-
ཧྲན་ཏུང་གཡན་ཐའེ་རུ་གཡན་ཐའེ་ནས་ཐུར་ཁེ་བར་གྱི་རླངས་འཁོར་སྐྱེལ་འདྲེན་གྲུ་ལམ་ལ་སྐྱེལ་འདྲེན་ནུས་པ་བསྣན་པ།
-
ཡོང་ཁུངས། མི་དམངས་ཉིན་རེའི་ཚགས་པར། | སྤེལ་དུས། 2025-03-27
ཉིན་ཤས་གོང་རྒྱལ་ནང་གི་གྲུ་གཟིངས་ཁེ་ལས་ཀྱིས་བཟོས་པའི་ＬＮＧསྒུལ་ཤུགས་རླངས་འཁོར་སྐྱེལ་འདྲེན་གྲུ་གཟིངས“ཨེར་ས་མུའུ་ཧ”ཧྲན་ཏུང་གྲུ་ཁའི་གཡན་ཐའེ་གྲུ་ཁ་ནས་ཐེངས་དང་པོར་གཏོང་འགོ་ཚུགས་ཏེ་གཡན་ཐའེ་ནས་ཐུར་ཁེ་བར་གྱི་རླངས་འཁོར་སྐྱེལ་འདྲེན་གྲུ་ལམ་གཉེར་སྐྱོང་ཐད་བཏང་བས་གྲུ་ལམ་དེའི་སྐྱེལ་འདྲེན་ནུས་པ་སྔར་བས་ཆེ་རུ་ཕྱིན་ཡོད་པ་རེད། གྲུ་གཟིངས་དེའི་ནང་རང་རྒྱལ་ནས་བཟོས་པའི་ནུས་རྒྱུ་གསར་པའི་རླངས་འཁོར་1455དང་ཉིས་བརྒྱུད་ནུས་རྒྱུ་གསར་པའི་རླངས་འཁོར་300ཙམ་བླུགས་ཡོད་པས་ཧྲན་ཏུང་འགག་སྒོ་ནས་ཡོ་རོབ་དང་དབུས་ཤར་ས་ཁུལ་བར་གྱི་ཕྱིར་གཏོང་གི་ནུས་རྒྱུ་གསར་པའི་རླངས་འཁོར་གྱི་གྲུ་གཟིངས་རྐྱང་པ་གཏོང་ཚད་ཀྱི་ཟིན་ཐོ་གསར་པ་བཏོད་ཡོད་པ་རེད། འདི་ནི“ཨེར་ས་མུའུ་ཧ”རྟགས་ཅན་གྱི་གྲུ་གཟིངས་ཧྲན་ཏུང་གཡན་ཐའེ་གྲུ་ཁ་ནས་ཐོན་རྩིས་བྱེད་བཞིན་པ།