་དང་འགན་འཁྲི་ཆེ་ཤོས་ནི་སྐྱེ་ཁམས་ཡིན་པ་མ་ཟད། མངོན་མེད་སྟོབས་ཤུགས་ཆེ་ཤོས་ཀྱང་སྐྱེ་ཁམས་རེད། ཉེ་བའི་ལོ་ཤས་རིང་། གྲོང་ཤར་ཆུས་སློབ་གསོ་ཅུས་ཀྱིས་སློབ་གྲྭའི་བསམ་བློ་ཆབ་སྲིད་སློབ་ཚན་ནང་སྐྱེས་ཁམས་ཤེས་དཔལ་གྱི་ནང་དོན་བཅུག་ནས་སློབ་མ་ཚོར“རི་སྔོན་ཆུ་དྭངས་གསེར་དངུལ་རི་ལས་ལྷག་པའི”འདུ་ཤེས་བརྟན་པོ་འཛུགས་པར་ཁྲིད་སྟོན་བྱས་པ་རེད། པོ་ཡོན་སློབ་གྲྭའི་བསམ་བློ་ཆབ་སྲིད་སློབ་དཔྱོད་ཚོགས་ཆུང་གི་ཙུའུ་ཀྲང་མོང་ཅོན་གྱིས་སློབ་གྲྭས་སྐྱེ་ཁམས་བསམ་བློ་ཆབ་སྲིད་སློབ་གསོའི་རྟེན་གཞི་བསྐྲུན་པ་དེ་ཚེ་སྲོག་སློབ་གསོ་དང་། ཁོར་ཡུག་སྲུང་སྐྱོང་གི་ལག་ལེན་བྱང་ཚད། ཁོར་ཡུག་སྲུང་སྐྱོང་དར་སྤེལ་བྱེད་སྒོ་སོགས་སུ་དབྱེ་ཡོད། མིག་སྔའི་བར། སྐྱེ་ཁམས་སློབ་གསོའི་སློབ་སྦྱོང་བྱེད་སྒོ་རིམ་རྩིས་བརྒྱབ་ན་དུས་ཐེངས་80ལྷག་ཙམ་སྤེལ་བར་སློབ་མ་མི་ཐེངས་5000ཙམ་ཞུགས་ཡོད་པ་རེད།

གྲོང་ཤར་ཆུས་བརྒྱད་གཅིག་ལམ་སློབ་ཆུང་གི་སློབ་ཁྲིད་ཐོག་ཁང་གཉིས་ཀྱི་འབྲེལ་མཐུད་བར་ཁྱམས་སུ་མེ་ཏོག་དང་རྩྭ་རྩི་ཤིང་གིས་ཁེངས་ཤིང། འདི་གར་ནི་སློབ་མ་ཚོའི“གསང་བའི་རྟེན་གཞི”རེད།

ཆུ་སྦུག་ཕྲ་མོ་ཞིག་ཁང་པའི་ཐོག་ཏུ་བཟོས་པའི་མིས་བཟོས་ཉ་གསོའི་ཤེལ་སྒམ་ནང་ཁྲིད་ཡོད་པ་དང་། མཐོ་ས་ནས་དམའ་སར་འདྲ་བཟོའི་འདམ་རའི་ནང་གི་ཆུ་གསོའི་རྩི་ཤིང་དུ་རྒྱུག་པ་དང་། དྭངས་བསིང་ཕྱེ་ནས་གཙང་མ་ཆགས་རྗེས་། ཆུ་འཐེན་མ་ལག་བརྒྱུད་སླར་ཡང་ཉ་གསོའི་ཤེལ་སྒམ་དུ་འཐེན་གྱི་ཡོད། མིག་ལམ་དུ་འཆར་བའི་འདྲ་བཟོའི“འདམ་ར”ནི“དགེ་སློབ་ཚོས་མཉམ་དུ་ཇུས་འགོད་བྱས་ནས་བཟོས་པ་ཞིག་རེད། དེ་ཐོག་ནས་ཕྲུ་གུ་ཚོས་འདམ་རའི་ནུས་པ་ཤེས་རྟོགས་ཐུབ་པ་དང་སྐྱེ་ཁམས་མ་ལག་རེག་ཚོར་ཐུབ་པའི་རེ་བ་ཡོད”ཅེས་མཛུབ་ཁྲིད་དགེ་རྒན་ཀྲའོ་ཅེ་ཡིས་བཤད།

