མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཉེ་ཆར། གསར་འགོད་པར་མཚོ་སྔོན་པོ་མཛེས་ལྗོངས་ཁུལ་སྲུང་སྐྱོང་བེད་སྤྱོད་དོ་དམ་ཅུས་ནས་ཤེས་རྟོགས་བྱུང་བར། མིག་སྔར། མཚོ་སྔོན་པོ་རྒྱལ་ཁབ་སྤྱི་གླིང་འཛུགས་གཏོད་ཀྱི་གྲུབ་འབྲས་དཔྱད་དཔོག་བྱེད་མཚམས་སུ་སླེབས་ཡོད།

2024ལོར། མཚོ་སྔོན་པོ་མཛེས་ལྗོངས་ཁུལ་དོ་དམ་ཅུས་ཀྱིས་གནས་མཐོ་ནུས་ཆེའི་རྒྱལ་ཁབ་སྤྱི་གླིང་འཛུགས་གཏོད་ལ་སྐུལ་འདེད་བཏང་ནས། འཛུགས་གཏོད་བྱེད་རྩིས་ཡོད་པའི་སྤྱི་གླིང་གི་རྒྱ་ཁྱོན་སྤྱི་ལེ་ངོས་གྲུ་ཁྲི་1.04གནད་སྨིན་་དབྱེ་མཚམས་གཏན་འཁེལ་བྱས་པ་དང་། དཔྱད་དཔོག་ཐོག་མར་བྱེད་སྐབས་ཀྱི་བསམ་འཆར་24ཚུར་ལན་བཅོས་སྒྲིག་ནན་ཏན་བྱས་ཏེ། འཛུགས་གཏོད་ཀྱི་གྲུབ་འབྲས་ལ་དཔྱད་དཔོག་མགྱོགས་མྱུར་བྱེད་བཞིན་ཡོད། འཛུགས་གཏོད་དུས་ཡུན“1+5”འཆར་འགོད་བཟོས་ཟིན་པ་དང་། རྗེས་མཐུད་ཀྱི་ཆེད་དོན་འཆར་འགོད་5བཟོ་འགོ་ཚུགས་པ། “Ｘ”འགན་ལེན་མ་ལག་གི་ནང་དོན་ཁག་12རགས་ཙམ་བཟོས་པ་བཅས། འཆར་འགོད་མ་ལག་ཉིན་རེ་བཞིན་འཐུས་སྒོ་ཚང་དུ་འགྲོ་བཞིན་ཡོད། “ཁུལ་གཉིས”དོ་དམ་ཚོད་འཛིན་བྱེད་ཐབས་ཞིབ་ཚགས་སུ་བཏང་ནས“འབབ་རྒྱུད་ལྟ་ཞིབ་ཚད་ལེན་ཁུལ”གྱི་ལྷོད་གཏོང་ཐ་སྙད་གསར་གཏོད་ངང་བཏོན་པ་དང་། “ལྟེ་གཅིག་ཁུལ་བཞི་དང་། འཁོར་གཅིག་གནས་མང”གི་སྤྱི་གླིང་འཛུགས་སྐྱོང་གི་བཀོད་པ་འཆར་འགོད་བྱས་ཏེ་གྲུབ་ཡོད། ཆོག་འཐུས་དང་བཀག་རྒྱའི་གསལ་ཐོ་བཟོས་ནས། མཛེས་ལྗོངས་ཁུལ་དང་། གྲུ་ཁ། གྲུ་ལམ། མཚོ་འགྲམ་ཁུལ་བཅས་ལ་འཆར་འགོད་གནད་སྨིན་བྱས་ཏེ་འབྱུང་འགྱུར་གྱི་འཕེལ་རྒྱས་ལ་བར་མཐོངས་ལྡན་པ་བྱས་ཡོད།

