ཧོང་ཏུ་ར་སིའི་ཕྱི་འབྲེལ་པུའི་པུའུ་ཀྲང་གིས་བརྗོད་དོན།
ཧོང་ཀྲུང་མཉམ་ལས་ཀྱིས་ཧོང་ཏུ་ར་སིའི་མི་དམངས་ལ་བདེ་སྐྱིད་སྐྲུན་པ།
ཚེས་24ཉིན་ཧོང་ཏུ་ར་སིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཡུས་པོ་ཡིས་ཧོང་ཏུ་ར་སིའི་ཕྱི་འབྲེལ་པུའི་པུའུ་ཀྲང་ལེ་ནཱ་དང་ལྷན་དུ་ཀྲུང་གོས་ཧོང་ཏུ་ར་སིར་རོགས་སྐྱོར་བྱེད་རྒྱུའི་འབྲེལ་ཡོད་དངོས་རྫས་རྣམ་གྲངས་ཀྱི་གྲ་སྒྲིག་རང་བཞིན་གྱི་ལག་རྩལ་ཞིབ་འཇུག་གི་བརྗེ་ཡིག་ལ་མིང་རྟགས་བཀོད་པ་རེད།
ལེ་ནཱ་ཡིས་ཧོང་ཏུ་ར་སི་ཕྱོགས་ནས་ཀྲུང་གོ་གཅིག་གི་རྩ་དོན་ལ་བརྩི་སྲུང་ནན་པོ་ཞུ་རྒྱུ་ཡིན། ངས་ཧོང་ཏུ་ར་སིའི་ཙུང་ཐུང་ཁ་སི་ཐེ་ལུའོ་ཡི་ཚབ་ཞུས་ནས་ཀྲུང་གོ་ཕྱོགས་ཀྱིས་ཧོང་ཏུ་ར་སིའི་སྤྱི་ཚོགས་དང་དཔལ་འབྱོར་འཕེལ་རྒྱས་ལ་རྒྱབ་སྐྱོར་ཤུགས་ཆེན་གནང་བར་ལྷག་བསམ་ཟོལ་མེད་ངང་ཐུགས་རྗེ་ཆེ་ཞུ་རྒྱུ་ཡིན་ལ། རྒྱལ་ཁབ་གཉིས་པོའི་དབར་ཕྱི་འབྲེལ་བཙུགས་ནས་ལོ་གཉིས་རིང་ཐོབ་པའི་མཉམ་ལས་ལ་གཡུར་དུ་ཟ་བའི་གྲུབ་འབྲས་ཐོབ་པར་ཚད་མཐོའི་གདེང་འཇོག་ཀྱང་བྱ་རྒྱུ་ཡིན། འབྲེལ་ཡོད་རྣམ་གྲངས་ཐད་ཧོང་ཏུ་ར་སི་ཕྱོགས་ཀྱིས་དོ་ཁུར་བྱེད་པའི་ཐོན་སྐྱེད་དང་དམངས་འཚོའི་ཁྱབ་ཁོངས་གལ་ཆེན་ལ་དམིགས་ཏེ། ཧོང་ཏུ་ར་སིའི་མི་དམངས་ལ་བདེ་སྐྱིད་དེ་བས་མང་པོ་བསྐྲུན་ནས་ཧོང་ཀྲུང་མཉམ་ལས་ཀྱི་འབྲེལ་ཐག་སྔར་བས་བརྟན་དུ་གཏོང་རྒྱུ་ཡིན་ཞེས་བརྗོད།
ཡུས་པོ་ཡིས། ཀྲུང་ཧོང་གིས་ཀྲུང་གོ་གཅིག་གི་རྩ་དོན་གྱི་རྨང་གཞིའི་ཐོག་ཕྱི་འབྲེལ་བཙུགས་ནས་ལོ་གཉིས་རིང་རྒྱལ་ཁབ་གཉིས་པོའི་གཙོ་བདག་གི་འཐབ་ཇུས་མཛུབ་ཁྲིད་འོག ཕྱོགས་གཉིས་པོའི་འབྲེལ་བ་ཆུ་ཚད་མཐོ་པོ་དང་ཤུགས་ཚད་ཆེན་པོས་འགོ་ཚུགས་ནས་ཁྱབ་ཁོངས་ཁག་གི་དངོས་སྒྲུབ་མཉམ་ལས་ལ་ཕན་འབྲས་མངོན་གསལ་དོད་པོ་ཐོབ་ལ། རྒྱལ་ཁབ་གཉིས་དང་རྒྱལ་ཁབ་གཉིས་པོའི་མི་དམངས་ལ་བདེ་སྐྱིད་ཀྱང་བསྐྲུན་ཡོད། ཀྲུང་གོ་ཕྱོགས་ཀྱིས་ཧོང་ཏུ་ར་སིའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རྒྱབ་སྐྱོར་གང་ཐུབ་ཅི་ཐུབ་བྱས་ཏེ་ཀྲུང་ཧོང་མཛའ་གྲོགས་མི་སེམས་སུ་གཏིང་ཟབ་ཟུག་པར་བྱས་ནས། ཐུན་མོང་ཐོག་འཕེལ་རྒྱས་ཡོང་བར་སྐུལ་འདེད་གཏོང་འདོད་ཡོད་ཅེས་བརྗོད།