སོལ་རླངས་འབར་གས་ནི་རྒྱུན་དུ་ཐོན་པའི་ཁྱིམ་ཚང་གི་ལས་འཛོལ་ཞིག་ཡིན་པས། འབར་གས་ཡུད་ཙམ་ཡིན་རུང་མིའི་ཚེ་སྲོག་བདེ་འཇགས་ལ་གནོད་འཚེ་ཚབས་ཆེན་བཟོ་གི་ཡོད།

གཅིག སོལ་རླངས་ཤོར་ཡོད་མེད་དབྱེ་བ་འབྱེད་ཐབས།

1.དྲི་མ་སྣོམ་པ། སོལ་རླངས་ནང་དྲི་ངན་གྱི་སྦྱོར་རྫས་བསྲེས་ཡོད་པས། སྒོ་ང་རུལ་བའི་དྲི་མ་ཁ་ཚེ་སོལ་རླངས་ཤོར་བཟོ་ཡོད་པ་གསལ་བཤད་བྱེད་ཐུབ།

2.དག་ཁུ་བྱུག་པ། སོལ་རླངས་ཤོར་ཉེན་ཆེ་བའི་སར(འགྱིག་སྦུག་དང་། མཐུད་སྣེ། མདོང་ལམ་སོགས)དག་ཁུ་བྱུག་དགོས། གལ་ཏེ་སོལ་རླངས་ཤོར་ཡོད་ཚེ་དག་ཁུར་ལྦུ་བ་འདོན་སྲིད།

3.སོལ་རླངས་ཀྱི་ཆུ་ཚོད་ལ་ལྟ་དགོས། གལ་ཏེ་སོལ་རླངས་བེད་སྤྱོད་བྱས་མེད་ཀྱང་། སོལ་རླངས་ཀྱི་ཆུ་ཚོད་འགུལ་སྐྱོད་བྱས་ཚེ། སོལ་རླངས་ཤོར་བ་གསལ་བཤད་བྱེད་ཐུབ།

གཉིས། གནས་ཚུལ་གང་འདྲ་ཞིག་གི་འོག་ཏུ་སོལ་རླངས་འབར་གས་འབྱུང་སྲིད་དམ།

རྒྱུན་གཏན་ནས་བརྗོད་ན། སོལ་རླངས་འབར་གས་བྱུང་ནས་མེ་ཤོར་སླ་བའི་རྒྱུ་རྐྱེན་གསུམ་ཡོད་པ་སྟེ།

1.སོལ་རླངས་ཤོར་བ། སོལ་རླངས་གཙོ་བོ་མཐུད་ས་དང་། སོལ་རླངས་ཀྱི་མཉེན་སྦུག སྟེམ་སྒོ་བཅས་ནས་ཤོར་གྱི་ཡོད།

2.འབར་གས་ཀྱི་གར་ཚད་ལ་སླེབས་པ། གལ་ཏེ་མཁའ་རླུང་ཁྲོད་འབར་རུང་བའི་རླངས་པའི་གར་ཚད་ཆེས་མཐོ་པོའམ་ཆེས་དམའ་པོ་ཡོད་ཚེ་འབར་མི་སྲིད། ཡིན་ནའང་གར་ཚད་དེ་ཆེད་དམིགས་ཀྱི་འབར་གས་ཀྱི་གར་ཚད་ལ་སླེབས་ནས་མེ་ཁུངས་དང་འཕྲད་ཚེ་འབར་གས་ཐོན་སྲིད།

3.མེ་ཚག་དང་འཕྲད་པ། འབར་གས་ཀྱི་གར་ཚད་ཁྱབ་ཁོངས་སུ་གནས་པ་དཔེར་ན་བསད་སྤར་ནས་ཐོན་པའི་མེ་ཚག་དང་། འཇཌ་གློག་ལས་བྱུང་བའི་མེ་ཚག མེ་བསད་མེད་པའི་ཐ་མག་གི་རོ་ཏོ་བཅས་དང་འཕྲད་ན་འབར་གས་ཐོན་སྲིད།

གསུམ། སོལ་རླངས་བདེ་འཇགས་ཐད་ཀྱི“དྲན་སྐུལ་བརྒྱད”