འདྲ་བཟོའི་འདམ་རའི་སྐྱེ་ཁམས་མ་ལག་ཕུད། ཀྲའོ་ཅེ་ཡིས་ད་དུང་སློབ་མ་སྒྲིག་འཛུགས་བྱས་ཏེ་རང་བྱུང་སྤྲོ་འཕེལ་ཚོགས་ཆུང་བཙུགས་ནས་ཚང་མའི་སྣེ་ཁྲིད་དེ་སྲོག་ཆགས་ཆུང་ཆུང་ཁག་གཅིག་གསོས་པ་རེད། ཀྲའོ་ཅེ་ཡིས“ང་ཚོས་ཕྲུ་གུ་ཚོར་ཉེ་འཁོར་གྱི་རང་བྱུང་ཁམས་ལ་ལྟ་ཞིབ་བྱས་ནས་དེའི་ནང་འདུས་པའི་རང་བྱུང་གི་ཆོས་ཉིད་དང་མཛེས་རིག་གི་སྙིང་སྟོབས་ཤེས་རྟོགས་ཐུབ་པར་བྱེད་དགོས་པའི་སྐུལ་མ་གཏོང་གི་ཡོད”ཅེས་བཤད།

དབྱིངས་ཞུགས་རྣམ་པ་དང་ཉམས་ལེན་རྣམ་པའི་ས་གནས་ས་ཐོག་གི་བསམ་བློ་ཆབ་སྲིད་སློབ་ཚན་གྱིས་བྱིས་པ་ཚོས་རང་བྱུང་དང་འབྲེལ་འདྲིས་བྱས་ཏེ“རང་བྱུང་ཁམས་ལ་བརྩི་འཇོག་དང་། རང་བྱུང་ཁམས་དང་མཐུན་པ། རང་བྱུང་ཁམས་ལ་སྲུང་སྐྱོང་བཅས་བྱེད་པའི”དོན་སྙིང་ལ་རྒྱུན་ཆད་མེད་པར་བསམ་གཞིག་བྱེད་དུ་འཇུག་གི་ཡོད། “རྗེས་སུ་ང་ཚོས་བྱེད་པོ་སྣ་མང་དང་། རིམ་པ་མང་བ། རྣམ་པ་ཕུན་སུམ་ཚོཌ་པ་བཅས་ཀྱི་སྐྱེ་ཁམས་ཤེས་དཔལ་གྱི་བསམ་བློ་ཆབ་སྲིད་སློབ་ཚན་མ་ལག་ཧུར་ཐག་བཏོད་དེ། སློབ་ཚན་གྱི་ཐོན་ཁུངས་འཛུགས་སྐྱོང་དང་གྲུབ་འབྲས་མཉམ་སྤྱོད་ལ་སྐུལ་འདེད་གཏོང་རྒྱུ་དང་འབྲེལ། དེང་རབས་ཆ་འཕྲིན་ལག་རྩལ་ཧུར་ཐག་སྤྱད་དེ་སློབ་ཚན་སློབ་ཁྲིད་དང་སློབ་མ་ཞུགས་པའི་རྣམ་པ་ཕུན་སུམ་ཚོགས་སུ་བཏང་ནས་སྐྱེ་ཁམས་ཤེས་དཔལ་སློབ་གསོའི‘བརྩེ་སེམས་དང་། ངོས་འཛིན། བློ་སྟོབས། བྱ་སྤྱོད’བཅས་གཅིག་གྱུར་ཡོང་བར་འབད་བརྩོན་བྱེད་ཀྱི་ཡིན”ཞེས་གྲོང་ཤར་ཆུས་སློབ་གསོ་ཅུས་ཀྱི་འབྲེལ་ཡོད་འགན་འཁུར་བས་བཤད།