ཤེས་རྟོགས་བྱུང་བར་གཞིགས་ན། ད་ལོ་མཚོ་སྔོན་པོའི་མཛེས་ལྗོངས་ཁུལ་དོ་དམ་ཅུས་ཀྱིས་རྒྱལ་ཁབ་སྤྱི་གླིང་གི་བསྐྱར་ཞིབ་དཔྱད་དཔོག་ལ་སྐུལ་འདེད་ཧུར་ཐག་བཏང་ནས། མཚོ་སྔོན་པོའི་རྒྱལ་ཁབ་སྤྱི་གླིང་སྔ་ཙམ་བསྐྲུན་རྒྱུའི་བརྩོན་ལེན་བྱེད་བཞིན་ཡོད། འཛུགས་གཏོད་དུས་ཡུན“1+5”འཆར་འགོད་དོན་འཁྱོལ་ནན་ཏན་བྱས་ནས། 2025ལོའི་ལས་འགན་ཁག་བགོས་ཇུས་གཞི་བཟོ་བ་དང་། ཁག་ཐེངས་གཉིས་པའི་ཆེད་དོན་འཆར་འགོད་ལྔ་བཟོ་བའི་འཕེལ་རིམ་ལ་སྐུལ་འདེད་མགྱོགས་མྱུར་གཏོང་བ། འཆར་འགོད་དོན་འཁྱོལ་འགན་ལེན་མ་ལག་འཛུགས་པ་དང་འཐུས་སྒོ་ཚང་དུ་གཏོང་བ་བཅས་བྱས་ཏེ“ཆུ་ཚད་མཐོ་བའི་འཆར་འགོད་ཀྱིས་ཚད་གཞི་མཐོ་བའི་འཛུགས་གཏོད་ལ་ཁྲིད་སྟོན་བྱེད་པའི”ཆེད་དོན་བརྟག་ཞིབ་གཏིང་ཟབ་སྤེལ་བ་དང་། “ཕྱོགས་ཡོངས་ནས་མཐོར་གཏོང་དྲུག”ལ་དམིགས་ནས། ལམ་ལུགས་འཐུས་ཚང་དང་། ལམ་སྲོལ་འགན་ལེན། གོ་རིམ་སྦྲེལ་མཐུད་བཅས་ཀྱི་རང་འགུལ་རང་བཞིན་ཆེ་རུ་གཏོང་བ་དང་། ས་གནས་ལ་ཞབས་ཞུའི་མཛུབ་སྟོན་ཡག་པོ་བྱས་ཏེ་དཔེ་སྟོན་ཁུལ་དུ་ལོ་གསུམ་ནང་ཕན་འབྲས་ཐོན་ཐུབ་པའི་དམིགས་ཚད་ཕྱོགས་ཡོངས་ནས་མངོན་འགྱུར་བྱས་ཡོད།

དེ་དང་ཆབས་ཅིག རྒྱལ་ཁབ་སྤྱི་གླིང་གི་སྐྱེ་ཁམས་ཤེས་དཔལ་ལག་ལེན་སློབ་གསོའི་རྟེན་གཞི་གཉིས་བསྐྲུན་ནས། རྨང་གཞིའི་འཛུགས་སྐྲུན་དང་། མ་དངུལ་བརྩོན་ལེན། འདུ་ཤེས་གསར་སྒྱུར་བཅས་ལ་མཉམ་དུ་སྐུལ་འདེད་གཏོང་རྒྱུ་མཐའ་འཁྱོངས་ཀྱིས་ཅང་ཤིས་ཁུག་ཞིང་རའི་ཚན་རིག་ཁྱབ་གདལ་ཞིབ་འཇུག་སློབ་སྦྱོང་དང་ཕྱི་རྒྱལ་དང་འབྲེལ་བ་ཡོད་པའི་སྤེལ་རེས་ལས་སྟེགས་ཀྱི་ནུས་པ་ཡག་པོ་འདོན་པ་དང་། ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་དགོངས་པ་དང་རྒྱལ་ཁབ་སྤྱི་གླིང་གི་མཚོན་བྱེད་རང་བཞིན་དང་དཔེ་མཚོན་རང་བཞིན་མངོན་པའི་རིག་ལྡན་ལྟེ་གནས་དང་དཔེ་སྟོན་སློབ་གསོའི་ལྟེ་གནས་གཏོད་རྒྱུ་རེད། ལས་ཁུངས་འཛུགས་རྒྱུར་དམ་འཛིན་ཡག་པོ་བྱས་ནས་མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་དང་། མཚོ་ལྷོ་བོད་རིགས་རང་སྐྱོང་ཀྲོའུ། མཚོ་བྱང་བོད་རིགས་རང་སྐྱོང་ཀྲོའུ་བཅས་དང་སྐྱེ་ཁམས་མཉམ་ལས་ཀྱིས་ལམ་སྲོལ་འཛུགས་པ་དང་འབྲེལ་ཡོད་རྫོང་དང་ཤང་གཞི་གཅིག་ཅན་གྱི་མཉམ་ལས་ལམ་སྲོལ་བཙུགས་ནས“ཅུས་གཅིག་དང་། ས་ཚིགས་དྲུག ལྟེ་བ་གཅིག”བཅས་འཛུགས་པའི་ལས་འགན་དོན་འཁྱོལ་ཡག་པོ་བྱས་ཏེ། རང་བྱུང་ཐོན་ཁུངས་ཀྱི་རྒྱུ་ནོར་དོ་དམ་དང་སྐྱེ་ཁམས་སྲུང་སྐྱོང་སླར་གསོའི་འགན་འཁྲི་ཡག་པོ་སྒྲུབ་རྒྱུ་རེད།