ཉེ་ཆར། ཀྲུང་གོ་ཚན་རིག་ཁང་ནུབ་བྱང་སྐྱེ་ཁམས་ཁོར་ཡུག་ཐོན་ཁུངས་ཞིབ་འཇུག་ཁང་གིས་སྒྲིག་བཟོ་བྱས་པའི་ཀྲུང་གོའི་འཁྱགས་རོམ་དཀར་ཆག་ཐེངས་གསུམ་པའི་གྲངས་གཞི་ཕྱོགས་བསྒྲིགས་དངོས་སུ་ཁྱབ་བསྒྲགས་བྱས་པ་རེད།

ཀྲུང་གོའི་འཁྱགས་རོམ་དཀར་ཆག་ཐེངས་གསུམ་པར་གཞིགས་ན། 2020ལོའི་སྔ་རྗེས་སུ་ཀྲུང་གོའི་གྲངས་གཞི་གསར་ཤོས་ནང་འཁོད་པའི་འཁྱགས་རོམ་གྱི་རྒྱ་ཁྱོན་ཧ་ལམ་སྟོང་སྨི་ངོས་གྲུ་ཁྲི་4.6ཟིན་པ་དང་འཁྱགས་རོམ་ཁག་གི་བསྡོམས་འབོར་ཧ་ལམ་ཁྲི་6.9ཟིན་ཞིང་། ཀྲུང་གོའི་འཁྱགས་རོམ་དཀར་ཆག་ཐེངས་དང་པོ་དང་བསྡུར་ན། དུས་རབས་20པའི་ལོ་རབས་60པ་ནས་2020ལོའི་བར་རང་རྒྱལ་གྱི་འཁྱགས་རོམ་རྒྱ་ཁྱོན་སྤྱི་ཡོངས་ནས་26%ཙམ་ཆུང་དུ་ཕྱིན་པ་དང་འཁྱགས་རོམ་ཆུང་གྲས་ཁག་7000ཙམ་རྦད་དེ་བཞུར་ཡོད། ཀྲུང་གོའི་འཁྱགས་རོམ་དཀར་ཆག་ཐེངས་གཉིས་པ་དང་བསྡུར་ན། 2008ལོ་ནས་2020ལོའི་བར་རང་རྒྱལ་གྱི་འཁྱགས་རོམ་རྒྱ་ཁྱོན་སྤྱི་ཡོངས་ནས་6%ཙམ་ཆུང་དུ་ཕྱིན་ཡོད།

ཤེས་རྟོགས་བྱུང་བར་གཞིགས་ན། མིའི་རིགས་ཀྱི་རྒྱུན་མཐུད་ཆོག་པའི་འཕེལ་རྒྱས་ལ་སྐུལ་འདེད་གཏོང་བ་དང་། གནམ་གཤིས་ཀྱི་འགྱུར་ལྡོག་དང་འཁྱགས་རོམ་ཁུལ་ཆུང་དུ་འགྲོ་བའི་ཤུགས་རྐྱེན་མངོན་གསལ་དོད་པོར་ཁ་གཏད་གཅོག་ཆེད། མཉམ་འབྲེལ་རྒྱལ་ཚོཌ་ཚོགས་ཆེན་གྱིས་2022ལོའི་ཟླ་12པར་གྲོས་ཆོད་ལ་གྲོས་འཆམ་བྱས་ནས་2025ལོ་དེ་རྒྱལ་སྤྱིའི་འཁྱགས་རོམ་སྲུང་སྐྱོང་ལོར་གཏན་འཁེལ་བྱས་པ་དང་། 2025ལོ་ནས་བཟུང་ལོ་རེའི་ཟླ་3ཚེས་21ཉིན་དེ“འཛམ་གླིང་འཁྱགས་རོམ་ཉིན་མོར”གཏན་འཁེལ་བྱ་རྒྱུ་ཁྱབ་བསྒྲགས་བྱས་པ་རེད།