ཚོང་ལས་དངུལ་ཁང་གི་ལས་ཚབ་ཕྱིར་ཚོང་ལས་སྒོའི་ལྟ་འདོམས་ལ་ཤུགས་སྣོན་རྒྱག་པ་དང་ལས་ཚབ་ཕྱིར་ཚོང་ལས་སྒོ་སྐྱོན་བྲལ་དང་གོ་རིམ་ལྡན་པའི་ངང་འཕེལ་རྒྱས་འགྲོ་བར་སྐུལ་འདེད་གཏོང་ཆེད། དངུལ་རྩ་ལྟ་འདོམས་སྤྱི་ཁྱབ་ཅུས་ཀྱིས་ཉེ་ཆར《ཚོང་ལས་དངུལ་ཁང་གི་ཚབ་འཚོང་ལས་སྒོའི་དོ་དམ་བྱེད་ཐབས》ཁྱབ་བསྒྲགས་བྱས་ནས་2025ལོའི་ཟླ་10ཚེས་1ཉིན་ནས་ལག་བསྟར་བྱ་རྒྱུ་ཡིན་པ་རེད།

བྱེད་ཐབས་ནང་། ཚོང་ལས་དངུལ་ཁང་གིས་ཚབ་འཚོང་གི་བརྒྱུད་རིམ་ཡོངས་ཀྱི་ལྟ་ཞིབ་ཚད་ལེན་དང་དོ་དམ་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་སྟེ། དྲིལ་བསྒྲགས་དཔྱད་ཡིག་དང་། ཆ་འཕྲིན་འཚོལ་བཤེར། ཐོན་རྫས་འགྲེམས་སྟོན། འོས་འཚམ་རང་བཞིན་གྱི་དོ་དམ། ཕྱིར་ཚོང་མི་སྣའི་དོ་དམ། ཕྱིར་འཚོང་ཆོག་པའི་དོ་དམ་སོགས་ཀྱི་ཐད་ཞིབ་ཕྲའི་གཏན་འབེབས་བྱས་ཤིང་། དེའི་ནང་རིགས་མཐུན་ཐོན་རྫས་ལ་དམིགས་ནས་གཅིག་མཐུན་གྱི་ཚབ་འཚོང་ཐོན་རྫས་འགྲེམས་སྟོན་གྱི་སྒྲིག་སྲོལ་གཏན་འབེབས་བྱེད་དགོས་པ་དང་། སྐུ་མགྲོན་གྱིས་ཐོན་རྫས་ཉོ་སྒྲུབ་འོས་འཚམ་བྱེད་པར་་དཔྱད་དཔོག་གཟབ་ནན་བྱེད་དགོས་པ། ཕྱིར་ཚོང་མི་སྣའི་འོས་ཐོབ་དང་བྱ་སྤྱོད་དོ་དམ་ལ་ཤུགས་སྣོན་རྒྱག་དགོས་པ་སོགས་ཚུད་པའི་བླང་བྱ་བཏོན་ཡོད།