དབུ་ཤོག>གསར་འགྱུར།>མི་རིགས་མཐུན་སྒྲིལ།
  • གཉེན་ཉེ་ལྟ་བུའི་བརྩེ་སེམས་ཟབ་མོས། ཕན་ཚུན་ལྟ་རེས་སྐྱོང་རེས་བྱས་པ།

    ལྷ་ས་གྲོང་ཁྱེར་ཁྲེང་ཀོན་ཆུས་བར་སྐོར་ཁྲོམ་གཞུང་རབ་གསལ་སྡེ་ཁུལ་དུ་བསྐྱོད་པ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།    |     སྤེལ་དུས།  2025-03-26

    བར་སྐོར་ཁྲོམ་གཞུང་རབ་གསལ་སྡེ་ཁུལ་དུ་སྐྱོད་སྐབས། སྲང་ལམ་གྱི་སྒོ་ར་ཆེན་པོའི་ནང་བོད་རིགས་དང་། རྒྱ་རིགས། ཧུད་རིགས། ཁྲའོ་ཞན་རིགས། ཡུ་གུར་རིགས་སོགས་མི་རིགས་མང་པོའི་མང་ཚོགས་མཉམ་སྡོད་དང་། མཉམ་སྦྱོང་། མཉམ་ལས། མཉམ་སྐྱིད་བཅས་བྱེད་བཞིན་ཡོད།

    ལོ་46ལ་སླེབས་པའི་ཁྲའོ་ཞན་རིགས་ཀྱི་གྲོང་མི་ཡུས་ཝན་ཕིང་རབ་གསལ་སྡེ་ཁུལ་གྱི་སྒོ་ར་ཆེན་པོའི་ནང་ཁང་པ་གླས་ནས་བསྡད་ཡོད། ཁོང་གིས། “ཧྲུའུ་ཅི་ཐུབ་བསྟན་འཇིགས་གྲགས་དང་ལས་དོན་མི་སྣས་ང་ལ་རོགས་རམ་གནང་བར་ཐུགས་རྗེ་ཆེ་ཞུ་གི་ཡིན། ངའི་ཁང་པ་ཉིས་ཐོག་ཏུ་ཡོད་པས། སྡེ་ཁུལ་གྱིས་འབྲས་དང་། གྲོ་ཞིབ། སྣུམ་བཅས་རིན་མེད་དུ་སྤྲད་པ་མ་ཟད། ང་གཅིག་པུས་ཉིས་ཐོག་ཏུ་དབོར་ཐུབ་ཀྱི་མ་རེད་སྙམ་ནས་ཚང་མ་དབོར་རོགས་གནང་བྱུང”ཞེས་བརྗོད།

    ཉེ་ཆར། ཡུས་ཝན་ཕིང་ལ་ད་དུང་སྡེ་ཁུལ་གྱིས་རིན་མེད་དུ་སྤྲད་པའི་ཀམ་པ་ལི་འབྱོར་ཞིང་། 2022ལོར། གཞིས་ཆགས་པར་སྒོ་ཐེམ་མེད་པའི་སྲིད་ཇུས་བརྒྱུད་ཁོ་མོ་རབ་གསལ་སྡེ་ཁུལ་དུ་གཞིས་ཆགས་པ་རེད། “ད་ལྟ་ངའི་ཐོབ་ཐང་ལག་ཁྱེར་ཐོག་ཏུ་ཡང་བོད་རྒྱ་ཡིག་རིགས་གཉིས་ཡོད་པ་དང་། སྡེ་ཁུལ་གྱི་ལས་དོན་མི་སྣས་ད་དུང་ཁ་པར་ཨང་གྲངས་བཞག་ནས་ང་ལ་དཀའ་ངལ་གང་ཞིག་འཕྲད་ཀྱང་ཁོང་ཚོར་བཤད་ན་ཁོང་ཚོས་ངེས་པར་དུ་ཐག་གཅོད་བྱེད་རོགས་བྱས་ཆོག་ཅེས་བཤད་བྱུང་། འདི་ནས་ང་ལ་ཁྱིམ་གྱི་དྲོ་སྐྱིད་ཚོར་བྱུང་ལ། འཚོ་བར་ཡང་རེ་བས་ཁེངས་སོང”ཞེས་ཡུས་ཝན་ཕིང་གིས་འཛུམ་དམུལ་དམུལ་ངང་བཤད།

    ཐུབ་བསྟན་འཇིགས་གྲགས་ཀྱིས།“ཡར་ཏང་སེམས་ལ་ཕྱོགས་པ་དང་མར་དམངས་སེམས་དང་འབྲེལ་བའི་གཞི་རིམ་ཏང་རྩ་འཛུགས་ཤིག་ཡིན་པའི་ངོས་ནས། ང་ཚོས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་བཙུགས་ནས་མང་ཚོགས་དང་འབྲེལ་བ་དམ་ཟབ་བྱེད་པ་དང་དམངས་འཚོར་དོ་ཁུར་བྱེད་པའི་གཙོ་རྐང་ཤེས་རྟོགས་བྱེད་པའི་ལེགས་ཆ་གང་ལེགས་བཏོན་ཏེ། གྲོང་མི་མང་ཚོགས་ལ་སེམས་དྲོས་པ་དང་། སེམས་ཁྲལ་ཆུང་བ། བློ་བདེ་བ་བཅས་ཀྱི་ཞབས་འདེགས་ཏན་ཏིག་ཞུས་ནས། མི་དམངས་མང་ཚོགས་ཀྱི་བློ་ཡིད་ཚིམ་ཚད་ཟམ་མི་ཆད་པར་ཆེ་རུ་བཏང་བར། ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་མང་ཚོགས་ཀྱི་གདེང་ཚོད་དང་ཆོད་སེམས་སྔར་བས་བརྟན་དུ་ཕྱིན་ཡོད”ཅེས་བརྗོད།

    རབ་གསལ་སྡེ་ཁུལ་དུ་ད་ཆ་ཁོངས་གཏོགས་ཁུལ་གྱི་རྒྱུན་སྡོད་གྲོང་མི་དུད་ཚང་466དང་ཕྱོགས་མི་དུད་ཚང་1111ཡོད་པར་ཁྱོན་བསྡོམས་མི་གྲངས་3576ཡོད་པ་རེད། ཁོངས་གཏོགས་ཁུལ་གྱི་གྲོང་མིའི་ལས་ཞུགས་དང་། སྨན་བཅོས། རྒན་གསོ་བཅས་ཀྱི་གནད་དོན་མང་པོ་ཞིག་རྙོག་འཛིང་ཆེ་བས། ཁྲེང་ཀོན་ཆུས་མི་དམངས་འཐུས་ཚོགས་ཀྱི་འཐུས་མི་ཐུབ་བསྟན་འཇིགས་གྲགས་ཀྱིས་གཏན་འཇགས་ཀྱི་ལས་ཀ་མེད་པའི་གྲོང་ཁྱེར་དང་གྲོང་རྡལ་གྱི་གྲོང་མིའི་སྨན་བཅོས་འགན་བཅོལ་དང་། མ་མཐའི་འཚོ་བའི་འགན་ལེན་དངུལ་སོགས་ལ་ཐོག་མཐའ་བར་གསུམ་དུ་དོ་ཁུར་བྱས་ནས། ཡུས་ཝན་ཕིང་ལྟ་བུའི་གྲོང་མིར་རོགས་རམ་ཧུར་ཐག་བྱས་པ་རེད།

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

མཉམ་སྤྱོད།

འབྲེལ་ཡོད་གསར་འགྱུར།