-
འགྲོ་ལམ་ཤར་གཏོང་ཐུབ་ནས་ཡུལ་སྐོར་ལས་རིགས་དར།
-
ཡོང་ཁུངས། མི་དམངས་ཉིན་རེའི་ཚགས་པར། | སྤེལ་དུས། 2025-03-25
ད་ཕན་ལོ་ཤས་རིང་། ཧུའུ་པེ་ཞིང་ཆེན་དབྱིན་ཧྲན་རྫོང་གིས་འགྲིམ་འགྲུལ་དྲ་རྒྱའི་བཀོད་པ་འཐུས་སྒོ་ཚང་དུ་ཤུགས་ཆེན་བཏང་ནས། མྱུར་བགྲོད་གཞུང་ལམ་དང་གྲོང་ཁྱེར་དང་གྲོང་གསེབ་གཞུང་ལམ་སོགས་ཕྱོགས་བསྡུས་འགྲིམ་འགྲུལ་དྲ་རྒྱ་ཞིག་བཏོད་དེ། ཡུལ་དེའི་ཁྱད་ལྡན་ཞིང་ལས་ཐོན་རྫས་སྐྱེལ་འདྲེན་དང་ཡུལ་སྐོར་ཐོན་ལས་འཕེལ་རྒྱས་ལ་སྐུལ་ཁྲིད་བྱས་ནས་གྲོང་གསེབ་ཕྱོགས་ཡོངས་དར་རྒྱས་ལ་རམ་འདེགས་བྱས་པ་རེད།
ཟླ་3ཚེས་21ཉིན། ཧྲང་ཧའེ་ནས་ཝུའུ་ཧན་བར་གྱི་མྱུར་བགྲོད་གཞུང་ལམ་ཧུའུ་པེ་ཧོང་ཀང་གྲོང་ཁྱེར་དབྱིན་ཧྲན་རྫོང་ཝུའུ་དབྱིན་དུམ་བུའི་ལམ་གཡས་གཡོན་གཉིས་ཀྱི་ལོ་དམར་ལྗོན་ཤིང་གི་མེ་ཏོག་རབ་ཏུ་བཞད་ནས་དཔྱིད་ཀྱི་ཉམས་འགྱུར་ལྷག་པར་མངོན་ཞིང་། འདི་ནི་ལྷུག་པོར་བཞད་པའི་ལོ་དམར་ལྗོན་ཤིང་དང་ཐག་རིང་གི་ཡུལ་ལྗོངས་ཀྱིས་རབ་ཏུ་བརྒྱན་པའི་གཞུང་ལམ་དུ་རླངས་འཁོར་ཕར་འགྲོ་ཚུར་འོང་བྱེད་བཞིན་པ།