ཉེ་ཆར། སློབ་གསོ་པུའུ་དང་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས《མཐོ་རིམ་ལས་རིགས་སློབ་གསོའི་གསོ་བཅོས་ལྟ་སྐྱོང་དང་དོ་དམ་ཆེད་ལས་འཛུགས་སྐྱོང་ལས་དོན་ལ་ཤུགས་སྣོན་རྒྱག་རྒྱུའི་སྐོར་གྱི་བརྡ་ཐོ》བཀྲམ་ནས། གསོ་བཅོས་ལྟ་སྐྱོང་དང་དོ་དམ་ཆེད་ལས་འཛུགས་སྐྱོང་ལ་ཤུགས་སྣོན་དང་བཀོད་སྒྲིག་གིས་གསོ་བཅོས་ཟུང་འབྲེལ་གྱི་ཆེད་ལས་ཤེས་ལྡན་པ་མགྱོགས་མྱུར་གསོ་སྐྱོང་བྱས་ཏེ། རྒན་རྒོན་གྱི་རིམ་པ་མང་བ་དང་སྣ་མང་ཅན་གྱི་རྒན་གསོའི་དགོས་མཁོ་དེ་བས་ལེགས་པའི་ངང་སྐོང་ཐུབ་པ་བྱ་རྒྱུ་རེད།

བརྡ་ཐོའི་ནང་ནན་བཤད་བྱས་དོན། ཆེད་ལས་ཐེམ་སྐས་བཀོད་སྒྲིག་ལ་རྒྱབ་སྐྱོར་བྱས་ནས། ཆ་རྐྱེན་ཡོད་པའི་སློབ་གྲྭས་གསོ་བཅོས་ལྟ་སྐྱོང་དང་དོ་དམ་ཆེད་ལས་ཀྱི་འབྲིང་རིམ་དང་། མཐོ་རིམ། དངོས་གཞི་བཅས་འབྲེལ་མཐུད་གསོ་སྐྱོང་བྱེད་སྟངས་འཚོལ་ཞིབ་བྱ་རྒྱུར་སྐུལ་མ་གཏོང་བ་དང་། དངོས་གཞིའི་ཚན་ཁག་གི་མཐོ་སློབ་དཀྱུས་མ་དང་མཐོ་རིམ་ལས་རིགས་སློབ་གྲྭའི་དབར་ཆེད་ལས་རོགས་སྐྱོར་ལམ་སྲོལ་འཛུགས་རྒྱུར་སྐུལ་མ་བཏང་སྟེ། འབྲེལ་ཡོད་ཆེད་ལས་མཉམ་འཛུགས་མཉམ་སྤྱོད་བྱ་རྒྱུར་སྐུལ་འདེད་གཏོང་དགོས།

ཤེས་རྟོགས་བྱུང་བར་གཞིགས་ན། པེ་ཅིང་དང་། ཧོ་པེ། ཧེ་ལུང་ཅང་། ཅང་སུའུ། ཀྲེ་ཅང་། ཅང་ཤིས། ཧྲན་ཏུང་། ཀོང་ཏུང་། ཀོང་ཤིས། སི་ཁྲོན་སོགས་ཞིང་ཆེན་10ནི་གསོ་བཅོས་ལྟ་སྐྱོང་དང་དོ་དམ་ཆེད་ལས་འཛུགས་སྐྱོང་གི་གཙོ་གནད་ཞིང་ཆེན་ཡིན་ཞིང་། 2027ལོའི་ལོ་མཇུག་ཏུ་སླེབས་སྐབས། རྩ་དོན་ཐོག་གཙོ་གནད་ཞིང་ཆེན་ཚང་མར་རིམ་རྩིས་བརྒྱབ་ན་གསོ་བཅོས་ལྟ་སྐྱོང་དང་དོ་དམ་ཆེད་ལས་བཀོད་སྒྲིག་བྱེད་ས་3ལས་མི་ཉུང་བ་བྱས་ཏེ་རྒྱལ་ཡོངས་ཀྱི་གསོ་བཅོས་ལྟ་སྐྱོང་དང་དོ་དམ་ཆེད་ལས་འཛུགས་སྐྱོང་གི་ཆུ་ཚད་སྤྱི་ཡོངས་ནས་མཐོ་རུ་འགྲོ་བར་སྐུལ་ཁྲིད་བྱ་རྒྱུ་རེད།