1.ཚད་ལོན་གྱི་སོལ་རླངས་ཐབ་དང་། འགྱིག་སྦུག རླངས་སྣོད། གནོན་ཤུགས་སྙོམས་ཆས་ཀྱི་སྟེམ་སྒོ་སོགས་ཉོ་བ་དང་མེ་རང་བཞིན་གྱིས་ཤི་བའི་ནུས་པ་ལྡན་པའི་ཐབ་སྤྱོད་དགོས།

2.སོལ་རླངས་ཀྱི་སྦུག་ལམ་དང་ཐབ་སོགས་ཀྱི་སྒྲིག་བཀོད་རང་དགར་བཟོ་བཅོས་རྒྱག་མི་རུང་། རླངས་སྣོད་བརྗེ་སྐབས་སྦུག་ལམ་དང་མཐུད་ཡག་པོ་རྒྱག་དགོས་པ་མ་ཟད་སོལ་རླངས་ཤོར་མིན་ཐད་ཞིབ་བཤེར་ཡང་བྱེད་དགོས།

3.སོལ་རླངས་ཀྱི་ཆུ་ཚོད་དང་ཆུ་ཚ་པོ་བཟོ་ཆས་སོགས་སོལ་རླངས་ཀྱི་སྒྲིག་བཀོད་དང་ཞོར་གཏོགས་ཀྱི་མདོང་ལམ་ལ་ཐུམ་རྒྱག་མི་རུང་། སོལ་རླངས་ཀྱི་སྒྲིག་བཀོད་ཐོག་ཅ་ལག་བསྡམས་པ་དང་འགེལ་བ་སོགས་བྱེད་མི་རུང་།

4.སོལ་རླངས་སྤྱོད་སའི་ཁང་པའི་སྒོ་དང་སྒེའུ་ཁུང་ཕྱེ་ནས་རླུང་འགྲོ་ཐུབ་པ་དང་། ཁ་ལག་བཟོ་བ་དང་ཆུ་སྐོལ་སྐབས་ལྟ་མཁན་ཡོད་པ་བྱས་ནས་སོལ་རླངས་མི་ཤོར་བ་བྱེད་དགོས།

5.སོལ་རླངས་བེད་སྤྱོད་བྱས་རྗེས་རླངས་སྣོད་ཀྱི་སྟེམ་སྒོ་དང་། མདོང་ལམ་དང་མཉེན་སྦུག་སྦྲེལ་མཐུད་ཀྱི་སྟེམ་སྒོ ཐབ་ཆས་ཀྱི་བསད་སྤར་བཅས་བཀག་དགོས།

6.ཐབ་ཚང་གི་སོལ་རླངས་ཀྱི་འགྱིག་སྦུག་རྙིང་པ་ཆགས་པ་དང་དམ་པོ་ཡོད་མེད་ལ་ལྟ་དགོས། ཕུགས་ཤོར་བ་ཤེས་ཚེ་ཆེད་ལས་མི་སྣ་སྐད་བཏང་ནས་ཉམས་བཟོ་དང་བརྗེ་པོ་རྒྱག་དགོས།

7.སོལ་རླངས་ཤོར་བ་ཤེས་ཚེ་རླངས་ཁུངས་འཕྲལ་དུ་འགོག་པ་དང་། སྒོ་དང་སྒེའུ་ཁུང་ཕྱེ་ནས་རླུང་འགྲོ་ཐུབ་པ། གློག་ཆས་ཀྱི་བསད་སྤར་ལ་མི་རེག་པ། མེ་ཆ་སོགས་བེད་སྤྱོད་མི་བྱེད་པ་བཅས་བྱས་ནས་སོལ་རླངས་ཤོར་སར་ཞིབ་བཤེར་བྱེད་དགོས།

8.སོལ་རླངས་ལ་རང་འགུལ་ཉེན་གཏོང་དང་རང་འགུལ་གྱི་ཁ་འགོག་པའི་སྒྲིག་ཆས་བསྒར་ནས་སོལ་རླངས་ཤོར་བའི་ལས་འཛོལ་འཕྲལ་དུ་ཤེས་རྟོགས་དང་ཐག་གཅོད་བྱེད་དགོས།

(བོད་རང་སྐྱོང་ལྗོངས་མེ་ཟོན་རོགས་སྐྱོབ་སྤྱི་ཁྱབ་རུ་ཁག་གིས་མཁོ་འདོན་བྱས)