པོ་ཨའོ་ཨེ་ཤེ་ཡའི་གླེང་སྟེཌ་ཀྱི་2025ལོའི་ལོ་ཚོགས·ཕྱིར་སྡོད་ཀྲུང་གོ་བའི་ཚོང་པའི་དབུ་འཛིན་དང་ཀྲུང་གོ་བའི་རིག་མཛོད་གྲལ་སྒོར་ཚོགས་འདུ་ཚེས་26ཉིན་ཧའེ་ནན་པོ་ཨའོ་རུ་འཚོགས་པ་རེད།

ད་ཐེངས་ཀྱི་ཚོགས་འདུ་རྒྱལ་སྲིད་སྤྱི་ཁྱབ་ཁང་ཕྱིར་སྡོད་རང་མིའི་ལས་དོན་གཞུང་ལས་ཁང་གིས་གཙོ་གཉེར་བྱས་པ་དང་། “འཕོ་འགྱུར་ལ་བརྟེན་ནས་རྣམ་པ་གསར་པ་གཏོད་པ་དང་འཕེལ་རྒྱས་ལ་བརྟེན་ནས་འབྱུང་འགྱུར་གཏོད”ཅེས་པ་བརྗོད་དོན་གཙོ་བོར་བྱས་ཤིང་། རྒྱལ་ཁབ་དང་ས་ཁུལ་15ནས་ཡོང་བའི་ཕྱིར་སྡོད་ཀྲུང་གོ་བའི་ཚོང་པའི་འཐུས་མི་23དང་། དམངས་གཉེར་ཁེ་ལས་མཁས་ཅན། རིག་མཛོད་ཀྱི་རིགས་གཅིག་མཁས་ཅན་བཅས་ཀྱིས“ཀུན་ཕན་བསྟུན་མཁས་ཀྱི་དཔལ་འབྱོར་གོ་ལ་ཅན། ཕྱིར་སྡོད་ཀྲུང་གོ་བའི་ཚོང་པའི་གོ་སྐབས་དང་འགྲན་སློང”དང་། “ཐོན་སྐྱེད་ནུས་ཤུགས་གསར་མ་དང་ཀྲུང་གོའི་ལུཌ་ཀྱི་དེང་རབས་ཅན”“དམངས་སེམས་འབྲེལ་མཐུད་ལ་སྐུལ་འདེད་བཏང་ནས་ཨེ་ཤེ་ཡའི་ལས་དབང་གཅིག་མཐུན་ཚོགས་པ་གཏོད”ལ་སོགས་པའི་གྲོས་གཞིར་སྤེལ་རེས་བགྲོ་གླེང་བྱས་པ་རེད།

ཚོགས་ཞུགས་སྐུ་མགྲོན་ཚོས་ཀྲུང་གོས་སྤུས་ཚད་མཐོ་བའི་འཕེལ་རྒྱས་དང་ཆུ་ཚད་མཐོ་བའི་སྒོ་དབྱེར་བློ་བརྟན་འགྱུར་མེད་ངང་སྐུལ་འདེད་བཏང་བ་ལས། རྒྱལ་ཁབ་ཁག་གི་ཁེ་ལས་ལ་གོ་སྐབས་གསར་པ་ཐོབ་སྟེ་ཀྲུང་གོར་མ་འཇོག་བྱས་ནས་མ་འོངས་འཆར་གཞི་འདིང་ཐུབ་ལ། གཉིས་ཁེ་གཉིས་ཕན་ཁྲོད་འཕེལ་རྒྱས་དེ་བས་ཆེ་བ་མངོན་འགྱུར་དང་མཛེས་སྡུག་ལྡན་པའི་འབྱུང་འགྱུར་གཏོད་རྒྱུ་ཡིན་པའི་ངོས་འཛིན་བྱས་པ་རེད།