རྒྱལ་ཁབ་ནུས་རྒྱུ་ཅུས་ཀྱིས《“ཁྱིམ་ཚང་ཁྲི་སྟོང་གི་འོད་སྲོའི་བྱ་སྤྱོད”སྔར་བས་སྒྲིག་འཛུགས་དང་ལག་ལེན་ཡག་པོ་བསྟར་རྒྱུའི་སྐོར་གྱི་བརྡ་ཐོ》བཀྲམ་པ།
ཉེ་ཆར་རྒྱལ་ཁབ་ནུས་རྒྱུ་ཅུས་ཀྱིས《“ཁྱིམ་ཚང་ཁྲི་སྟོང་གི་འོད་སྲོའི་བྱ་སྤྱོད”སྔར་བས་སྒྲིག་འཛུགས་དང་ལག་ལེན་ཡག་པོ་བསྟར་རྒྱུའི་སྐོར་གྱི་བརྡ་ཐོ》བཀྲམ་ནས། ས་གནས་ཁག་གིས“ཁྱིམ་ཚང་ཁྲི་སྟོང་གི་འོད་སྲོའི་བྱ་སྤྱོད”སྒྲིག་འཛུགས་དང་ལག་ལེན་བསྟར་སྐབས། ཁྲོམ་རའི་ནུས་པ་གང་ལེགས་བཏོན་པ་ལས། གཉེར་སྐྱོང་བ་དམིགས་འཛུགས་བྱེད་མི་ཆོག་པ་དང་། ལེ་ལག་ཐོན་ལས་དགོས་པའི་བླང་བྱ་བཙན་ཤེད་ཀྱིས་འདོན་མི་ཆོག་པ། དམིགས་བསལ་ཆོག་མཆན་སྤྲད་པའི་གཉེར་སྐྱོང་སོགས་ཀྱི་བྱ་ཐབས་ཐོག་ནས་སྒེར་སྡེམ་གསར་སྤེལ་བྱེད་མི་ཆོག་པ། ཞིང་དུད་ཀྱི་ཁེ་ཕན་ལ་གནོད་འཚེ་གཏོང་མི་ཆོག་པ་བཅས་ཀྱི་སྒོ་ནས། ཁྱབ་ཚུལ་རྣམ་པའི་འོད་ཤུགས་ཐོན་ལས་སྐྱོན་བྲལ་དང་གོ་རིམ་ལྡན་པའི་ངང་འཕེལ་རྒྱས་འགྲོ་བར་སྐུལ་འདེད་གཏོང་དགོས་པ་བསྟན་ཡོད།
2021ལོར་རྒྱལ་ཁབ་ནུས་རྒྱུ་ཅུས་ཀྱིས་རྫོང་ཡོངས(གྲོང་ཁྱེར་དང་ཆུས)ཀྱི་ཁང་པའི་ཐོག་ཁར་ཁྱབ་ཚུལ་རྣམ་པའི་འོད་ཤུགས་གསར་སྤེལ་ཚོད་ལྟའི་ལས་དོན་སྒྲིག་འཛུགས་བྱས་ནས་སྤེལ་བ་དང་། ཁང་པའི་ཐོག་ཁར་ཁྱབ་ཚུལ་རྣམ་པའི་འོད་ཤུགས་གློག་འདོན་རྣམ་གྲངས་སྣ་ཚོགས་ཀྱི་འཛུགས་སྐྲུན་ལ་སྐུལ་འདེད་ཧུར་ཐག་བཏང་བ་རེད། དེའི་ནང་ཧོ་པེ་དང་། ཅང་སུའུ། ཀྲེ་ཅང་། ཧྥུའུ་ཅན། ཧྲན་ཏུང་། ཧོ་ནན། ཧུའུ་ནན། ཧའེ་ནན། ཧྲའན་ཤིས་སོགས་ཞིང་ཆེན་གྱི་རྫོང(གྲོང་ཁྱེར་དང་ཆུས)56ཏུ་ཚོད་ལྟའི་ལས་དོན་གྱི་དམིགས་ཚད་ཕྱོགས་ཡོངས་ནས་མངོན་འགྱུར་བྱུང་ཡོད་པ་རེད།