པེ་ཅིང་དང་བོད་ཀྱིས་གསར་རྩོམ་བྱས་པའི་གཏམ་བརྗོད་ཟློས་གར《རྒྱང་རིང་གི་ལྷ་ས་སྐྱིད་ཆུ》ནང་སྦྱོང་བྱེད་འགོ་ཚུགས་པ།
ཉེ་ཆར། གསར་འགོད་པས་པེ་ཅིང་བོད་སྐྱོར་བཀོད་འདོམས་པུའུ་ནས་ཤེས་རྟོགས་བྱས་པར། ལྷ་ས་གྲོང་ཁྱེར་ཁྲེང་ཀོན་ཆུས་རིག་གནས་ཡུལ་སྐོར་ཅུས་དང་པེ་ཅིང་འཁྲབ་སྟོན་ཚོགས་པ་གཉིས་ཀྱིས་མཉམ་དུ་བརྩམས་པའི་གཏམ་བརྗོད་ཟློས་གར《རྒྱང་རིང་གི་ལྷ་ས་སྐྱིད་ཆུ》ཟླ་3ཚེས་11ཉིན་པེ་ཅིང་དུ་དངོས་སུ་འཁྲབ་སྟོན་ཚོགས་ཆུང་བཙུགས་པ་རེད། ཟློས་གར་དེ་ནི་པེ་ཅིང་འཁྲབ་སྟོན་ཚོགས་པའི་ཁོངས་གཏོགས་པེ་ཅིང་གྲོང་ཁྱེར་རོལ་དབྱངས་ཟློས་གར་ཚོགས་པས་གསར་རྩོམ་བྱས་པ་དང་། མིག་སྔར་གསར་རྩོམ་ཚོགས་པ་གཙོ་བོ་དང་འཁྲབ་སྟོན་པ་ཚོ་ནང་སྦྱོང་གི་དུས་མཚམས་གལ་ཆེན་དུ་སླེབས་ཡོད་པ་རེད།